ꓡꓲꓽ ꓒꓲꓼ ꓕꓲꓽ ꓝꓸ ꓖꓴ ꓕꓲꓽ ꓪꓴꓽ ꓡˍ ꓟ (Dialogue with Culture)

ꓢꓯꓸ ꓔꓬ ꓟ ꓡꓲꓽ ꓒꓲꓼ ꓕꓲꓽ ꓟ ꓒꓬꓱꓼ ꓡ ꓠꓹ ꓟ ꓐꓱ ꓶ ꓡꓲꓽ ꓒꓲꓼ ꓔꓯ ꓕꓲꓽ ꓝꓸ ꓖꓴ ꓕꓲꓽ ꓝꓸ ꓓꓵꓽ ꓙꓽ ꓠꓬꓲ ꓢꓲ ꓣꓱꓽ ꓡꓹ ꓟ ꓥ  ꓪ= 1ꓸ ꓢꓯꓸ ꓔꓬ ꓟ ꓙꓱꓽ ꓤꓽ ꓟ ꓞꓲ ꓞꓳ ꓤꓽ ꓥ ꓕ ꓑꓳꓸ ꓠꓯꓸꓼ ꓗꓪ ꓢꓳˍ ꓐꓰ ꓟꓽ ꓪꓽ ꓡꓯꓽ ꓘꓳ ꓟꓽ ꓫꓱꓹ ꓡꓯꓽ ꓘꓳˍ ꓟ ꓕꓱ ꓡꓲꓳ ꓫꓵꓽ ꓫꓱꓹ ꓕꓱ ꓡꓲꓳ ꓫꓵꓽ ꓬꓰꓹ ꓟ ꓟꓬꓱꓽ ꓙꓳˍ ꓡꓳ= ꓠꓱꓸ ꓐꓯꓼ ꓢꓴˍ ꓐꓰ ꓟꓽ ꓪꓽ ꓡꓯꓽ ꓘꓳꓹ ꓟ ꓟꓽ ꓫꓱꓹ ꓡꓯꓽ ꓘꓳ ꓠ ꓢꓯꓸ ꓔꓬꓹ ꓟꓶ ꓠꓹ ꓟ ꓐꓱ ꓶ ꓢꓯꓼ ꓕꓵꓼ ꓟ ꓖꓳ ꓟ ꓡꓰ ꓟꓽ ꓞꓲ ꓫꓱꓹ ꓖꓳ ꓟ ꓡꓰ ꓟꓽ ꓞꓲ ꓬꓰꓹ ꓟ ꓟꓬꓱꓽ ꓔ ꓡꓳꓸ ꓟꓳ ꓪ ꓓˍ ꓡꓳ= 2ꓸ ꓕꓱ ꓡꓰ ꓫꓱꓹ ꓐꓰ ꓬꓰꓹ ꓟ ꓟꓬꓱꓽ ꓠꓯꓸꓼ ꓗꓪ ꓔꓳꓹ ꓜꓳꓽ ꓡꓹ ꓟ ꓔꓯ ꓖꓳ ꓟ ꓔꓯ ꓢꓳ ꓣꓴ ꓢꓲ ꓚꓵꓸ ꓛꓬꓽ ꓕꓲꓽ ꓞꓲꓼ ꓗꓪ ꓣꓱꓽ ꓡꓹ ꓟ ꓙꓳˍ ꓡꓳ= 3ꓸ ꓕꓱ ꓡꓰ ꓢꓳ ꓣꓴˍ ꓟ ꓚꓵꓸ ꓛꓬꓽ ꓞꓲꓼ ꓐꓱ ꓶ ꓙꓲ ꓖꓴ ꓙꓳˍ ꓟ ꓖꓳ ꓟ ꓡꓰ ꓟꓽ ꓞꓲ ꓟꓽ ꓓ ꓙꓲ ꓖꓴ ꓙꓳˍ ꓟ ꓔꓯ ꓚꓵꓸ ꓛꓬꓽ ꓠꓲꓹ ꓫꓵˍ ꓟ ꓡꓰ ꓐꓰ ꓢꓲꓹ ꓟ ꓙꓳˍ ꓡꓳ= ꓚꓵꓸ ꓛꓬꓽ ꓕꓲꓽ ꓞꓲꓼ ꓐꓱ ꓶ ꓟꓽ ꓓ ꓙꓲ ꓖꓴ ꓙꓳˍ ꓟ ꓐꓯ ꓢꓲ ꓓꓵꓽ ꓙ ꓞꓲꓹ ꓔ ꓟ ꓙꓳ_ ꓡꓳ= ꓕꓱ ꓡꓰ ꓓꓵꓽ ꓙ ꓞꓲꓹ ꓔ ꓕꓯ ꓕꓲꓽ ꓧꓪꓹ ꓧꓪꓹ ꓠꓬ ꓥꓳꓽ ꓡꓰꓹ ꓟ꓾ ꓣꓳ ꓡꓰ ꓢꓲ ꓔ ꓟ ꓕꓱ ꓟ ꓠꓬ ꓥꓳꓽ ꓡꓰꓹ ꓟ ꓥˍ ꓟꓲ ꓙꓳˍ ꓡꓳ= ꓕꓱ ꓡꓰ ꓥꓳ ꓡꓰꓹ ꓕꓯ ꓮ ꓡꓲꓳ ꓫꓵꓽ ꓔꓳꓹ ꓜꓳ ꓡ ꓐꓯˍ ꓠꓬ ꓫꓸ ꓙꓵ ꓟꓶꓽ ꓙꓵ ꓓꓴ ꓐꓬ ꓡꓰ ꓓꓴ ꓕꓱ ꓡꓲꓳ ꓫꓵꓽ ꓔꓳꓹ ꓜꓳꓹ ꓟ ꓥˍ ꓟꓲ ꓙꓳˍ ꓡꓳ= ꓜꓽ ꓪꓳꓼ ꓡꓳ ꓪꓳꓽ ꓔꓶ ꓜꓼ ꓔꓶ ꓓꓳ ꓓꓴ ꓬꓲ ꓔꓶꓸ ꓔꓯ ꓔꓶꓹ ꓟ ꓟꓽ ꓙꓲ ꓡꓰˍ ꓟ ꓕꓱ ꓡꓰ ꓗꓶ ꓡꓰ ꓢꓲ ꓙꓳ ꓢ ꓔꓬ ꓢꓹ ꓟ ꓟꓽ ꓙꓳ ꓫꓸ ꓓꓴ  ꓟꓶꓽ ꓓꓴ ꓔꓳꓹ ꓜꓳˍ ꓟ ꓙꓳˍ ꓡꓳ= ꓟꓵꓽ ꓙꓴꓽ ꓚꓵꓹ ꓔ ꓟ ꓠꓯꓸꓼ ꓗꓪ ꓬꓲ ꓔꓶꓸ ꓔꓯ ꓧꓪ ꓗꓶ ꓟ ꓪꓴꓸ ꓠꓬꓲ ꓞꓳ ꓫꓵꓽ ꓕꓲꓽ ꓫꓵꓽ ꓡꓱꓸꓼ ꓟꓶꓽ ꓡꓰ ꓗꓪ ꓛꓲ ꓕꓱ ꓡꓰ ꓗꓶ ꓡꓰꓳ ꓫꓵ ꓥˍ ꓟꓲ ꓙꓳˍ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓑ ꓫꓬ ꓔꓯ ꓙꓵꓽ ꓚꓱꓹ ꓥꓳ ꓡꓰ ꓟ ꓪꓴꓸ ꓠꓬꓲ ꓑ ꓫꓬꓽ ꓬꓲ ꓘꓴꓽ ꓗꓪ ꓢꓰꓼ ꓡꓯꓽ ꓘꓳ ꓓꓶꓽ ꓡꓯꓽ ꓘꓳ ꓓꓴ ꓗꓶ ꓡꓰ ꓢꓲ ꓞꓳ ꓫꓵꓽ ꓕꓲꓽ ꓫꓵꓽ ꓡꓱꓸꓼ ꓟꓶꓽ ꓡꓰꓹ ꓟ ꓥˍ ꓟꓲ ꓕꓱ ꓡꓲꓳ ꓫꓵꓽ ꓗꓶ ꓡꓰꓹ ꓟ ꓥˍ ꓟꓲ ꓙꓳˍ ꓡꓳ= ꓥꓳꓽ ꓡꓰꓹ ꓟ ꓞꓳ ꓙꓳ ꓢꓯꓸ ꓔꓬ ꓚꓱꓹ ꓪꓴꓸ ꓠꓬꓲ ꓠ ꓫꓵꓽ ꓒꓬꓱꓼ ꓡ ꓠ ꓫꓵꓽ ꓚꓵꓸ ꓡ ꓗꓶ ꓡꓰ ꓢꓲ ꓫꓵˍ ꓟ ꓫꓸ ꓙꓵ ꓟꓶꓽ ꓙꓵ ꓓꓴ ꓔꓳꓹ ꓜꓳꓹ ꓟ ꓥˍ ꓟꓲ ꓒꓬꓱꓼ ꓡˍ ꓡꓳ=

4ꓸ ꓣꓳ ꓬꓰꓹ ꓟ ꓟꓬꓱꓽ꓾ ꓣꓱꓹ ꓟ ꓫꓱꓹ ꓢꓳ ꓣꓴ ꓪꓸ ꓟ ꓐꓰ ꓢꓲ ꓚꓵ ꓔ ꓟ ꓬꓰ ꓓꓳ ꓡꓰ ꓕꓯ ꓬꓲ ꓟꓶꓽ ꓗꓪ ꓣꓳꓽ ꓠꓬ ꓓꓵꓽ ꓙ ꓞꓲꓹ ꓔ ꓟ ꓬꓰˍ ꓡꓳ= ꓓꓵꓽ ꓙ ꓞꓲꓹ ꓓꓳ ꓗꓸ ꓠꓯꓸ ꓓꓵ ꓙꓽ ꓞꓲꓹ ꓔ ꓟ ꓔꓯ ꓣꓱꓽ ꓙꓲˍ ꓟ ꓬꓲ ꓟꓸ ꓟꓲ ꓓꓳˍ ꓟ ꓶ ꓜꓼ ꓶ ꓟꓲ ꓐꓰ ꓛꓳ ꓚꓱꓹ ꓙꓵꓽ ꓚꓱꓹ ꓕꓱ ꓡꓲꓳ ꓫꓵꓽ ꓕꓲꓽ ꓫꓵꓽ ꓡꓰ ꓕꓲꓽ ꓫꓵꓽ ꓔꓯ ꓫꓹ ꓓꓳ ꓡꓹ ꓟ ꓖꓪ ꓙꓱ ꓞꓲꓹ ꓔ ꓟ ꓢꓲ ꓬꓰ ꓓꓳ ꓡꓹ ꓟ ꓥˍ ꓡꓳ= ꓚꓵꓸ ꓛꓬꓽ ꓤꓼ ꓠꓱ ꓐꓴ ꓐꓰ ꓡꓲꓸ ꓑꓸ ꓡꓲꓸ ꓒꓲꓽ ꓐꓴ ꓐꓱ ꓶ ꓕꓱ ꓟ ꓔꓯ ꓟꓸ ꓖꓶˍ ꓟ ꓥˍ ꓟꓲ ꓬꓰˍ ꓡꓳ= ꓚꓵꓸ ꓛꓬ ꓡꓲ ꓒꓲꓼ ꓗꓪ ꓐꓰ ꓟꓲꓹ ꓓꓳ ꓡꓹ ꓟ ꓶ ꓜꓼ ꓶ ꓟꓲ ꓢꓯꓸ ꓔꓬꓹ ꓚꓱꓹ ꓕꓱ ꓟ ꓔꓯ ꓛꓳ ꓢꓲ ꓞꓳ ꓤꓽ ꓕꓲꓽ ꓫꓵꓽ ꓔꓬ ꓙꓶ ꓔꓯ ꓣꓳꓽ ꓟꓳ ꓪ ꓓꓹ ꓡꓳ=

