ꓢꓷꓸ ꓠꓲꓹ ꓬꓲꓸ ꓒꓵꓽ (3)Dialogue with Culture

Wednesday, February 01, 2023

ꓢꓷꓸ ꓠꓲꓹ ꓔꓯ ꓠꓲꓹ ꓙꓽ ꓠꓲꓹ ꓫꓵ ꓮ ꓡꓰ ꓢꓳ ꓟꓵ ꓫꓱꓸ ꓖꓳ ꓡꓰ ꓒꓴ ꓒꓴ ꓡꓯꓽ ꓡꓯꓽ ꓢꓳ ꓐ ꓡ ꓠꓹ ꓟ ꓐꓱ ꓶ ꓬꓳꓸ ꓚꓵˍ ꓟ ꓡꓰ ꓐꓰ ꓕꓲꓽ ꓡꓰꓻ ꓕꓱ ꓟ ꓢꓷꓸ ꓠꓲꓹ ꓔꓯ ꓟꓸ ꓖꓶ ꓠˍ ꓟ ꓐꓰ ꓢꓳ ꓣꓴ ꓠꓹ ꓟ ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓠꓯꓸꓼ ꓗꓪ ꓟꓬꓱꓽ ꓓꓽ ꓟ ꓶ ꓓꓽ ꓟ ꓟꓯ ꓠ ꓗˍ ꓡꓳ= ꓡꓳ ꓬꓲ ꓟ ꓙꓵꓹ ꓗꓪ ꓣꓳ ꓡꓲꓽ ꓒꓰꓼ ꓚꓱꓹ ꓔꓯ ꓟꓳꓸ ꓮ ꓡꓰ ꓐꓯ ꓡꓳ ꓬꓰ ꓡ ꓐꓯ ꓠꓬ ꓜ ꓫꓸ ꓟ ꓡꓰ ꓐꓰ ꓫꓸ ꓟ ꓔꓯ ꓐꓯꓹ ꓟꓶ ꓠˍ ꓟ ꓞꓳ ꓤꓽ ꓐꓰ ꓕꓱ ꓡꓰ ꓐꓯ ꓡꓳꓹ ꓡꓰꓳ= ꓜ ꓫꓸ ꓟ ꓡꓰ ꓞꓳ ꓤꓽ ꓠꓯꓸꓼ ꓗꓪ ꓥˍ ꓟꓲ ꓕꓲꓽ ꓝꓸ ꓖꓴ ꓕꓲꓽ ꓝꓸ ꓕꓱ ꓡꓰ ꓙꓳˍ ꓡꓳ=

ꓤꓽ ꓠꓱ ꓙꓵ꓾ ꓞꓳ ꓡꓱ ꓙꓵ꓾ ꓞꓳ ꓔꓲ ꓙꓵ ꓐꓯ ꓢꓲ ꓕꓱ ꓡꓰ ꓕꓲꓽ ꓝꓸ ꓖꓴ ꓕꓲꓽ ꓝꓸ ꓙꓳˍ ꓟ ꓡꓰ ꓐꓰ ꓕꓲꓽ ꓡꓰꓻ ꓢꓳ ꓣꓴˍ ꓟ ꓠꓯꓸꓼ ꓗꓪ ꓥˍ ꓟꓲ ꓕꓲꓽ ꓝꓸ ꓖꓴ ꓕꓲꓽ ꓝꓸ ꓕꓱ ꓡꓰ ꓢꓳ ꓠˍ ