ꓠꓱ. ꓐꓯ; ꓙꓵꓻ ꓠꓲ, ꓐꓰ ꓫ. ꓕꓱ ꓟ ꓲꓢꓡꓮꓟ ꓙꓵꓻ ꓠꓲ, ꓚꓱ,

ꓠꓱ. ꓐꓯ; ꓙꓵꓻ ꓠꓲ, ꓐꓰ ꓫ. ꓕꓱ ꓟ  ꓲꓢꓡꓮꓟ ꓙꓵꓻ ꓠꓲ, ꓚꓱ,

ꓠꓱ. ꓐꓯ; ꓙꓵꓻ ꓠꓲ, ꓐꓰ ꓫ. ꓕꓱ ꓟ ꓙꓵ, ꓗꓪ ꓐꓰ ꓲꓢꓡꓮꓟ ꓙꓵꓻ ꓠꓲ, ꓚꓱ, ꓗꓪ ꓐꓰ ꓫ‐ꓣꓲ‐ꓬ ꓚꓱ, ꓔꓯ ꓐꓯ ꓟ. ꓖꓶ ꓓꓴ ꓥꓳ꓿ ꓟꓴꓢꓡꓲꓟ ꓐꓴ ꓦꓻ ꓡꓱ ꓟ ꓗꓳ‐ꓣ ꓢꓲꓽ ꓫꓬ ꓕꓳ ꓶ  ꓐꓰ ꓟꓳ‐ꓧ‐ꓟꓯ ꓛꓳ ꓚꓱ, ꓔꓯ ꓐꓳ ꓦ ꓟ ꓥ ꓡꓳ꓿ ꓫ‐ꓣꓲ‐ꓬ ꓠꓯꓻ ꓗꓪ ꓴ‐ꓓꓴ ꓐꓯ ꓟ ꓝꓴꓲ ꓙꓳ ꓢꓴ ꓔꓯ ꓝꓴꓲ ꓖꓶˍ ꓟ ꓚꓱ, ꓚꓳꓼ ꓫꓵꓽ ꓙꓳ ꓡꓳ꓿ ꓞꓳ ꓘꓴꓽ ꓔꓯ ꓡꓯ ꓒꓯ ꓓꓶꓻ ꓗꓪ ꓛꓲ ꓝꓴꓡ ꓖꓶ ꓐ ꓡ ꓟ ꓠꓱ, ꓐꓯ ꓥꓪ ꓟ ꓠꓬ ꓫꓵꓻ ꓗꓪ ꓛꓲ ꓝꓴꓲ ꓖꓶ ꓐ ꓡ ꓟ ꓥ ꓡꓳ꓿ ꓫꓵꓻ ꓠ, ꓗꓪ ꓛꓲ ꓝꓴꓲ ꓠꓬ 1. ꓞꓳ ꓤ ꓢꓰꓼ ꓟ 2. ꓪꓴ‐ꓢ ꓔꓯ ꓛꓬꓻ ꓡꓰ ꓟ ꓙꓵꓻ ꓠꓲ, ꓔꓯ ꓟꓽ ꓒꓵꓽ ꓟ ꓫ. ꓕꓱ ꓢꓴ 3. ꓢꓴ ꓦꓲꓻ ꓢꓲꓽ ꓟ ꓦꓲꓻ ꓢꓲꓽ ꓒ ꓐꓰ ꓧꓪꓽ ꓖꓳ ꓓꓱꓽ ꓑꓯ ꓡꓯ ꓘꓳˍ ꓟ 4. ꓢꓴ ꓦꓲꓻ ꓢꓲꓽ ꓒ ꓦꓲꓻ ꓢꓲꓽ ꓟ ꓐꓰ ꓟꓽ ꓥꓳꓽ ꓡꓰ ꓥ ꓟꓲ ꓥꓳꓽ ꓡꓰ ꓐꓰ ꓐꓯ ꓢꓴ 5. ꓗꓴꓷꓼ ꓙꓵꓽ ꓚꓱ, ꓔꓯ ꓔꓳ ꓢꓴ ꓔꓯ ꓫꓵꓽ ꓠ, ꓗꓪ ꓛꓲ ꓝꓴꓲ ꓖꓶ ꓐ ꓡ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓲꓢꓡꓮꓟ ꓙꓵꓻ ꓠꓲ, ꓚꓱ, ꓗꓪ ꓠꓬ ꓡ ꓞꓳ ꓔꓯ ꓢꓰꓼ ꓗꓷ ꓠ, ꓗꓪ ꓛꓲ ꓝꓴꓲ ꓖꓶ ꓐ ꓡ ꓟ  ꓙꓳ ꓟ ꓥ ꓡꓳ꓿ꓗꓳ. ꓗꓷ ꓟ ꓙꓵ, ꓕꓯ ꓲꓢꓡꓮꓟ ꓙꓵꓻ ꓠꓲ, ꓫꓵꓽ ꓘꓶꓽ ꓔꓶ. ꓗꓪ ꓝꓴꓡ ꓙꓳ ꓢꓴ ꓐꓴ ꓠꓬ ꓫ. ꓕꓱ ꓟꓽ ꓔ ꓟ ꓥ ꓡꓳ꓿ ꓕꓱ ꓡꓱ ꓐꓰ ꓝꓴꓲ ꓙꓳ ꓢꓴ ꓔꓯ ꓢꓰꓼ ꓗꓷ ꓟ  ꓥ ꓡꓳ꓿ ꓖꓳ ꓡꓱ ꓥ ꓟꓲ ꓮ ꓟꓶ ꓟ ꓙꓵ, ꓗꓪ ꓠꓬ ꓥꓪ ꓠꓬ ꓟꓽ ꓬꓰ ꓕꓱ ꓟ ꓠꓬ ꓟꓽ ꓔꓱ, ꓟꓽ ꓜꓳ ꓐꓰ ꓫ. ꓕꓱ ꓔ ꓡꓳ꓿ ꓲꓢꓡꓮꓟ ꓙꓵꓻ ꓠꓲ, ꓔꓯ ꓧꓳꓽ ꓪꓴ. ꓟꓴ ꓢꓴ ꓟꓴ‐ꓧ‐ꓟꓯ ꓠꓬ ꓗꓴꓷꓼ ꓙꓵꓽ ꓚꓱ, ꓐꓰ ꓙꓵꓻ ꓠꓲ, ꓚꓱ, ꓔꓯ ꓧꓳꓽ ꓪꓴ. ꓟꓴ ꓢꓴ ꓥ ꓡꓳ꓿ ꓕꓱ ꓡꓱ ꓐꓰ ꓗꓴꓷꓼ ꓙꓵꓽ ꓚꓱ, ꓐꓰ ꓙꓵꓻ ꓠꓲ, ꓗꓪ ꓟꓬꓱꓽ ꓮ ꓟꓬ, ꓬꓰ ꓠ, ꓟ ꓲꓢꓡꓮꓟ ꓙꓵꓻ ꓠꓲ, ꓔꓯ ꓧꓳꓽ ꓪꓴ. ꓢꓴ ꓐꓴ ꓠꓬ ꓙꓵꓽ ꓪ ꓙꓳ ꓡꓳ꓿

Add new comment

10 + 3 =