ꓚꓵꓸ ꓛꓬꓽ ꓔꓳꓹ ꓜꓳꓹ ꓟ ꓚꓵꓸ ꓛꓬꓽ ꓢꓲ ꓚꓲ ꓔ ꓟ ꓶ ꓜꓼ ꓶ ꓟꓲ ꓞꓳ ꓙꓳ ꓢꓯꓸ ꓔꓬ ꓚꓱꓹ ꓮ ꓙꓵꓽ ꓠꓬ ꓝꓮꓲ ꓕꓲꓽ ꓧꓪꓹ ꓔꓱꓹ ꓕꓽ ꓠꓬꓲ ꓓꓵꓽ ꓙꓽ ꓠꓬꓲ ꓢꓲ ꓟꓬꓽ ꓠꓬꓲ ꓐꓶꓹ ꓠꓬꓲ ꓙꓲˍ ꓟ ꓶ ꓜꓼ ꓶ ꓟꓲ ꓔꓯ ꓫꓹ ꓓꓳ ꓡꓹ ꓟ ꓣꓳ ꓕꓲꓽ ꓞꓲꓼ ꓗꓪ ꓟꓬꓽ ꓠꓬꓲ ꓐꓶꓹ ꓠꓬꓲ ꓙꓲ ꓖꓴ ꓙꓳˍ ꓟ ꓔꓯ ꓫꓹ ꓓꓳ ꓡꓹ ꓟ ꓟꓬꓽ ꓠꓬꓲ ꓐꓶꓹ ꓠꓬꓲ ꓟꓲ ꓓꓳꓽ ꓙꓳˍ ꓟ ꓒꓵꓹ ꓟ ꓗꓶ ꓡꓰ ꓠꓹ ꓟ ꓐꓱ ꓶ ꓓꓵꓽ ꓙꓽ ꓞꓲꓹ ꓔ ꓟ ꓠꓯꓸꓼ ꓗꓪ ꓒꓳꓹ ꓡꓶꓸ ꓔ ꓟ꓾ ꓕꓱ ꓡꓰ ꓬꓰ ꓢꓲ ꓟꓶꓽ ꓠꓬꓲ ꓐꓶꓹ ꓠꓬꓲ ꓞꓳ ꓫꓵꓽ ꓕꓲꓽ ꓫꓵꓽ ꓣꓱꓹ ꓟ ꓠꓯꓸꓼ ꓗꓪ ꓓ ꓒꓽ ꓒꓬꓱꓼ ꓡ ꓠ ꓢꓶꓸ ꓒꓽ ꓒꓬꓱꓼ ꓡ ꓠ ꓢꓯꓼ ꓕꓵꓼˍ ꓟ ꓥˍ ꓟꓲ ꓙꓳˍ ꓡꓳ= ꓖꓳ ꓡꓰ ꓬꓰꓹ ꓕꓯ ꓚꓵ> ꓛꓬꓽ ꓐꓱ ꓶ ꓟꓽ ꓣꓱꓽ ꓬꓯꓹ ꓟ ꓮꓽ ꓙꓲꓽ ꓔꓯ ꓡꓳ ꓗꓶ ꓢꓲ ꓚꓵꓸ ꓛꓬꓽ ꓕꓲꓽ ꓞꓲꓼ ꓗꓪ ꓟꓬꓽ ꓠꓬꓲ ꓐꓶꓹ ꓠꓬꓲ ꓙꓲ ꓖꓴ ꓙꓳˍ ꓟ ꓕꓯ ꓢꓲ ꓚꓵꓸ ꓟ ꓕꓱ ꓡꓲꓳ ꓫꓵꓽ ꓬꓰ ꓡꓳ= ꓞꓳ ꓤꓽ ꓔꓬ ꓙꓶ ꓪꓴꓽ ꓟꓴ ꓡꓹ ꓟ ꓡꓰ ꓐꓰ ꓕꓲꓽ ꓡꓰ ꓞꓳ ꓤꓽ ꓡꓲꓽ ꓒꓲꓼ ꓥˍ ꓟꓲ ꓪꓴꓽ ꓟꓴ ꓡꓹ ꓟ ꓥ ꓪ=