ꓡꓲꓽ ꓒꓲꓼ ꓠꓯꓸꓼ ꓗꓪ ꓪꓴ-ꓢ ꓶꓽ ꓓꓳꓽ ꓫꓱꓸ ꓓꓳ:

ꓣꓳꓽ ꓡꓲꓽ  ꓒꓲꓼ ꓠꓬ ꓠꓬꓲ ꓟꓳ ꓓꓴ ꓬꓲ ꓫꓵꓼ ꓠꓯꓸꓼ ꓗꓪ ꓗꓷ ꓡꓰ ꓢꓲ ꓪꓴ-ꓢ ꓡꓰ ꓟꓳꓸ ꓖꓶꓽ ꓡꓹ ꓟ  ꓡꓰ ꓐꓰ ꓕꓲ ꓡꓰ꓾ ꓟꓬ ꓠꓬꓲ ꓐꓶꓹ ꓠꓬꓲ ꓬꓲ ꓟꓸ ꓟꓲ ꓓꓳꓹ ꓟ ꓡꓲꓽ ꓒꓲꓼ ꓗꓷꓹ ꓡ ꓓꓴ ꓥꓳ= ꓖꓳ ꓡꓰ ꓬꓲ ꓫꓵꓼ ꓗꓷ ꓡꓰꓹ ꓟ ꓡꓲꓽ ꓒꓲꓼ ꓠꓬ ꓤꓽ ꓑ ꓤꓽ ꓐꓰ ꓤ ꓟꓶꓼ ꓤꓼ ꓬꓲ ꓘꓴꓽ ꓗꓪ ꓕꓲꓽ ꓦꓲ ꓡꓽ ꓞꓳ ꓬꓲ ꓘꓴ ꓗꓪ ꓟꓲ ꓠꓯ ꓢꓷ ꓠꓲꓹ ꓢꓳꓹ ꓟ ꓬꓲ ꓘꓴꓽ ꓗꓪ ꓕꓱꓹꓚꓵꓹ ꓟ ꓐꓰ ꓗꓽ ꓕꓸ ꓓꓴ ꓟꓽ ꓙꓳ ꓒꓴ ꓒꓴ ꓡꓯꓽ ꓡꓯꓽ ꓬꓲ ꓐ ꓡꓹ ꓟ ꓓꓵꓽ ꓙꓽ ꓐ ꓡꓹ ꓟ  ꓕꓱ ꓐ ꓡꓹ ꓟ ꓠꓯꓸꓼ ꓗꓪ  ꓖꓳ ꓟ ꓡꓰ ꓟꓽ ꓞꓲ ꓟꓬꓱꓽ ꓬꓰꓹ ꓟ ꓠꓯꓸꓼ ꓗꓪ ꓶ ꓡꓯꓼ ꓬꓲ ꓟ ꓠꓯꓸꓼ ꓗꓪ ꓬꓲ ꓜꓴ ꓬꓲ ꓟꓯꓼ ꓠꓯꓸꓼ ꓗꓪ ꓟꓲ ꓠꓯ ꓙꓽ ꓜꓲꓼ ꓠꓲꓹ ꓢꓷ ꓠꓲꓹ ꓠꓯꓼ ꓗꓪ ꓛꓲꓺ ꓓꓵꓽ ꓡꓰꓹ ꓟ ꓪꓴ ꓡꓰꓹ ꓟ ꓡꓲꓽ ꓒꓲꓼ ꓗ ꓬꓰ ꓡ ꓓꓴ ꓥꓳ=

