ꓡꓲꓽ ꓒꓰꓼ ꓐꓰ ꓫ. ꓕꓱ ꓟ ꓗꓪ ꓐꓰ ꓡꓲꓽ ꓒꓰꓼ ꓚꓱ, (Dialogue with culture)

ꓡꓲꓽ ꓒꓰꓼ ꓐꓰ ꓫ. ꓕꓱ ꓟ ꓗꓪ ꓐꓰ ꓡꓲꓽ ꓒꓰꓼ ꓚꓱ,

ꓡꓲꓽ ꓒꓰꓼ ꓐꓰ ꓫ. ꓕꓱ ꓟ ꓗꓪ ꓐꓰ ꓘꓴ ꓜꓲꓼ ꓞꓳ ꓡꓰ ꓟ. ꓖꓶ ꓡ ꓟ (Social teaching of the Church) ꓐꓯ ꓟ ꓗꓪ ꓐꓰ ꓡꓲꓽ ꓒꓰꓼ ꓚꓱ, ꓔꓯ ꓢꓲꓺ ꓒ ꓬꓰ‐ꓢꓴ ꓡꓰ ꓐꓯ ꓟ. ꓖꓶ ꓡ ꓟ ꓔꓯ ꓠ ꓠ,  ꓓꓴ ꓬꓰ ꓡꓯ꓿ ꓡꓳ. ꓬꓰ ꓟ ꓙꓵ, ꓗꓪ ꓢꓲꓺ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓙꓵꓽ ꓗ, ꓚꓳ ꓟ ꓕꓯ ꓢꓲ ꓠꓲ, ꓟ ꓢꓲꓽ ꓫꓬ ꓡꓰ ꓠ, ꓟ ꓣꓺ ꓚꓲꓻ ꓡꓳ ꓐꓯ ꓟ ꓔꓯ ꓐꓯ ꓟ. ꓖꓶ ꓡꓺꓳ ꓬꓰꓳ꓿

ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓠꓯ, ꓗꓪ ꓠꓵꓻ ꓠꓲ, ꓠꓬ ꓙꓵꓽ ꓗ, ꓮ ꓙꓵꓽ ꓟ ꓬꓲ. ꓚꓰꓻ ꓥ ꓡꓳ꓿ ꓬꓴ‐ꓔ ꓡ ꓞꓳ ꓐꓴ ꓠꓯ, ꓗꓪ ꓟꓬꓽ ꓢꓶꓽ ꓬꓲ. ꓛꓲ ꓟꓬ ꓟꓶꓽ ꓧꓶꓽ ꓛꓲ ꓬꓲ. ꓛꓲ ꓧꓶꓽ ꓛꓲꓕꓱ ꓡꓰ ꓪ ꓛꓲ ꓝꓱ, ꓔ ꓟ ꓔꓯ ꓫꓱꓻ ꓤ ꓟ ꓠꓲ, ꓟ ꓝꓴꓲ ꓭ ꓖꓶ ꓟ ꓠꓲ, ꓟ ꓠꓲ, ꓟ ꓫꓵˍ ꓡꓳ ꓐꓰ ꓢꓳ ꓪ ꓡꓳ꓿

(ꓟꓔ5ꓽ38) ꓗꓪ ꓢꓲꓺ ꓒ ꓬꓰ‐ꓢꓴ ꓡꓰ ꓮꓽ ꓟ ꓡꓰ ꓠꓴ ꓐꓵ ꓞꓶꓽ ꓠꓯ. ꓘꓪ ꓕꓲ ꓘꓳ, ꓟ ꓣꓴ ꓔꓯ, ꓙꓰ ꓠꓲ, ꓫꓵ ꓢꓲ ꓠꓴ ꓔꓯ ꓗꓳ, ꓢꓴ ꓙꓳˍ ꓠꓬꓲ꓾ ꓕꓯ ꓢꓲ ꓕꓲ ꓘꓳ, ꓟˍ ꓟꓲ ꓔꓯ, ꓙꓰ ꓝꓲ꓿ ꓬꓴ‐ ꓔ ꓡ ꓞꓳ ꓛꓳ ꓟ ꓚꓱ, ꓔꓯ ꓐꓯ ꓟ. ꓔ ꓟ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓬꓴ‐ꓔ ꓡ ꓞꓳ ꓐꓴ ꓛꓳ ꓟ ꓚꓱ, ꓠꓬ ꓥꓳꓽ ꓡꓰ ꓟ ꓔꓯ ꓢꓲꓺ ꓒ ꓬꓰ‐ꓢꓴ ꓡꓰ ꓐꓯ ꓟ ꓖꓶ ꓟ ꓥ ꓡꓳ꓿ ꓪ ꓛꓲ ꓝꓱ ꓔ ꓟ ꓪꓽ ꓙꓳ ꓝꓱ ꓔ ꓟ ꓠꓬ ꓟꓽ ꓙꓲꓻ ꓟ ꓥ ꓢꓲ ꓠꓬꓲ ꓕꓱ ꓡꓱ ꓫꓵꓽ ꓔꓯ ꓠꓽ ꓡꓰ ꓠ, ꓟ ꓟꓬꓽ ꓠꓬꓲ ꓬꓲ. ꓔꓯ ꓖꓽ ꓖꓶ ꓭ ꓖꓶ ꓠ, ꓟ ꓐꓯ ꓟ. ꓖꓶ ꓔ ꓡꓳ꓿

ꓟꓔ(18ꓽ22) ꓗꓪ ꓥꓪ ꓠꓴ ꓔꓯ ꓥꓪ ꓫꓵꓽ ꓧꓪ, ꓡꓰ ꓟꓽ ꓐꓯ ꓫꓵꓽ ꓧꓪ, ꓟ ꓧꓪꓽ ꓞꓲ ꓧꓪ, ꓟꓲ ꓖꓽ ꓖꓶ ꓐꓰ ꓐꓯ ꓔ ꓡꓳ꓿ ꓝꓴꓲ ꓣꓲ. ꓖꓶ ꓟ ꓠꓬ ꓕꓲ ꓧꓪ, ꓡꓰ ꓟꓽ ꓥ ꓐꓯ ꓠꓲ, ꓟ ꓫꓵˍ ꓟ ꓠꓬ ꓪꓴꓽ ꓖꓴ ꓟꓽ ꓔ ꓠ, ꓛꓲ ꓝꓴꓲ ꓔ ꓖꓽ ꓖꓶ ꓠ, ꓟ ꓐꓯ ꓟ ꓔ ꓟ ꓥ ꓡꓳ꓿ ꓞꓳ ꓤ ꓛꓳ ꓡ ꓟ ꓡꓲꓽ ꓒꓰꓼ ꓐꓰ ꓙꓵꓻ ꓠꓲ, ꓚꓱ, ꓠꓬ ꓬꓲ. ꓜꓳꓽ ꓟꓶ ꓥ ꓢꓲ ꓠꓬꓲ ꓡꓲꓽ ꓒꓰꓼ ꓐꓰ ꓛꓳ ꓚꓱ, ꓠꓬ ꓙꓵꓻ ꓠꓲ, ꓗꓪ ꓐꓰ ꓡ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓡꓲꓽ ꓒꓰꓼ ꓐꓰ ꓛꓳ ꓚꓱ, ꓠꓬ ꓙꓵꓻ ꓠꓲ, ꓡꓰ ꓟ. ꓖꓶ ꓡ ꓟ ꓥ ꓡꓳ꓿

ꓕꓲ ꓧꓪ, ꓧꓪ ꓣꓳ ꓛꓳ ꓚꓱ, ꓡꓲꓽ ꓒꓰꓼ ꓠꓬ ꓐꓲꓻ ꓡꓰ ꓜꓲꓼ ꓟ ꓟꓽ ꓙꓳˍ ꓥꓳꓽ ꓡꓰ ꓟ ꓛ ꓡꓰ ꓟ ꓙꓳˍ ꓡ ꓟ ꓠꓬ ꓙꓵꓻ ꓠꓲ, ꓠꓯ, ꓗꓪ ꓐꓲꓻ ꓜꓲꓼ ꓟ ꓟꓽ ꓙꓳ ꓗꓷ ꓡꓰ ꓟ ꓪꓴ. ꓠꓬꓲ ꓥ ꓡꓳ꓿ ꓕꓱ ꓟ ꓠꓬ ꓙꓵꓻ ꓠꓲ, ꓗꓪ ꓐꓰ ꓓꓳꓻ ꓡ ꓟ ꓫ. ꓙꓲꓻ ꓟꓷꓼ ꓙꓲꓻ ꓓꓴ ꓕꓲ ꓫꓵꓽ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ ꓡꓲꓽ ꓒꓰꓼ ꓐꓰ ꓛꓳ ꓚꓱ, ꓔꓯ ꓠꓬ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓡꓲꓽ ꓒꓰꓼ ꓚꓱ, ꓔꓯ ꓬꓲ. ꓓꓵ ꓛ ꓢꓲ ꓠꓬꓲ ꓟ. ꓖꓶ ꓠ, ꓔ ꓡꓳ꓿ ꓟ. ꓟꓲ ꓔ ꓕꓱ ꓗꓪ ꓠꓽ ꓢꓲ ꓓꓴ ꓥꓳ ꓮ ꓘꓶ. ꓫ. ꓟꓳ ꓪ꓿