ꓢꓲ ꓒ ꓠꓯꓼ ꓗꓪ ꓧꓪ: ꓧꓪꓼꓸ ꓕꓱ ꓕꓲ ꓠ ꓡꓲꓽ ꓒꓰꓼ ꓐꓰ ꓫꓸ ꓕꓱ_ ꓟ꓾ꓐꓰ ꓫꓸ ꓕꓰ ꓟ ꓗꓪ ꓠꓬ ꓡꓲꓽ ꓒꓰꓼ ꓐꓯˍ ꓟ ꓮ ꓫꓵꓽ ꓥ ꓡ꓾ꓐꓰ ꓣꓳ ꓓꓵ ꓙ ꓠꓬꓲꓸ ꓕꓯ ꓢꓷꓸ ꓠꓲꓹ ꓙꓳ ꓒ ꓐꓴ ꓐꓯ ꓔꓽ ꓟ ꓡꓰ ꓐꓰ ꓡꓲꓽ ꓒꓰꓼ ꓐꓯˍ ꓟ ꓠꓬ ꓞꓳ ꓫꓵ: ꓕꓲ ꓫꓵ: ꓟ ꓬꓲ ꓓꓵ ꓙ ꓚꓱꓹ ꓬꓲ ꓛꓳ ꓙꓳ ꓚꓱꓹ ꓮ ꓙꓵꓹ ꓔꓯ ꓟꓳꓸ ꓖꓶ ꓟ ꓥ ꓡꓳ꓾ ꓐꓰ ꓐꓯ ꓡꓳ= ꓠꓬꓲꓸ ꓠꓬꓲ ꓣꓳ ꓠꓽ ꓠꓹ ꓓꓴ ꓠꓬ ꓓꓵ ꓙ ꓚꓱꓹ ꓟ ꓮ ꓡꓰ ꓥ ꓡ ꓐꓯ ꓟ  ꓣꓳ ꓕꓲ ꓛꓳ ꓡꓳꓸ ꓠꓬꓲ ꓓꓴ ꓬꓰ ꓡꓯ= ꓣꓳ ꓞꓳ ꓫꓵ ꓕꓲ ꓫꓵꓽ ꓥꓳ ꓐꓯ ꓕꓯ ꓬꓲꓸ ꓠꓬꓲ ꓠꓱꓸ ꓐꓯꓼ ꓔꓯ ꓟꓽ ꓪ ꓬꓲꓸ ꓛꓲꓽ ꓛꓬ ꓬꓲ ꓐꓰ ꓬꓲꓸ ꓞꓳ ꓫꓵꓽ ꓔꓯ ꓡꓰ ꓖꓪˍ ꓟ ꓣꓳ ꓡꓳꓸ ꓟꓳ ꓡꓳ= ꓖꓪˍ ꓟ ꓫꓱꓼ ꓡꓯꓼ ꓘꓳꓹ ꓔꓯ ꓕꓱꓼ ꓟ ꓫꓱꓼ ꓡꓯꓼ ꓘꓳꓹ ꓕꓯ ꓖꓳ ꓟ ꓠꓬ ꓞꓳ ꓫꓵꓽ ꓕꓲ ꓫꓵ ꓐꓰ ꓖꓳ ꓡꓰ ꓐꓯ ꓡꓳ=

ꓖꓳ ꓡꓰ ꓠꓬꓲ ꓬꓲꓸ ꓪ ꓐꓴ ꓖꓪˍ ꓟ ꓖꓪ ꓫꓵꓽ ꓕꓱ ꓟ ꓫꓸ ꓕꓱ ꓖꓶ ꓬꓲꓸ ꓪ ꓠꓲꓹ ꓟ ꓠꓯꓼˍ ꓗꓪ ꓓꓵ ꓙ ꓫꓱꓹ ꓥ ꓟꓲ ꓪꓽ ꓟ ꓪꓴꓸ ꓠꓬꓲ ꓥ ꓡꓳ= ꓓꓵ ꓙ ꓚꓱꓹ ꓖꓳ ꓟ ꓮ ꓡꓰ ꓐꓰ ꓪꓽˍ ꓐꓯˍ ꓟ ꓟꓳꓸ ꓖꓶ ꓡ ꓓꓴ ꓠꓬ ꓬꓲꓸ ꓕꓯ ꓢꓲ ꓗꓪ ꓓꓳꓸꓸ ꓡ ꓟ ꓥꓳ ꓫꓵꓽ ꓐꓰ ꓶꓸꓹ ꓖꓪ ꓜꓽ ꓫꓵꓽ ꓜꓽ ꓙꓰ ꓕꓱ ꓡꓱ ꓐꓰ ꓪꓽˍ ꓟ ꓑꓶꓸ ꓓꓴ ꓠꓬꓲ ꓥ ꓡꓳ= ꓔꓯ ꓥꓳ ꓐꓯ ꓠꓬ ꓢꓲ ꓒ ꓬꓰ-ꓢ ꓠꓬ ꓬꓴ-ꓦ ꓡꓲꓽ ꓒꓰꓼ ꓘꓴꓽ ꓠꓯꓼˍ ꓗꓪ  ꓦꓵꓸꓹ ꓡ ꓡꓳ= ꓢꓲ ꓒ ꓬꓰ-ꓢꓴ ꓬꓴ-ꓔ ꓡꓲꓽ ꓒꓰꓼ ꓘꓴꓽ ꓗꓪ ꓦꓵꓸꓹ ꓡ ꓟ ꓑꓶꓸ ꓓꓴ ꓬꓴ-ꓔ ꓕꓲ ꓣꓳ ꓡꓰ ꓐꓰ ꓬꓴ-ꓔ ꓡꓲꓽ ꓒꓰꓼ ꓔꓯ ꓖ ꓛꓳ ꓢꓲ꓾ ꓠꓬꓲ  ꓕꓱ ꓡꓱ ꓐꓰ ꓬꓲꓸ ꓠꓬꓲ ꓞꓳ ꓙꓳ ꓖꓳꓸꓹ ꓙꓰ ꓡꓳ= ꓖꓳ ꓡꓰ ꓠꓬꓲ ꓬꓲ ꓤ ꓠꓬꓲ ꓤ ꓐꓴꓳ꓾ ꓣꓳ ꓙꓰ ꓚꓱꓹ ꓓꓵ ꓙ ꓚꓱꓹ ꓥ ꓟꓲ ꓣꓳꓸꓹ ꓚꓵ ꓡꓳ꓾ ꓐꓯ ꓟ ꓣꓳ ꓔꓯ ꓟꓳꓸ ꓖꓶ ꓡ ꓡꓳ= ꓬꓲ ꓤ ꓠꓬꓲ ꓤ ꓐꓴꓳ꓾ ꓢꓲ ꓫꓬ ꓕꓳꓽ ꓶ ꓠꓬ ꓮ ꓡꓰ ꓫꓵꓽ ꓞꓳ ꓫꓵꓽ ꓵꓸꓹ ꓠꓬ ꓬꓲꓸ ꓪ ꓡꓲꓽ ꓒꓰꓼ ꓗꓪ ꓐꓰ ꓠꓽ ꓠꓹ ꓙꓰ ꓟ ꓑꓶꓸ ꓓꓴ ꓡꓲꓽ ꓒꓰꓼ ꓠꓬ ꓣꓳꓸꓹ ꓚꓵ ꓡꓳ= ꓣꓳ ꓡꓲꓽ ꓒꓰꓼ ꓔꓯ ꓒꓴꓽ ꓖ ꓙꓰ ꓠꓹ ꓟ ꓟ ꓢꓯꓼ ꓕꓵꓼ ꓡꓯ=