ꓕꓲ ꓐꓱ ꓐꓯ< ꓟ ꓠꓬ ꓮ ꓡꓰ ꓥꓹ ꓡ ꓐꓯꓹ ꓠꓬ ꓕꓱ ꓡꓰ ꓬꓲꓹ ꓟ ꓠꓬ ꓣꓳꓽ ꓐꓱ ꓶꓽ ꓕꓱꓹ ꓚꓵꓹ ꓟ ꓐꓲ ꓜꓲꓼ ꓡꓰꓹ ꓟ ꓟꓽ ꓙꓳꓺ ꓐꓰ ꓓꓵꓽ ꓙ ꓢꓴ ꓥˍ ꓟꓲ ꓔꓬ ꓡꓳ= ꓚꓵ ꓚꓵ ꓐꓯꓹ ꓠꓬ ꓕꓱꓹ ꓚꓵꓹ ꓟ ꓣꓳꓽ ꓡꓲꓽ ꓒꓲꓼ ꓠꓯꓸꓼ ꓗꓪ ꓓꓵꓽ ꓡꓹ ꓠꓬ ꓙꓲ-ꓢꓴ ꓢꓲ ꓤꓼ ꓐꓴ ꓠꓯꓸꓼ ꓗꓪ ꓙꓲ-ꓢꓴ ꓡꓲꓽ ꓡꓲꓼ ꓠꓬꓲ ꓗꓴꓸ ꓚꓸ ꓗꓪ ꓪꓽ ꓡꓰ ꓘꓳ ꓫꓱꓹ ꓡꓯꓽ ꓘꓳꓹ ꓟ ꓙꓙꓳꓹ ꓟ ꓔꓯ ꓘꓳꓹ ꓣꓳ ꓐ ꓡ ꓠ ꓗꓪ ꓛꓲ ꓣꓳ ꓠꓬ ꓸꓢꓯꓼ ꓕꓵꓼ ꓠꓹꓟ ꓣꓳ ꓠꓬ ꓟꓬꓱꓽ ꓓ ꓟ ꓟꓯ ꓠ ꓗˍ ꓡꓳ=

ꓠꓬꓲ ꓠꓬꓲ ꓟ ꓕꓲꓽ ꓞꓲꓼ ꓗꓪ ꓞꓳ ꓫꓵꓽ ꓕꓲ ꓫꓵꓽ ꓡꓰ ꓕꓲ ꓫꓵꓽ ꓟꓽ ꓪꓽ ꓡꓯꓽ ꓘꓳꓹ ꓟ ꓡꓲꓽ ꓒꓲꓼ ꓮ ꓟꓬ ꓙꓳꓹ ꓟ ꓡꓰ ꓐꓰ ꓕꓲ ꓡꓰꓻ ꓖꓳ ꓟ ꓡꓰꓽ ꓡꓲꓼ ꓠꓯꓸꓼ ꓗꓪ ꓪꓴ-ꓢ ꓟꓸ ꓟꓲ ꓪꓴ ꓡꓰ ꓠꓹ ꓟ ꓐꓰ ꓖꓳ ꓟ ꓔꓯ ꓘꓳꓹ ꓣꓴ ꓠꓹ ꓟ ꓕꓱ ꓟ ꓠꓬꓲꓽ ꓫꓵꓽ ꓔꓯ ꓣꓳꓽ ꓠꓬ ꓐꓬꓱꓼ ꓡ ꓠ ꓢꓯꓼ ꓕꓵꓼ ꓠ ꓗˍ ꓡꓳ= ꓕꓱ ꓡꓰ ꓡꓲꓽ ꓒꓲꓼ ꓐꓰ ꓪꓴ-ꓢ ꓟꓸ ꓟꓲ ꓕꓲꓽ ꓟ ꓗꓷ ꓡꓰ ꓠꓹ ꓟ ꓐꓱ ꓶ ꓣꓳꓽ ꓠꓬ ꓒꓬꓱꓽ ꓡ ꓠ ꓢꓯꓼ ꓕꓵꓼ ꓠ ꓗꓹ ꓡꓳ= ꓕꓱ ꓡꓰ ꓡꓲꓽ ꓒꓲꓼ ꓐꓰ ꓪꓴ-ꓢ ꓟꓸ ꓟꓲ ꓕꓲ ꓽ ꓟ ꓽꓹ ꓗꓷ ꓡꓰ ꓠꓹ ꓟ ꓐꓱ ꓶ ꓣꓳꓽ ꓠꓬ ꓪꓽ ꓘꓴ ꓟ ꓗꓪ ꓐꓰ ꓢꓲ_ꓫꓬ_ꓟ_ꓦ ꓗꓸ ꓘꓶꓽ ꓒꓵ ꓖꓶ ꓡꓹ ꓟ ꓗꓪ ꓐꓰ ꓟꓬ ꓠꓬꓲ ꓐꓶꓹ ꓠꓬꓲ ꓘꓳꓹ ꓣꓴ ꓐ ꓡꓹ ꓟ ꓠ ꓠꓹ ꓐ ꓡꓹ ꓟ ꓒꓬꓱꓼ ꓡ ꓠꓹ ꓟ ꓐꓱ ꓶ ꓬꓳꓸ ꓚꓵˍ ꓡꓳ=