ꓠꓲꓹ ꓟ ꓓꓵꓽ ꓙˍ ꓟ ꓐꓰ ꓜꓽ ꓪꓳ ꓡꓳꓸ ꓪꓳ ꓡꓰ ꓫꓸ ꓕꓱˍ ꓟ (Dialogue with Culture)

ꓞꓳ ꓫꓵꓽ ꓕꓲꓽ ꓫꓵꓽ ꓕꓲꓽ ꓜꓶ ꓡꓰ ꓕꓲꓽ ꓜꓶ ꓛꓳ ꓡꓹ ꓟ ꓗ ꓫꓵ ꓛꓳ ꓚꓱꓹ ꓕꓱ ꓟ ꓣꓳꓽ ꓡꓲꓽ ꓒꓲꓼ ꓐꓰ ꓐꓯꓹ ꓟ ꓥˍ ꓡꓳ= ꓢꓷꓸ ꓠꓲꓹ ꓙꓳ ꓒꓽ ꓐꓴ ꓡꓰ ꓐꓯꓹ ꓟ ꓠꓬ ꓡꓲꓽ ꓒꓲꓼ ꓠꓬ ꓞꓳ ꓫꓵꓽ ꓕꓲꓽ ꓫꓵꓽ ꓢꓯꓸ ꓔꓬ ꓟ ꓚꓱꓹ ꓪꓮꓬ ꓳꓝ ꓡꓲꓝꓰ ꓐꓯꓹ ꓟ ꓞꓳ ꓫꓵꓽ ꓕꓲꓽ ꓫꓵꓽ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓬꓰꓹ ꓟ ꓟꓬꓱꓽ꓾ ꓓꓵꓽ ꓙꓹ ꓟ ꓮꓽ ꓙꓵꓽ ꓔꓯ ꓐꓯꓹ ꓟ ꓥ ꓪ= ꓞꓳ ꓫꓵꓽ ꓢꓯꓸ ꓔꓬ ꓟ꓾ ꓠꓲꓹ ꓟ ꓓꓵꓽ ꓙꓹ ꓟ꓾ ꓠꓲꓹ ꓟ ꓔꓳꓹ ꓜꓳꓹ ꓟ꓾ ꓪꓽ ꓡꓯꓽ ꓘꓳ ꓫꓱꓹ ꓡꓯꓽ ꓘꓳˍ ꓟ꓾ ꓑꓮꓲꓽ ꓬꓰꓹ ꓟ꓾ ꓞꓲꓼ ꓔꓯ ꓐꓱ ꓡꓯꓽ ꓘꓳꓹ ꓟ ꓕꓱ ꓡꓰꓳ ꓫꓵꓽ ꓮꓽ ꓙꓵꓽ ꓔꓯ ꓡꓲꓽ ꓒꓲꓼ ꓐꓯˍ ꓡꓳ=

 ꓡꓲꓽ ꓒꓲꓼ ꓠꓬ ꓠꓲꓹ ꓟ ꓠꓯꓸꓼ ꓗꓪ ꓓꓵꓽ ꓙˍ ꓟ꓾ ꓠꓲꓹ ꓟ ꓠꓯꓸꓼ ꓗꓪ ꓘꓳꓹ ꓣꓴꓹ ꓟ ꓔꓯ ꓢꓷꓸ ꓡꓰ ꓝꓲꓹ ꓟ ꓬꓲ ꓢꓷꓸ ꓡꓰ ꓓꓴ ꓕꓲꓽ ꓟ ꓥˍ ꓟꓲ ꓥˍ ꓡꓳ=  ꓞꓳ ꓫꓵꓽ ꓕꓲꓽ ꓫꓵꓽ ꓡꓰ ꓕꓲ ꓫꓵꓽ ꓠꓬ ꓪꓴ-ꓢ ꓐꓯ ꓘꓶꓽ ꓔꓯ ꓚꓵꓸ ꓛꓬ ꓓꓵꓽ ꓙꓹ ꓟ ꓠꓲꓹ ꓟ ꓡꓰ ꓐꓰ ꓕꓲꓽ ꓡꓰ ꓟꓳ ꓡꓰ ꓝꓲꓹ ꓟ ꓥ ꓪ= ꓪꓴ-ꓢ ꓐꓯ ꓘꓶꓽ ꓐꓰ ꓞꓳ ꓫꓵꓽ ꓕꓲꓽ ꓫꓵꓽ ꓓꓵꓽ ꓙꓹ ꓟ ꓐꓰ ꓐꓯꓼ ꓡꓯꓽ ꓘꓳ ꓟꓶ ꓕꓯꓽ ꓠꓬ ꓠꓱꓸ ꓐꓯꓼ ꓞꓳ ꓫꓵꓽ ꓕꓲꓽ ꓧꓪꓹ ꓡꓰ ꓟꓽ ꓓꓵꓽ ꓙ ꓠꓬꓹ ꓟ ꓬꓲ ꓫꓵꓼ ꓢꓷꓸ ꓡꓰ ꓓꓴ ꓕꓲꓽ ꓫꓵꓽ ꓔꓯ  ꓪꓴ-ꓢ ꓚꓱꓹ ꓔꓯ ꓟꓳ ꓡꓰ ꓝꓲꓹ ꓟ ꓗꓶ ꓡꓰˍ ꓡꓳ=

 ꓡꓲꓽ ꓒꓲꓼ ꓐꓯ ꓕꓯ ꓜꓽ ꓪꓳ ꓡꓳꓸ ꓪꓳ ꓥˍ ꓟꓲ ꓐꓹ ꓟ ꓥ ꓪ= ꓕꓲꓽ ꓧꓪꓹ ꓡꓰ ꓟꓽ ꓛꓵ ꓠꓬꓲ ꓟ ꓗꓴꓷꓼ ꓗꓪ ꓠꓴ ꓛꓵ ꓠꓬ ꓜꓽ ꓪꓳ ꓡꓳꓸ ꓪꓳ ꓣꓳ ꓐꓰ ꓜꓹ ꓟ ꓟꓽ ꓪꓽ ꓡꓯꓽ ꓘꓳ= ꓖꓳ ꓕꓯ ꓦꓲ ꓘꓴꓽ ꓗꓪ ꓓꓵꓽ ꓙꓽ ꓡ ꓡꓳ= ꓖꓳ ꓟ ꓡꓰ ꓐꓰ ꓕꓲꓽ ꓡꓰ ꓪꓴ-ꓢ ꓠꓯꓸꓼ ꓗꓪ ꓣꓳ ꓙ ꓫꓱꓹ ꓕꓯ ꓜꓽ ꓪꓳ ꓡꓳꓸ ꓪꓳ ꓥˍ ꓟꓲ ꓬꓳꓸ ꓚꓵˍ ꓡꓳ= ꓘꓴ ꓜꓲꓼ ꓞꓳ ꓑꓮꓲꓽ ꓗꓪ ꓞꓳ ꓫꓽ ꓜꓽ ꓓꓴ ꓔꓯ ꓜꓽ ꓠ ꓗꓹ ꓡꓳ=