ꓡꓲꓽ ꓒꓰꓼ ꓬꓲꓸ ꓒꓵꓽ (3) Dialogue with Culture

ꓡꓲꓽ ꓒꓰꓼ ꓬꓲꓸ ꓒꓵꓽ ꓔꓯ ꓣꓳ ꓛꓳꓽ ꓠꓬꓲ ꓠꓬ ꓢꓯꓼ ꓟꓬ ꓬꓲꓸ ꓒꓵꓽ ꓠꓬ ꓟꓽ ꓓ ꓪꓴꓽ ꓖꓴ ꓡꓰˍ ꓟ ꓥˍ ꓡꓳ= ꓮ ꓡꓲꓳ ꓐꓯ ꓠꓬ ꓞꓳ ꓤꓽ ꓢꓯꓼ ꓟꓬ ꓙꓳ ꓡˍ ꓟ ꓕꓲꓽ ꓠꓬꓲ ꓗꓪ ꓚꓳꓹ ꓡꓰ ꓡꓲꓽ ꓒꓰꓼ ꓐꓯˍ ꓟ ꓠꓬ ꓞꓳ ꓤꓽ ꓖꓳ ꓕꓲꓽ ꓣꓳ ꓐꓰ ꓕꓲꓽ ꓪꓼ ꓐ ꓡˍ ꓟ ꓥˍ ꓡꓳ= ꓖꓳ ꓟ ꓑꓶ ꓓꓴ ꓞꓳ ꓤꓽ ꓕꓲꓽ ꓣꓳ ꓢꓯꓼ ꓟꓬ ꓐꓰ ꓡꓲꓽ ꓒꓰꓼ ꓐꓯˍ ꓟ ꓠꓬ ꓞꓳ ꓤꓽ ꓕꓲꓽ ꓣꓳ ꓬꓲꓸ ꓔꓬ ꓕꓲꓽ ꓞꓲꓼ ꓗꓪ ꓟꓽ ꓓꓽ ꓬꓳꓸ ꓚꓵˍ ꓟ ꓪꓴ-ꓢ ꓡꓰ ꓖꓶ ꓡˍ ꓟ ꓡꓯꓽ ꓫꓵꓽ ꓓꓽ ꓟ ꓥˍ ꓡꓳ= ꓡꓲꓽ ꓒꓰꓼ ꓐꓯˍ ꓟ ꓠꓬ ꓞꓳ ꓤꓽ ꓬꓲ ꓕꓲꓽ ꓞꓲꓼ ꓗꓪ ꓬꓲꓸ ꓢꓯꓼ ꓟꓬ ꓔꓯ ꓡꓳꓸ ꓙ ꓑꓳꓽ ꓙ ꓖꓶ ꓠꓹ ꓟ ꓖꓳ ꓟ ꓡꓰ ꓟꓽ ꓞꓲ ꓪꓴꓽ ꓡ ꓟꓴ ꓡ ꓢꓲ ꓟꓬꓱ ꓓꓳꓽ ꓙꓳˍ ꓟ ꓬꓲꓸ ꓒꓵꓽ ꓐꓯ ꓞꓲꓹ ꓟꓽ ꓓˍ ꓟ ꓬꓲ ꓞꓲꓹ ꓒꓬꓱꓼ ꓡ ꓠ ꓫꓬꓹ ꓔꓶ ꓐ ꓡ ꓠꓹ ꓟ ꓐꓱ ꓶ ꓟꓽ ꓙꓳ ꓟꓽ ꓓˍ ꓟ ꓕꓲꓽ ꓫꓵꓽ ꓥˍ ꓡꓳ= 

  ꓟꓲ ꓠꓯ ꓞꓳ ꓤꓽ ꓐꓱ ꓶ ꓡꓲꓽ ꓒꓰꓼ ꓠꓬ ꓞꓳ ꓤꓽ ꓔꓯ  ꓢꓯ ꓔꓬ ꓟꓶ ꓠꓹ ꓟ ꓐꓱ ꓶ ꓮ ꓕꓯ ꓥˍ ꓟꓲ ꓒꓳꓹ ꓡꓶꓸ ꓢꓲ ꓪꓴꓽ ꓡ ꓟꓴ ꓡ ꓠ ꓬꓰ ꓔꓬ ꓥˍ ꓟꓲ ꓞꓳ ꓤꓽ ꓕꓲꓽ ꓤꓳ ꓬꓲꓸ ꓢꓯꓸ ꓔꓬ ꓟ ꓕꓲꓽ ꓤꓶ ꓗꓪ