ꓢꓲꓽ ꓫꓬꓹ ꓟ ꓟꓵꓽ ꓗꓪ ꓪꓽ ꓘꓴ ꓙ ꓫꓱˍ ꓟ (Dialogue with other Religions)

ꓲ-ꓢ-ꓡꓮꓟ ꓙꓵ ꓠꓲꓹ ꓠꓯꓸꓼ ꓗꓪ ꓧ-ꓙꓲ (ꓧꓮꓙꓙ) ꓐꓯꓹ ꓟ ꓠꓬ ꓢꓲꓽ ꓫꓬꓹ ꓟ ꓟꓵꓽ ꓗꓪ ꓪꓽ ꓘꓴ ꓙ ꓫꓱꓹ ꓟ ꓚꓱꓹ ꓥˍ ꓡꓳ= ꓒꓴ ꓤꓼ ꓫꓵ ꓤꓼ ꓙꓳ ꓢꓴ ꓐꓴ ꓠꓬ ꓮꓽ ꓟꓬꓹ ꓟꓽ ꓥ ꓡꓰ ꓚꓵꓸ ꓛꓬꓽ ꓕꓲꓽ ꓞꓲꓼ ꓕꓯ ꓕꓲꓽ ꓧꓪꓹ ꓢꓲꓽ ꓫꓬ ꓟꓵꓽ ꓐꓯꓹ ꓟ ꓟꓮꓓ-ꓗ ꓡꓳ ꓒꓱ ꓗꓪ ꓪꓽ ꓘꓴ ꓙ ꓫꓱꓹ ꓟ ꓬꓰ ꓠ ꓡꓳꓹ ꓥ= ꓕꓱ ꓟ ꓠꓬ ꓟꓴ-ꓢ-ꓡꓲꓟ ꓐꓴ ꓛꓳ ꓠꓬꓲ ꓔ ꓟ ꓟꓽ ꓓ ꓬꓳꓸ ꓚꓵˍ ꓟ 5 ꓟ ꓠꓯꓸꓼ ꓗꓪ ꓕꓲꓽ ꓟ ꓥˍ ꓡꓳ= ꓢꓲꓽ ꓫꓬꓹ ꓟ ꓟꓵꓽ ꓗꓪ ꓪꓽ ꓘꓴ ꓙ ꓫꓱꓽ ꓠꓹ ꓟ ꓔꓶ ꓔ ꓟ ꓙꓵꓹ ꓗꓪ ꓟꓬꓽ ꓠꓬꓲ ꓙ ꓫꓱꓹ ꓟ ꓥ ꓢꓲ ꓠꓱꓸ ꓐꓯꓼ ꓙꓵ ꓗꓪ ꓥˍ ꓟꓲ ꓪꓽ ꓘꓴ ꓙ ꓫꓱꓹ ꓟ ꓔꓯ ꓬꓰ ꓐ ꓡ ꓬꓰ ꓙꓲˍ ꓡꓳ= ꓕꓱ ꓡꓰ ꓢꓲꓽ ꓫꓬꓹ ꓟꓵꓽ ꓗꓪ ꓪꓽ ꓘꓴ ꓙ ꓫꓱꓹ ꓕꓯ ꓔꓶ ꓔ ꓟ ꓛꓳ ꓚꓱꓹ ꓡꓰ ꓐꓰ ꓛꓳ ꓢꓲ ꓪꓽ ꓘꓴ ꓢꓲ ꓠꓬꓲ ꓙꓵ ꓠ ꓗˍ ꓡꓳ= 

