ꓢꓮꓸ ꓬꓲꓼ ꓡ_ꓟ ꓐꓰ ꓠꓱꓸ ꓐꓯꓼ ꓙꓵ꓾ ꓠꓲꓹ (Dialogue with other Religions)

ꓬꓴ ꓓꓹ ꓡꓽ ꓞꓳ ꓙꓵ ꓠꓲꓹ ꓠꓯꓸꓼ ꓗꓪ ꓬꓲ ꓪꓴꓸ ꓕꓯ ꓢꓯꓸ ꓬꓲꓼ ꓡ_ ꓟ ꓟꓽ ꓙꓳ= ꓕꓱ ꓟ ꓠꓬ ꓠꓱꓸ ꓐꓯꓼ ꓙꓵ ꓠꓲꓹ ꓠꓯꓸꓼ ꓗꓪ ꓐꓰ ꓡ_ ꓟ ꓥ_ ꓡꓳ ꓐꓰ ꓐꓯ ꓔꓸ ꓡꓳ= ꓓꓽ ꓪꓴꓸ ꓕꓯ ꓢꓧꓰꓳꓡ ꓐꓯꓹ ꓟ ꓟꓸ ꓟꓲ ꓟꓵꓽ ꓙꓳ_ ꓡꓳ ꓐꓰ ꓙꓵ ꓔꓬ ꓡꓳ= ꓫꓵꓺ ꓢꓴ ꓮꓽ ꓙꓵꓽ ꓠꓬ ꓢꓧꓰꓳꓡ ꓗꓪ ꓛꓵ ꓡꓰꓹ ꓡꓳ ꓐꓰ ꓙꓵ ꓔꓬ ꓡꓳ= ꓖꓳ ꓡꓰ ꓥ_ ꓟꓲ ꓔꓱꓹ ꓛꓵ_ ꓟ ꓔꓯ ꓛꓳ ꓢꓴ ꓠꓬ ꓡꓲꓹ ꓙꓲꓹ ꓡꓳ ꓐꓰ ꓐꓯ_ ꓡꓳ=

ꓖꓳ ꓡꓰ ꓥ_ ꓟꓲ ꓕꓲ ꓞꓲꓼ ꓕꓲꓽ ꓑ ꓟ ꓟꓴ ꓗꓪ ꓗꓴꓷ ꓙꓳ ꓡꓳ ꓐꓰ ꓙꓵ ꓔꓬ ꓟ ꓟꓽ ꓙꓳ ꓢꓰꓼ ꓐꓶ= ꓮꓺ ꓜ ꓜ ꓠꓬ ꓠꓱꓸ ꓐꓯ ꓙꓵ ꓠꓲꓹ ꓗꓪ ꓟ ꓢꓯ ꓬꓲꓼ ꓡ ꓟ ꓚꓱꓹ ꓔꓯ ꓟꓳꓸ ꓘꓳꓹ ꓣꓴ ꓡ_ ꓟ ꓙꓳ ꓡ ꓐꓶ=

ꓒ-ꓡꓲ-ꓢꓷ ꓐꓴ ꓠꓬ ꓧꓪꓽ ꓗꓳ ꓓꓱꓽ ꓢꓯꓸ ꓬꓲ ꓡ_ ꓟ ꓔꓯ ꓙꓵ ꓢꓲ ꓢ-ꓓꓴ-ꓘꓷ ꓐꓴ ꓠꓬ ꓙꓵ ꓔ ꓟ ꓟꓽ ꓙꓳ ꓐꓶ= ꓢꓲ ꓒ ꓬꓰ-ꓢꓴ ꓫꓵ_ ꓟ ꓗꓪ ꓐꓰ ꓢꓯꓸ ꓬꓲꓼ ꓡ ꓗ ꓠꓯꓸ ꓢꓧꓰꓳꓡ ꓐꓯꓹ ꓟ ꓟꓸ ꓟꓲ ꓟꓵꓽ ꓗꓪ ꓶꓸ ꓕꓯ ꓙꓵ ꓢꓲ ꓮ-ꓓꓯ ꓗꓪ ꓢꓲ ꓒ ꓬꓰ-ꓢꓴ ꓦꓯꓼ ꓠꓬꓲ ꓗꓪ ꓛꓲ ꓫꓵꓺ ꓢꓴ ꓮꓽ ꓙꓵꓽ ꓢꓴ ꓔꓯ ꓢꓯꓸ ꓬꓲꓼ ꓡ ꓝꓲ_ ꓡꓳ ꓐꓰ ꓐꓯ ꓡꓳ=