ꓠꓱꓸ ꓐꓯꓼ ꓞꓳ ꓫꓵꓽ ꓠꓱꓸ ꓐꓯꓼ ꓙꓵꓸꓹ ꓠꓲꓹ ꓠꓱꓸ ꓐꓯꓼ ꓡꓲ ꓒꓲꓼ ꓐꓰ ꓫꓸ ꓕꓱ_ ꓟ ꓚꓱꓹ

ꓠꓱꓸ ꓐꓯꓼ ꓞꓳ ꓫꓵꓽ ꓠꓱꓸ ꓐꓯꓼ ꓙꓵꓸꓹ ꓠꓲꓹ ꓠꓱꓸ ꓐꓯꓼ ꓡꓲ ꓒꓲꓼ ꓐꓰ ꓫꓸ ꓕꓱ_ ꓟ ꓚꓱꓹ

ꓢꓲ ꓫꓬ ꓕꓳ ꓶ ꓗꓪ ꓪꓴ-ꓢ ꓠꓬ ꓠꓱꓸ ꓐꓯꓼ ꓙꓵꓸꓹ ꓠꓲꓹ ꓠꓱꓸ ꓐꓯꓼ ꓡꓲꓽ ꓒꓲꓼ ꓠꓱꓸ ꓐꓯꓼ ꓞꓳ ꓫꓵꓽ ꓐꓰ ꓫꓸ ꓕꓱ_ ꓟ ꓚꓱꓹ ꓡꓳꓸ ꓟꓳ ꓪ ꓓ_ ꓡꓳ= ꓬꓲ ꓚꓰ ꓬꓲ ꓪꓴꓸ ꓕꓳ ꓶ ꓕꓲ ꓕꓱ ꓡꓱꓼ ꓗꓪ ꓪꓴ-ꓢ ꓠꓬ ꓕꓲ ꓫꓵꓽ ꓡꓲ ꓕꓲ ꓫꓵꓽ ꓚꓰꓼ ꓔ ꓟ ꓚꓱꓹ ꓖꓳ ꓟ ꓡꓲ ꓟꓽ ꓞꓲ ꓢꓲꓹ ꓜꓲ ꓡꓳ ꓜꓲ ꓕꓲ ꓫꓵꓽ ꓡꓲ ꓕꓲ ꓫꓵꓽ ꓬꓲ ꓒꓬꓱꓽ ꓥ ꓟꓲ ꓮ ꓟꓬꓹ ꓫꓵꓽ ꓚꓰꓼ ꓔ ꓟ ꓔꓯ ꓡꓳꓸ ꓟꓳ_ ꓡꓳ= ꓖꓳ ꓡꓱ ꓠꓬꓲ ꓪꓴ-ꓢ ꓠꓬ ꓟꓽ ꓪ ꓡꓯꓼ ꓘꓳ ꓟꓽ ꓫꓱꓹ ꓡꓯꓼ ꓘꓳ ꓠꓯꓼ ꓗꓪ ꓕꓲꓽ ꓠꓲꓹ ꓕꓲꓽ ꓪꓼ ꓪ ꓡꓯꓼ ꓘꓳ_ ꓟ ꓐꓯ_ ꓟ ꓔꓯ ꓠꓲꓹ ꓫꓵ_ ꓟ ꓚꓱꓹ ꓡꓳꓸ ꓟꓳ ꓪ_ ꓡꓳ= ꓕꓱ ꓟ ꓔꓯ Diversity in Unity ꓐꓯ_ ꓡꓳ= ꓖꓳ ꓡꓱ ꓪꓴ-ꓢ ꓡꓰ ꓚꓰꓼ ꓔ ꓟ ꓠꓬ ꓟꓽ ꓪ ꓡꓯꓼ ꓘꓳ ꓟꓽ ꓫꓱꓹ ꓡꓯꓼ ꓘꓳ_ ꓟ ꓮ ꓟꓬꓹ ꓙꓳ ꓥ ꓟꓲ ꓕꓱ ꓟ ꓠꓬ ꓮ ꓟꓬꓹ ꓡꓳꓸ ꓐꓲ_ ꓟ ꓮ ꓟꓬꓹ ꓙꓲ_ ꓟ ꓚꓱꓹ ꓔꓯ ꓪꓴ-ꓢ ꓠꓬ ꓡꓳꓸ ꓟꓳ_ ꓡꓳ ꓐꓰ ꓬꓲ ꓚꓰ ꓬꓲ ꓪꓴꓸ ꓕꓳ ꓶ 1ꓽ 31 ꓗꓪ ꓪꓴ-ꓢ ꓡꓰ ꓬꓲꓸ ꓚꓰꓼ ꓔ ꓟ ꓮ ꓙꓵꓽ ꓔꓯ ꓡꓳꓸ ꓠꓬꓲ ꓠꓬ ꓮ ꓘꓶꓸ ꓙꓵ_ ꓟ ꓥꓳ ꓐꓰ ꓡꓳꓸ ꓓꓳ ꓡ_ ꓡꓳ= ꓪꓴ-ꓢ ꓡꓰ ꓚꓰꓼ ꓔ ꓟ ꓮ ꓙꓵꓽ ꓠꓬ ꓡꓳꓸ ꓐꓲ_ ꓟ ꓥ ꓡꓳ= ꓟꓽ ꓙꓲ_ ꓐꓯ_ ꓟ ꓕꓲꓽ ꓫꓵꓽ ꓟꓲ ꓟꓽ ꓙꓳ=