ꓡꓲꓽ ꓒꓲꓼ ꓐꓰ ꓙꓵ ꓠꓲ ꓫꓸ ꓕꓱˍ ꓕꓯ (Dialogue with Culture)

ꓙꓵ ꓠꓲꓹ ꓐꓰ ꓡꓲꓽ ꓒꓲꓼ ꓫꓸ ꓕꓱˍ ꓕꓯ ꓫꓸ ꓕꓱ ꓠˍ ꓟ 

1ꓸ ꓫꓸ ꓪ ꓐꓰ ꓕꓳꓽ ꓶ ꓡꓰ ꓫꓸ ꓕꓱˍ ꓟ

ꓞꓳ ꓫꓵꓽ ꓕꓲꓽ ꓫꓵꓽ ꓬꓲ ꓪꓽ ꓫꓸ ꓪ ꓗꓪ ꓐꓰ ꓫꓸ ꓕꓱˍ ꓠꓬ ꓪꓴ-ꓢ ꓟꓸ ꓟꓲꓽ ꓟꓬ ꓠꓬꓲ ꓕꓶ ꓡꓰˍ ꓟ ꓥꓳ= ꓕꓳꓽ ꓶ ꓫꓬ ꓖꓶꓽ ꓢꓲ ꓢꓲꓽ ꓫꓬ ꓕꓳꓽ ꓶ ꓐꓳ ꓖꓶˍ ꓠꓬ ꓟꓬꓽ ꓠꓬꓲ ꓕꓶ ꓡꓰˍ ꓥꓳ= 

2ꓸ ꓟꓶ ꓫꓵꓽ ꓟꓶ ꓙꓵꓽ ꓐꓰ ꓫꓸ ꓕꓱˍ ꓟ

ꓞꓳ ꓫꓵꓽ ꓕꓲꓽ ꓫꓵꓽ ꓟꓶ ꓫꓵꓽ ꓟꓶ ꓙꓵꓽ ꓡꓰ ꓪꓴ-ꓢ ꓔꓯ ꓫꓱꓸ ꓖꓶˍ ꓠꓬ ꓪꓴ-ꓢ ꓟꓸ ꓟꓲꓽ ꓠꓲꓹ ꓟ ꓠꓯꓸꓼ ꓗꓪ ꓟꓬꓽ ꓠꓬꓲ ꓪꓴ ꓡꓰˍ ꓥꓳ= 

3ꓸ ꓟꓴꓽ ꓖꓪ ꓐꓰ ꓫꓸ ꓕꓱˍ ꓟ

ꓞꓳ ꓫꓵꓽ ꓕꓲꓽ ꓫꓵꓽ ꓬꓳꓹ ꓬꓲ꓾ ꓟꓴ ꓖꓪꓽ ꓐꓵˍ ꓟ꓾ ꓞꓳ ꓫꓵꓽ ꓕꓲꓽ ꓫꓵꓽ ꓟꓴꓽ ꓖꓪꓽ ꓢꓯꓼ ꓡꓰ ꓫꓱꓸ ꓖꓶ ꓠꓯˍ ꓡꓳ= ꓖꓳ ꓡꓰ ꓠꓬ ꓪꓴ-ꓢ ꓐꓯ ꓘꓶꓽ ꓚꓵꓸ ꓛꓬꓽ ꓔꓯ ꓟ ꓗꓶ ꓡꓰˍ ꓥꓳ=

4ꓸ ꓶꓼ ꓖꓪꓽ ꓐꓰ ꓫꓸ ꓕꓱˍ ꓟ

ꓞꓳ ꓫꓵꓽ ꓕꓲꓽ ꓫꓵꓽ ꓐꓱ ꓶ ꓶꓼ ꓖꓪꓽ ꓠꓬ ꓮꓽ ꓘꓶꓸ ꓬꓳꓸ ꓚꓵˍ ꓡꓳ= ꓶꓼ ꓖꓪꓽ ꓔꓯ ꓖꓪꓽ ꓢꓲ ꓪꓽ ꓘꓴ ꓪꓴ-ꓢ ꓔꓯ ꓫꓱꓸ ꓖꓶˍ ꓠꓬ ꓠꓲꓹ ꓟ ꓢ ꓡꓰ ꓢꓲ ꓠꓲꓹ ꓟ ꓘꓴꓽ ꓗꓪ ꓪꓴ ꓡꓰˍ ꓡꓳ=

5ꓸ ꓧꓶꓸ ꓕꓯꓽ ꓙꓵ ꓠꓲꓹ ꓠꓯꓸꓼ ꓗꓪ ꓟ ꓡꓲꓽ ꓒꓲꓼ ꓛꓳ ꓚꓱꓹ ꓐꓰ ꓫꓸ ꓕꓱˍ ꓟ

ꓧꓶꓸ ꓕꓯꓽ ꓙꓵ ꓠꓲꓹ ꓗꓪ ꓟ ꓛꓳ ꓚꓱ ꓠꓯꓸꓼ ꓗꓪ ꓚꓳ ꓙꓵˍ ꓟ꓾ ꓥˍ ꓠꓬ ꓐꓳꓹ ꓡꓷꓸ ꓢꓲ ꓣꓱˍ ꓠꓬ ꓪꓴ-ꓢ ꓟꓸ ꓟꓬꓽ ꓠꓬꓲ ꓕꓶ ꓡꓰˍ ꓥꓳ=

6ꓸ ꓧꓶꓸ ꓕꓯꓽ ꓙꓵ ꓠꓲꓹ ꓠꓯꓸꓼ ꓗꓪ ꓟ ꓔꓬ ꓔꓶꓸ ꓐꓰ ꓦꓲ ꓔꓯ ꓣꓱ ꓢꓲ ꓫꓸ ꓕꓱˍ ꓟ

ꓧꓶꓸ ꓕꓯꓽ ꓙꓵ ꓠꓲꓹ ꓠꓯꓸꓼ ꓗꓪ ꓟ ꓬꓲ ꓔꓶꓸ ꓐꓰ ꓦꓲ ꓔꓯ ꓥˍ ꓟꓲ ꓪꓽ ꓘꓴ ꓔꓲ ꓢꓲ ꓣꓱˍ ꓟ ꓡꓳ ꓟꓳ ꓪꓽ ꓓˍ ꓡꓳ=