ꓢꓲꓺ ꓡꓲꓹ ꓟ ꓚꓱ (3)

ꓢꓲꓺ ꓡꓲ ꓟ ꓠꓬ ꓣꓳ ꓐꓱ ꓶ ꓬꓳꓸ ꓚꓲꓹ ꓡꓳ= ꓔꓲ ꓒꓽ ꓪꓸ ꓔꓲꓸ ꓒꓳ-ꓡꓳ 6 ꓡꓰ ꓟꓵꓽ ꓗꓴꓹ ꓓꓵ ꓓꓵ ꓟꓲ ꓠꓯ ꓕꓲꓽ ꓚꓳ ꓡꓳ ꓗꓪ ꓟ ꓢꓲꓺ ꓡꓲꓹ ꓟ ꓦꓯꓼ ꓠꓬ ꓗꓪ ꓬꓲ ꓡꓰ ꓐꓳ ꓛꓱ ꓩꓴ ꓡꓹ ꓟ ꓕꓳꓽ ꓶ ꓗꓪ ꓠꓬ ꓢꓲꓺ ꓡꓲꓹ ꓟ ꓙꓳ ꓠꓹ ꓟ ꓐꓱ ꓶ ꓟꓲ ꓠꓯ ꓞꓳ ꓤꓽ ꓐꓴ ꓛꓳ ꓠꓹ ꓟ ꓐꓰ ꓡꓳꓸ ꓙ ꓑꓳꓽ ꓙ ꓗꓽ ꓕꓸ ꓙ ꓖꓶ ꓠꓹ ꓟ  ꓚꓱꓹ ꓕꓱ ꓡꓰ ꓐꓯꓹ ꓡꓳ= ꓑ ꓫꓬꓽ ꓐꓴ ꓔꓱꓹ ꓚꓵꓹ ꓟ ꓓꓵꓽ ꓙꓽ ꓗꓴꓸ ꓙꓽ ꓜꓲꓼ ꓗꓴ ꓔ ꓟ ꓗꓪ ꓐꓰꓹ ꓟꓲ ꓗꓴꓷ ꓕꓲꓽ ꓟ ꓡꓰ ꓕꓲꓽ ꓟ ꓗꓪ ꓕꓱꓹ ꓚꓵˍ ꓟ ꓙꓳ ꓠꓹ ꓟ ꓐꓱ ꓶ ꓥ ˍ ꓟꓲ ꓗꓴꓷ ꓕꓲꓽ ꓟ ꓠꓬꓲꓽ ꓗꓴꓸ ꓚꓸ ꓗꓪ ꓝꓸ ꓡꓯ ꓘꓳꓹ ꓟ ꓠꓯꓸꓼ ꓗꓪ ꓥˍ ꓟꓲ ꓟꓬꓽ ꓠꓬꓲ ꓐꓶꓹ ꓠꓬꓲ ꓬꓲ ꓟꓸ ꓟꓲ ꓙꓳ ꓠꓹ ꓟ ꓠꓬ ꓞꓳ ꓤꓽ ꓕꓲ ꓣꓳ ꓞꓳ ꓙꓳ ꓢꓯꓸ ꓔꓬ ꓚꓱꓹ ꓠꓬ ꓟꓽ ꓓ ꓬꓳꓸ ꓚꓵꓹ ꓟ ꓕꓲꓽ ꓟ ꓥˍ ꓡꓳ= 

   ꓔꓲ ꓒꓽ ꓪꓸ ꓔꓲꓸ ꓑꓳ-ꓡꓳ 6 ꓐꓰ ꓔꓲ ꓒꓽ ꓪꓸ ꓔꓲꓸ ꓬꓳ-ꓦ ꓒꓳ- ꓡꓳ 2 ꓡꓰ ꓐꓳ ꓔ ꓟ ꓠꓯꓸꓼ ꓗꓪ ꓢꓲꓺ ꓡꓹ ꓟ ꓐꓯꓹ ꓟ ꓠꓬ ꓐꓲ ꓜꓲꓼꓹꓟ ꓢꓲꓺ ꓡꓲꓹ ꓟ ꓥ ꓢꓲ ꓠꓬꓲ ꓙꓳ ꓡꓰ ꓠꓹ ꓧꓶꓸ ꓡꓰ ꓠ ꓟꓽ ꓗꓷ ꓡꓰ ꓠꓹ ꓟ ꓮ ꓙꓵꓸ ꓐꓰ ꓙꓽ ꓖꓶ ꓔ ꓟ ꓚꓱꓹ ꓥˍ ꓡꓳ ꓐꓰ ꓔꓱ ꓡꓰ ꓐꓯꓹ ꓡ ꓳ= ꓐꓯ ꓟꓵ ꓫꓱꓹ ꓟ ꓠꓬ ꓟꓲ ꓠꓯ ꓞꓳ ꓤꓽ ꓠꓯꓸꓼ ꓗꓪ ꓮ ꓕꓯꓽ ꓥˍ ꓟꓲ ꓒꓳꓹ ꓡꓰ ꓓꓴ ꓟꓽ ꓙꓳꓹ ꓟ ꓕꓯ ꓐꓯ ꓠꓲꓹ ꓫꓵꓹ ꓟ ꓥ ꓪ= ꓢꓲꓺ ꓡꓲ ꓟ ꓐꓯꓹ ꓟ ꓠꓬ ꓟꓽ ꓪꓽ ꓡꓯꓽ ꓘꓳ ꓟꓽ ꓫꓱꓹ ꓡꓯꓽ ꓘꓳꓹ ꓟ ꓔꓯ ꓐꓯ ꓔꓳꓹ ꓡꓯ ꓘꓳꓹ ꓟ ꓟꓽ ꓙꓳ ꓡꓰꓳ ꓐꓯꓹ ꓟ ꓕꓯ ꓐꓯ ꓠꓲꓹ ꓫꓵꓹ ꓟ ꓟꓽ ꓥ= 

  ꓢꓲꓺ ꓡꓲꓹ ꓟ ꓐꓯꓹ ꓟ ꓠꓬ ꓑꓶ ꓢꓲ ꓡꓰ ꓜꓼ ꓔ ꓢꓲ ꓠꓬꓲ ꓙꓳ ꓡꓰ ꓓꓴ ꓖꓳꓼ ꓡꓰ ꓓꓴ ꓧꓶꓸ ꓡꓰ ꓓꓴ ꓟꓽ ꓙꓳ ꓠ ꓐꓲ ꓜꓲꓼ ꓡꓰ ꓠ ꓬꓰ ꓦꓹ ꓟ ꓔꓯ ꓐꓯ ꓠꓲꓹ ꓫꓵꓹ ꓟ ꓥ ꓪ= ꓖꓳ ꓟ ꓑꓶꓸ ꓓꓴ ꓑꓶ ꓢꓲꓺ ꓡꓲ ꓜꓼ ꓔ ꓟ ꓐꓰ ꓖꓳ ꓡꓰ ꓧꓶꓸ ꓡꓰ ꓓꓴ ꓟ ꓙꓳ ꓐꓲ ꓜꓲꓼˍ ꓟ ꓐꓯꓹ ꓟ ꓠꓱꓸ ꓐꓯꓼ ꓕꓲꓽ ꓛꓱꓽ ꓗꓪ ꓠꓬ ꓟꓽ ꓐꓲ ꓜꓲꓼ ꓟ ꓖꓳ ꓡꓰ ꓧꓶꓸ ꓡꓰ ꓟ ꓐꓯˍ ꓟ ꓬꓲ ꓟꓸ ꓟꓲ ꓥˍ ꓡꓳ= ꓘꓴ ꓜꓲꓼ ꓞꓳ ꓠꓯꓸꓼ ꓗꓪ ꓖꓳꓼ ꓡꓰ ꓧꓶꓸ ꓡꓰꓹ ꓟ ꓬꓲ ꓟꓸ ꓟꓲ ꓔꓯ ꓔꓱꓹ ꓚꓵˍ ꓟ ꓟꓽ ꓙꓳ ꓟ ꓞꓳ ꓙꓳ ꓢꓯꓸ ꓔꓬ ꓚꓱꓹꓶ ꓡꓯꓼ ꓟꓴ ꓚꓱꓹ ꓗꓴꓷ ꓙꓵꓽ ꓚꓱꓹ ꓠꓯꓸꓼ ꓗꓪ ꓪ ꓙꓵꓽ ꓪꓽ ꓕꓲꓽ ꓡꓲꓼ ꓟꓽ ꓙꓳꓹ ꓟ ꓔꓯ ꓐꓯ ꓠꓲꓹ ꓫꓵꓹ ꓟ ꓥ ꓪ=