ꓢꓲꓺ ꓡꓲꓹ ꓟ ꓠꓬ ꓠꓵ ꓠꓲꓹ ꓗꓪ ꓐꓰ ꓓꓳ ꓡꓹ ꓟ

ꓢꓲꓺ ꓡꓲꓹ ꓟ ꓠꓬ ꓠꓵ ꓠꓲꓹ ꓗꓪ ꓐꓰ ꓓꓳ ꓡꓹ ꓟ ꓬꓲ ꓢꓶꓽ ꓓꓱ ꓡꓹ ꓟ ꓥˍ ꓡꓳ ꓐꓰ ꓟꓸ ꓖꓶꓽ ꓡˍ ꓡꓳ= ꓟꓬ ꓠꓬꓲ ꓐꓶꓹ ꓠꓬꓲ ꓞꓳ ꓙꓳ ꓢꓯꓸ ꓔꓬ ꓚꓱ꓾ ꓗꓴꓷ ꓚꓱ꓾ ꓶ ꓡꓯꓼ ꓟꓴ ꓚꓱꓹ ꓕꓱ ꓡꓰ ꓫꓵꓽ ꓗꓪ ꓕꓲꓽ ꓑꓹ ꓟꓽ ꓦꓽ ꓫꓵꓽ ꓪꓴ ꓓꓳ ꓡꓹ ꓟ ꓪꓴꓸ ꓠꓬꓲ ꓚꓵꓸ ꓛꓬꓽ ꓟꓬꓱ ꓓꓳꓽ ꓙꓳ ꓠ ꓢꓯ ꓔꓬꓹ ꓠꓹ ꓟ ꓫꓸ ꓢꓴ ꓟꓶꓽ ꓢꓴ ꓔꓯ ꓬꓰ ꓙ ꓔ ꓙ ꓠꓹ ꓟ ꓠꓵ ꓠꓲꓹ ꓔꓯ ꓬꓲ ꓓꓵ ꓛꓹ ꓢꓲ ꓬꓰꓹ ꓟ ꓚꓱꓹ ꓗꓪ ꓐꓰ ꓓꓳ ꓡꓹ ꓟ ꓕꓱ ꓡꓱ ꓫꓵꓽ ꓔꓯ ꓡꓳꓸ ꓟꓳ ꓪ ꓓˍ ꓡꓳ= ꓖꓳ ꓟ ꓑꓶꓸ ꓓꓴ ꓠꓲ ꓠꓵ ꓠꓲꓹ ꓗꓪ ꓐꓰ ꓢꓯꓼ ꓪꓽ ꓖꓶˍ ꓟ ꓠꓬ ꓕꓱꓹ ꓚꓵꓹ ꓟ ꓕꓯꓽ ꓢꓲ ꓟꓬ ꓠꓬꓲ ꓟꓳ ꓪ ꓓꓹ ꓟ ꓚ ꓚꓱꓹ ꓡꓰ ꓐꓰ ꓗˍ ꓡꓳ= ꓕꓱ ꓚꓵꓹ ꓟ ꓕꓯ ꓢꓲ ꓠꓵ ꓠꓲꓹ ꓠꓬ ꓟꓬꓱ ꓟꓬ ꓠꓬꓲ ꓒꓬꓱꓹ ꓡꓹ ꓟ ꓥˍ ꓡꓳ= ꓬꓰ ꓐ ꓡˍ ꓡꓳ=