 ꓤꓽ ꓑ ꓤꓼ ꓮ ꓙꓵ ꓠꓬ ꓐꓵ ꓞꓲꓽ ꓒꓴ ꓑꓴ ꓖꓪꓽ ꓥꓹ ꓠꓬ ꓒꓴ ꓒꓴ ꓔ ꓟ ꓐꓽ ꓢꓽ ꓙꓹ ꓫꓵꓳ ꓖꓪꓽ ꓢꓲ ꓪꓽ ꓘꓴ ꓠ ꓡꓳꓹ ꓥ= ꓤꓽ ꓟꓶꓼ ꓤꓼ ꓐꓴ ꓠꓬ ꓐꓵ ꓞꓲꓽ ꓟꓽ ꓛꓶꓸ ꓟꓽ ꓡꓶꓸ ꓥˍ ꓟꓲ ꓟꓽ ꓛꓲ= ꓢꓲꓽ ꓫꓬꓹ ꓟ ꓟꓵꓽ ꓐꓯꓹ ꓟ ꓟꓮꓓ-ꓗ ꓡꓳ ꓒꓱ ꓗꓪ ꓟꓽ ꓓꓵ ꓡꓰ ꓢꓰꓼ ꓕꓯ ꓬꓲ ꓙꓬ ꓠꓯꓸꓼ ꓗꓪ ꓞꓲꓼ ꓫꓬꓹ ꓟ ꓕꓯ ꓬꓰ ꓠ ꓗˍ ꓡꓳ= ꓕꓱ ꓟ ꓠꓬ ꓙꓵ ꓫꓬꓹ ꓟ꓾ ꓢꓲꓽ ꓫꓬ ꓡꓰ ꓝꓲꓹ ꓟ ꓔꓯ ꓬꓰꓹ ꓟ ꓥ ꓪ= ꓖꓳ ꓟ ꓓꓳ ꓡꓰ ꓠꓬ ꓲ-ꓧꓲ-ꓣꓮꓟ ꓐꓯꓹ ꓟ ꓪꓽ ꓘꓴ ꓔꓶꓸ ꓗꓪ ꓪꓽ ꓘꓴ ꓙꓵꓹ ꓠꓯꓸꓼ ꓗꓪ ꓐ ꓠ ꓡꓳꓹ ꓥ= ꓖꓳ ꓟ ꓓꓳ ꓡꓰ ꓠꓬ ꓗ-ꓮ-ꓐ ꓐꓯꓹ ꓟ ꓡꓳ ꓓꓰ ꓠꓯ ꓓꓽ ꓟ꓾ ꓭ ꓑꓵꓹ ꓒꓽ ꓓꓽ ꓟ ꓠꓯꓸꓼ ꓗꓪ ꓪꓽ ꓘꓴ ꓠ ꓡꓳꓹ ꓥ= ꓡꓳ ꓓꓲ ꓠꓯ ꓒꓽ ꓖꓳ ꓟ ꓕꓯ ꓚꓳ ꓡꓳ ꓡꓳ ꓚꓳ ꓢꓲ ꓪꓽ ꓘꓴ ꓠ ꓡꓳꓹ ꓥ= ꓖꓳ ꓟ ꓡꓳ ꓓꓲ ꓠꓯ ꓒꓽ ꓥˍ ꓠꓬ ꓭ ꓑꓵꓹ ꓠꓯ ꓒꓽ ꓖꓳ ꓟ ꓠꓬ 4 ꓗꓴ ꓙꓳꓹ ꓟ ꓥ ꓢꓲ ꓬꓲ ꓗꓴ ꓕꓲꓽ ꓗꓴ ꓗꓪ ꓛꓲ ꓠꓬ ꓪꓴꓸ ꓓꓵ ꓕꓵꓼ ꓢꓲ ꓪꓽ ꓘꓴ ꓠ ꓡꓳꓹ ꓥ= ꓗ-ꓮ-ꓐ ꓐꓯꓹ ꓟ ꓖꓳ ꓟ ꓡꓳ ꓓꓲ ꓠꓯ ꓒꓽ꓾ ꓭ ꓑꓵ ꓒꓽ ꓖꓳ ꓟ ꓠꓬ ꓮ-ꓓꓯꓽ ꓡꓰ ꓔꓶ ꓔ ꓟ ꓪꓽ ꓘꓴ ꓔꓶ ꓥˍ ꓡꓳ ꓐꓰ ꓙꓵ ꓔꓬꓹ ꓟ ꓥ ꓪ= ꓕꓱ ꓟ ꓔꓯ ꓮ-ꓐ-ꓡ-ꓦ ꓠꓬ ꓝꓮꓲ ꓫꓬ ꓑꓱ ꓢꓲ ꓔꓶ ꓔ ꓟ ꓡꓳ ꓓꓲ ꓢꓯ ꓥˍ ꓡꓳ ꓐꓰ ꓕꓱ ꓡꓰ ꓙꓵ ꓔꓬꓹ ꓟ ꓥ ꓪ=

 ꓕꓱ ꓡꓰ ꓢꓲꓽ ꓫꓬꓹ ꓟ ꓟꓵꓽ ꓗꓪ ꓪꓽ ꓘꓴ ꓙ ꓫꓱꓹ ꓟ ꓔꓯ ꓡ ꓢꓴ ꓮꓽ ꓙꓵꓽ ꓠꓬ ꓖꓳ ꓟ ꓗ-ꓮ-ꓐ ꓐꓯꓹ ꓟ ꓡꓳ ꓓꓲ ꓠꓯ ꓔꓯ 7 ꓧꓪꓹ ꓚꓳ ꓠ ꓡꓳꓹ ꓥ= ꓗ-ꓮ-ꓐ ꓐꓯꓹ ꓟ ꓖꓳ ꓟ ꓡꓳ ꓓꓲ ꓠꓯ ꓔꓯ ꓕꓱ ꓡꓰ ꓚꓳ ꓢꓲ ꓪꓽ ꓘꓴꓹ ꓕꓯ ꓮ-ꓡ ꓪꓴ-ꓢ ꓕꓯ ꓙꓵ ꓔꓬꓹ ꓟ ꓚꓱꓹ ꓮ-ꓡ ꓪꓴ-ꓢ ꓪꓽ ꓠꓬꓲꓹ ꓟ ꓟꓬꓱ ꓓꓳꓽ ꓔꓯ ꓫꓱꓸ ꓖꓶˍ ꓟ ꓚꓱꓹ ꓚꓵꓸ ꓛꓬ ꓝꓴꓲ ꓐꓱ ꓶ ꓠꓲꓹ ꓟ ꓒꓳꓹ ꓡꓲꓹ ꓟ꓾ ꓠꓲꓹ ꓟ ꓡꓶꓸ ꓔ ꓟ ꓚꓱꓹ ꓐꓯ ꓠ ꓡꓳꓹ ꓥ=