ꓢꓲꓺ ꓡꓲˍ ꓟ ( Dialogue with the Poor)

ꓑꓰꓮꓚꓰ ꓐꓯꓹ ꓟ ꓢꓲꓺ ꓡꓲꓹ ꓚꓱꓹ ꓠꓬ ꓞꓳ ꓤꓽ ꓮ ꓙꓵꓽ ꓥꓳ ꓡꓳꓸ ꓔ ꓟ ꓕꓲꓽ ꓫꓵꓽ ꓥˍ ꓡꓳ= ꓖꓳ ꓡꓱ ꓥˍ ꓟꓲ ꓕꓱ ꓟ ꓔꓯ ꓬꓲ ꓟꓸ ꓟꓲ ꓚꓵ ꓚꓵ ꓢꓷ ꓔ ꓟ ꓟꓽ ꓙꓳ= ꓢꓲꓺ ꓡꓲꓹ ꓗꓷ ꓡꓰ ꓠ ꓢꓯꓼ ꓕꓵꓼ ꓔꓬ ꓥˍ ꓟꓲ ꓢꓲꓺ ꓡꓲꓹ ꓟ ꓔꓯ ꓟꓽ ꓪꓸ ꓟ ꓙꓳ ꓡꓳ= ꓞꓳ ꓤꓽ ꓮ ꓙꓵꓽ ꓠꓬ ꓚꓵꓸ ꓛꓬ ꓟꓳꓹ ꓟ ꓡꓰ ꓐꓰ ꓚꓵꓸ ꓛꓬ ꓙꓵ ꓔꓬ ꓟ ꓡꓰ ꓐꓰ ꓢꓲꓺ ꓡꓲꓹ ꓟ ꓐꓯꓹ ꓟꓶ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓥˍ ꓡꓳ=  ꓖꓳ ꓡꓰ ꓚꓵꓸ ꓛꓬ ꓢꓷꓸ ꓔ ꓟ ꓡꓰ ꓐꓰ ꓚꓵꓸ ꓛꓬ ꓟꓳꓹ ꓟ ꓡꓰ ꓐꓰ ꓚꓵꓸ ꓛꓬ ꓙꓵ ꓔꓬ ꓟ ꓡꓰ ꓐꓰ ꓢꓲꓺ ꓡꓲꓹ ꓟ ꓪ ꓠꓹ ꓟ ꓢꓯꓼ ꓕꓵꓼ ꓕꓯ ꓫꓵꓽ ꓪꓴ ꓢꓲꓹ ꓛꓵꓽ ꓮ ꓟꓬ ꓔꓳꓹ ꓜꓳꓽ ꓡꓹ ꓟ ꓙꓳ ꓡꓳ= 

 ꓕꓲꓽ ꓐꓱ ꓟꓽ ꓙꓲꓹ ꓟ ꓙꓵꓹ ꓟ ꓗꓴꓷ ꓙꓵꓽ ꓢꓴ ꓐꓴ ꓠꓬ ꓞꓳ ꓤꓽ ꓔꓯ ꓥꓲꓸ ꓔ ꓟ ꓗꓴꓷ ꓙꓵꓽ ꓢꓴ ꓐꓴ ꓠꓬ ꓢꓲꓺ ꓡꓲꓹ ꓟ ꓔꓯ ꓚꓵꓸ ꓛꓬ ꓟꓳꓹ ꓟ ꓡꓰ ꓐꓰ ꓕꓲꓽ ꓡꓰ ꓒꓬꓱꓼ ꓠꓲꓹ ꓫꓵˍ ꓡꓳ= ꓕꓱ ꓡꓰ ꓚꓵꓸ ꓛꓬꓽ ꓟꓳꓹ ꓟ ꓡꓰ ꓐꓰ ꓟꓽ ꓟꓳ ꓢꓴ ꓔꓯ ꓠꓬ ꓚꓳꓹ ꓔ ꓟ꓾ ꓫꓸ ꓙꓲꓹ ꓟ꓾ ꓥꓲꓸ ꓔ ꓟ꓾ ꓗꓴꓷ ꓟꓬꓱ ꓔꓯ ꓬꓰꓹꓟ ꓑꓮꓣꓔꓬ ꓐꓴ ꓬꓲꓸ ꓜꓴ ꓬꓲ ꓟꓯꓼ ꓔꓯ ꓚꓳꓹ ꓔ ꓟ꓾ ꓣꓴ ꓢꓲ ꓐꓱ ꓓꓴꓽ ꓘꓴꓽ ꓗꓪ ꓡꓴˍ ꓟ꓾ ꓢꓰꓼ ꓹ ꓟ꓾ ꓕꓱ ꓡꓱ ꓬꓰˍ ꓡꓳ= ꓕꓱ ꓶꓱ ꓬꓰꓹ ꓟ ꓠꓬ ꓢꓲꓺ ꓡꓲꓹ ꓟ ꓔꓯ ꓡꓳꓸ ꓙ ꓑꓳꓽ ꓙ ꓔ ꓙ ꓖꓶˍ ꓟꓢꓲꓺ ꓡꓲꓹ ꓟ ꓔꓯ ꓗꓽ ꓕꓸ ꓙ ꓖꓶˍ ꓟ ꓐꓰ ꓕꓱ ꓡꓰ ꓐꓯ ꓔꓬ ꓡꓳ=

ꓚꓵꓸ ꓛꓬ ꓟꓳꓹ ꓟ꓾ ꓚꓵ ꓛꓬ ꓘꓳꓹ ꓣꓴˍ ꓟ꓾ ꓚꓵ ꓛꓬ ꓙꓵ ꓔꓬ ꓟ꓾ ꓚꓱꓹ ꓐꓰ ꓟꓽ ꓪꓽ ꓡꓯꓽ ꓘꓳ꓾ ꓟꓽ ꓫꓱꓹ ꓡꓯꓽ ꓘꓳ ꓢꓴ ꓔꓯ ꓠꓬ ꓟꓽ ꓠꓲꓹ ꓫꓵ= ꓚꓵꓸ ꓛꓬ ꓠꓲꓹ ꓡꓶꓽ ꓐꓰ ꓟ ꓪꓽ ꓠ ꓬꓰꓹ ꓟ ꓟꓬꓱ ꓥ ꓕ ꓑꓳꓸ ꓔꓯ ꓠꓬ ꓢꓲꓺ ꓡꓲꓹ ꓟ ꓔꓯ ꓐꓬ ꓡꓰ ꓝꓲ ꓢꓴ ꓑ ꓫꓬꓽ ꓙꓲ ꓖꓴ ꓙꓳˍ ꓟ ꓔꓯ ꓐꓬ ꓡꓰ ꓝꓲ ꓢꓴ ꓕꓱ ꓡꓰ ꓐꓯ ꓢꓲ ꓣꓴꓹ ꓟ ꓫꓸ ꓙꓲꓹ ꓟ ꓬꓰˍ ꓡꓳ= ꓚꓵꓸ ꓛꓬꓽ ꓠꓲꓹ ꓡꓶꓽ ꓔꓯ ꓟꓽ ꓘꓳꓹ ꓣꓴ ꓢꓴ ꓠꓬ ꓢꓲꓺ ꓡꓲꓹ ꓟ ꓔꓯ ꓟꓽ ꓠꓲꓹ ꓫꓵ ꓢꓴ ꓐꓰ ꓮ ꓕꓯ ꓥˍ ꓟꓲ ꓐꓯ ꓔꓬ ꓡꓳ=