ꓠꓵ ꓠꓲꓹ ꓟꓽ ꓙꓳꓹ ꓠꓬ ꓢꓰꓼ ꓡꓯꓽ ꓘꓳ ꓓꓶꓽ ꓡꓯꓽ ꓘꓳꓹ ꓟ ꓠꓬꓲ ꓗꓴꓸ ꓚꓸ ꓗꓪ ꓟꓬꓱꓽ ꓬꓰ ꓟꓽ ꓐ ꓡ= ꓕꓱꓹ ꓚꓵꓹ ꓟ ꓕꓯ ꓢꓲ ꓠꓵ ꓠꓲꓹ ꓠꓬ ꓟꓬ ꓠꓬꓲ ꓢꓯꓼ ꓪꓽ ꓙꓳˍ ꓡꓳ= ꓚꓵꓸ ꓛꓬꓽ ꓧꓪꓽ ꓗꓳ ꓓꓱꓽ ꓔꓯ ꓠꓵꓹ ꓟ ꓡꓰꓽ ꓐꓰ ꓕꓲꓽ ꓡꓲꓹ ꓠꓱꓸ ꓐꓯꓹ ꓠꓶꓽ ꓛꓳꓽ ꓕꓯ ꓥˍ ꓟꓲ ꓠꓲꓹ ꓠꓵ ꓐꓰ ꓢꓲ ꓒꓽ ꓬꓰ-ꓢꓴ ꓡꓰ ꓐꓯꓹ ꓟ ꓡꓰ ꓐꓰ ꓕꓲꓽ ꓡꓰꓻ ꓠꓵ ꓠꓲꓹ ꓠꓬ ꓟꓽ ꓓ ꓪꓴꓽ ꓖꓴ ꓡꓰꓹ ꓟ ꓛꓳ ꓚꓱꓹ ꓥˍ ꓐꓶ= ꓠꓵ ꓠꓲꓹ ꓠꓬ ꓚꓰꓼ ꓢꓴ ꓢꓲ ꓒꓽ ꓐꓹ ꓐꓽ ꓪꓴ-ꓢ ꓠꓯꓸꓼ ꓗꓪ ꓐꓰ ꓓꓳ ꓡꓹ ꓟ ꓥ ꓢꓲ ꓕꓱ ꓟ ꓠꓵ ꓠꓲꓹ ꓠꓬ ꓬꓲ ꓤꓽ ꓤꓽ ꓔꓲꓸ ꓢꓲ ꓒꓽ ꓬꓰ-ꓢꓴ ꓠꓵ ꓠꓲꓹ ꓡꓰꓽ ꓐꓰ ꓪꓽ ꓡꓯꓽ ꓘꓳ ꓫꓱꓹ ꓡꓯꓽ ꓘꓳˍ ꓡꓳ=

 ꓕꓯ ꓥꓳꓽ ꓐꓯ ꓠꓬ ꓟ-ꓘꓳꓹ ꓕꓳꓽ ꓶꓽ 1ꓽ 4 ꓗꓪ ꓕꓹ ꓟꓼ ꓝꓴꓸ ꓓꓲ ꓢꓴ ꓕꓲ ꓣꓳ ꓢꓲ ꓒꓽ ꓬꓰ-ꓢꓴ ꓕꓯ ꓡꓹ ꓠꓬ ꓫꓱꓸ ꓤꓼ ꓢꓲ ꓬꓲ ꓔꓯ ꓠ ꓫꓬ ꓒꓬ ꓫꓬ ꓖꓶˍ ꓡꓳ= ꓟ- ꓕꓲ 9ꓽ 27- 29 ꓗꓪ ꓢꓯꓼ ꓓꓽ ꓟ ꓘꓴ ꓢꓲ ꓬꓰ ꓙ ꓔ ꓙ ꓠꓹ ꓟ ꓓꓲꓹ ꓟ ꓟꓬ ꓢꓷꓽ ꓟꓽ ꓟꓳ ꓢꓴ ꓔꓯ ꓫꓱꓸ ꓤꓼ ꓢꓲ ꓟꓬ ꓢꓷꓽ ꓟꓳ ꓡꓰ ꓝꓲꓹ ꓟ ꓚꓱ꓾ ꓡꓴ-ꓘ 6ꓽ 6- 11 ꓗꓪ ꓠ ꓢꓴ ꓑꓬꓽ ꓢꓴ ꓔꓯ ꓠ ꓫꓬꓹ ꓒꓬ ꓫꓬ ꓖꓶˍ ꓟ꓾  ꓟ-ꓘꓳ 8ꓽ 2 ꓗꓪ ꓦꓯꓼ ꓟꓷꓼ ꓔꓬ ꓢꓴ ꓔꓯ  ꓫꓱꓸ ꓤꓼ ꓢꓲ ꓜꓽ ꓓꓴ ꓓꓳ ꓓꓴ ꓖꓶˍ ꓟ ꓚꓱꓹ ꓥˍ ꓡꓳ=