Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓡꓲꓽ ꓒꓲꓼ ꓐꓰ ꓫꓸ ꓕꓱˍ ꓟ (Dialogue with Culture)
Tuesday, January 18, 2022
ꓡꓲꓽ ꓒꓲꓼ ꓐꓰ ꓫꓸ ꓕꓱꓹ ꓕꓯꓽ ꓙꓵ ꓠꓲꓹ ꓟꓲ ꓐ ꓡ ꓡꓳ= ꓮꓡꓲꓳ ꓐꓯ ꓠꓬ ꓡꓲꓽ ꓒꓲꓽ ꓠꓬ ꓙꓵ ꓠꓲꓹ ꓐꓰ ꓕꓲꓽ ꓪꓽ ꓥˍ ꓟ ꓙꓳ ꓢꓲ ꓕꓲꓽ ꓐꓱ ꓠꓬ ꓡꓲꓽ ꓒꓲꓼ ꓬꓲ ꓫꓳꓽ ꓙꓵ ꓠꓲ ꓬꓲ ꓫꓳꓸ ꓥˍ ꓡꓳ= ꓮꓽ ꓠꓵ ꓟ ꓡꓲꓽ ꓒꓲꓼ ꓔꓯ ꓣꓴ ꓢꓲ ꓣꓱˍ ꓟ ꓔꓯ ꓓꓲꓮꓡꓳꓖꓴꓰ ꓪꓲꓔꓧ ꓚꓴꓡꓔꓴꓣꓰ ꓐꓰ ꓐꓯ ꓢꓲ ꓙꓵ ꓠꓲꓹ ꓗꓪ ꓟ ꓛꓳ ꓚꓱꓹ ꓐꓰ ꓡꓲꓽ ꓒꓲꓼ ꓔꓯ ꓣꓴ ꓢꓲ ꓣꓱ ꓠꓬ ꓓꓲꓮꓡꓳꓖꓴꓰ ꓪꓲꓔꓧ ꓳꓔꓧꓰꓣ ꓣꓰꓡꓲꓖꓲꓳꓠꓢ ꓳꓣ ꓲꓠꓔꓰꓣꓣꓰꓡꓲꓖꓲꓳꓴꓢ ꓓꓲꓮꓡꓳꓖꓴꓰ ꓐꓰ ꓐꓯˍ ꓡꓳ=
ꓖꓳ ꓡꓱ ꓥˍ ꓟꓲ ꓕꓲꓽ ꓟ ꓟ ꓠꓬ ꓡꓲꓽ ꓒꓲꓼ ꓐꓰ ꓙꓵ ꓠꓲꓹ ꓕꓲꓽ ꓪꓼ ꓥˍ ꓡꓳ= ꓡꓲꓽ ꓒꓲꓼ ꓐꓰ ꓫꓸ ꓕꓱ ꓠꓬ ꓙꓵ ꓠꓲꓹ ꓟꓲ ꓐ ꓡ ꓡꓳ= ꓔꓯ ꓥꓳꓽ ꓕꓲꓽ ꓟ ꓐꓯ ꓠꓬ ꓐꓴꓓꓓꓧꓮ ꓙꓵ ꓠꓲꓹ ꓐꓰ ꓡꓳ-ꓟꓲ ꓡꓲꓽ ꓒꓲꓼ ꓠꓬ ꓕꓲꓽ ꓡꓲ ꓐꓰ ꓥˍ ꓡꓳ= ꓐꓴꓓꓓꓧꓮ ꓙꓵ ꓠꓲꓹ ꓛꓳ ꓚꓱꓹ ꓠꓬ ꓡꓳ-ꓟꓲ ꓡꓲꓽ ꓒꓲꓼ ꓥ ꓢꓲ ꓡꓳ-ꓟꓲ ꓡꓲꓽ ꓒꓲꓼˍ ꓟꓲ ꓐꓴꓓꓓꓧꓮ ꓛꓳ ꓚꓱꓹ ꓥˍ ꓡꓳ= ꓣꓳ ꓡꓲ-ꓢꓴ ꓠꓯꓸꓼ ꓗꓪ ꓥˍ ꓟꓲ ꓡꓲꓽ ꓒꓲꓼ ꓐꓰ ꓙꓵ ꓠꓲꓹ ꓕꓲꓽ ꓟ ꓥ ꓟ ꓮꓽ ꓟꓬ ꓙꓳ ꓡꓳ= ꓠꓲꓽ ꓡꓲꓽ (ꓙꓵ ꓠꓲꓹ) ꓗꓪ ꓟꓴꓽ ꓖꓪꓽ ꓐꓵˍ ꓟ ꓬꓳꓸ ꓬꓲꓽ ꓬꓲˍ ꓟ꓾ ꓖꓪ ꓛꓲꓹ ꓛꓲ ꓔ ꓟ ꓠꓬ ꓡꓲꓽ ꓒꓲꓼ ꓐꓰ ꓙꓵ ꓠꓲꓹ ꓠꓬꓲ ꓟ ꓐˍ ꓟ ꓙꓳˍ ꓡꓳ=
ꓘꓴ ꓜꓲꓼ ꓞꓳ ꓠꓯꓸꓼ ꓗꓪ ꓥˍ ꓟꓲ ꓕꓱ ꓡꓰ ꓫꓵꓽ ꓮꓽ ꓟꓬ ꓙꓳˍ ꓡꓳ= ꓢꓮꓔꓴꓣꓠꓮꓡꓲꓮ ꓐꓯˍ ꓟ ꓟꓲꓽ ꓟꓲ ꓑꓮꓲꓽ ꓠꓬ ꓙꓰ-ꓢꓴ ꓥꓵ ꓑꓮꓲꓽ꓾ ꓙꓮꓠꓴꓢ ꓐꓯˍ ꓟ ꓒꓬꓱꓽ ꓟꓬ 2 ꓟ ꓙꓳˍ ꓟ ꓘꓳꓼ ꓫꓵꓼ ꓪꓴ-ꓢ ꓑꓮꓲ ꓠꓬ ꓠꓬꓲꓹ ꓠꓬꓲ ꓣꓳꓽ ꓘꓳꓼ ꓫꓵꓼ ꓑꓮꓲꓽ ꓦꓬꓼ ꓠꓬꓲ ꓗꓶ ꓡꓰꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment