ꓠꓲꓹ ꓟ ꓡꓶˍ ꓟ꓾ ꓝꓴꓲ ꓬꓷꓠ ꓖꓶˍ ꓟ ꓐꓰ ꓧꓳꓹ ꓡꓯꓽ ꓘꓳˍ ꓟ (Dialogue with the Poor)

ꓚꓵꓸ ꓛꓬ ꓝꓴꓲꓸ ꓔꓯ ꓡꓬꓽ ꓡꓯꓹ ꓟꓳ ꓐ ꓡ ꓢꓲ ꓓꓵꓽ ꓙꓽ ꓒꓳꓹ ꓡꓲꓼ ꓡ ꓟ ꓐꓰ ꓢꓳ ꓔꓯ ꓝꓴꓲꓸ ꓬꓷꓠ ꓖꓶˍ ꓟ ꓝꓮꓲ ꓧꓳꓹ ꓡꓯ ꓘꓳ ꓝꓲˍ ꓟ ꓞꓳ ꓮꓽ ꓟꓬ ꓐꓱ ꓶ ꓙꓲ ꓖꓴ ꓙꓳꓹ ꓟ ꓔꓯ ꓛꓲ ꓡꓹ ꓟ ꓙꓵꓹ ꓗꓪ ꓬꓰ ꓠꓹ ꓐꓱ ꓶ ꓕꓲꓽ ꓠꓲꓹ ꓕꓲ ꓪꓼ ꓖꓪ ꓙꓱ ꓡꓯꓽ ꓘꓳˍ ꓟ ꓐꓰ ꓕꓲꓽ ꓠꓲꓹ ꓕꓲꓽ ꓪꓼ ꓬꓰ ꓠꓹ ꓟ ꓐꓱ ꓶ ꓖꓪ ꓙꓱ ꓞꓲꓹ ꓔ ꓟ ꓕꓱ ꓡꓲꓳ ꓫꓵꓽ ꓔꓯ ꓬꓰ ꓐ ꓡ ꓝꓲˍ ꓟ ꓥ ꓪ=ꓠꓲꓹ ꓟ ꓡꓶˍ ꓟ ꓐꓰ ꓝꓴꓲ ꓬꓷꓠ ꓖꓶˍ ꓟ ꓠꓬ ꓞꓳ ꓤꓽ ꓕꓲꓽ ꓣꓳ ꓔꓯ ꓫꓬꓹ ꓑꓱ ꓠꓹ ꓟ ꓐꓱ ꓶ ꓓꓽ ꓪꓴ ꓬꓳꓸ ꓚꓵ_ꓟ ꓥˍ ꓡꓳ=

ꓧꓳꓹ ꓡꓯꓽ ꓘꓳ ꓠꓹ ꓟ ꓐꓱ ꓶ ꓟꓽ ꓓ ꓬꓳꓸ ꓚꓵꓹ ꓟ 2 ꓟ ꓙꓳˍ ꓡꓳ= (1) ꓟꓽꓔꓱꓹ ꓟ ꓠꓯꓸꓼ ꓗꓪ ꓐꓰ ꓡꓲꓹ ꓙꓲ ꓠꓹ ꓟ (2) ꓠꓲꓹ ꓟ ꓠꓯꓸꓼ ꓗꓪ ꓟꓽ ꓙꓲꓹ ꓟ ꓠꓲꓹ ꓟ ꓠꓹ ꓟ ꓥ ꓕꓯ ꓑꓳꓸ ꓕꓱ ꓡꓰꓳ ꓫꓵꓽ ꓠꓲꓹ ꓟ ꓠꓯꓸꓼ ꓗꓪ ꓓꓵꓽ ꓙꓹ ꓟ ꓥ ꓕꓯ ꓑꓳꓸ ꓔꓯ ꓟꓽ ꓙꓳ ꓡꓰ ꓠꓹ ꓫꓬ ꓡꓰ ꓠ ꓬꓰ ꓝꓴˍ ꓟ ꓚꓱꓹ ꓥˍ ꓡꓳ= ꓧꓳꓹ ꓡꓯꓽ ꓘꓳ ꓟ ꓟꓽ ꓙꓳ ꓢꓰꓼ ꓧꓶꓸ ꓕꓯ ꓗꓪ ꓟꓽ ꓕꓱꓹ ꓟ ꓠꓯꓸꓼ ꓗꓪ ꓔꓳꓹ ꓜꓳ ꓔꓬ ꓟ ꓕꓲꓽ ꓛꓱ ꓔꓯ ꓢꓲ ꓟꓽ ꓔꓱꓹ ꓟ ꓠꓯꓸꓼ ꓗꓪ ꓐꓰ ꓡꓰꓹ ꓙꓵ ꓠꓹ ꓟ ꓬꓳꓸ ꓚꓵˍ ꓡꓳ=

ꓖꓳ ꓟ ꓡꓰ ꓐꓰ ꓕꓲꓽ ꓡꓲ ꓝꓴꓲꓸ ꓙꓳ ꓢꓴ꓾ ꓖꓳ ꓟ ꓡꓰ ꓟꓽ ꓞꓲ ꓢꓳ ꓡꓰ ꓥꓲꓸ ꓔ ꓟ꓾ ꓢꓳ ꓡꓰ ꓟꓽ ꓔꓱꓹ ꓟ ꓜꓳꓹ ꓟ ꓠꓯꓸꓼ ꓗꓪ ꓐꓰ ꓬꓰ ꓡꓹ ꓟ ꓥ ꓕ ꓑꓳꓸ ꓔꓯ ꓢꓷ ꓠꓬꓲ ꓔ ꓟ ꓡꓰ ꓟꓽ ꓞꓲ ꓢꓳ ꓔꓯ ꓟꓽ ꓙꓲꓹ ꓟ ꓬꓰ ꓢꓴ ꓥˍ ꓟꓲ ꓚꓵꓸ ꓛꓬ ꓥꓳ ꓡꓰˍ ꓟ ꓔꓯ ꓠꓲꓹ ꓟ ꓒꓳꓹ ꓡꓲꓼ ꓠꓲꓹ ꓟ ꓡꓶꓸ ꓢꓲ ꓢꓳ ꓔꓯ ꓖꓶ ꓬꓲꓸ ꓠꓹ ꓟ ꓬꓳꓸ ꓚꓵˍ ꓡꓳ=

Add new comment

7 + 7 =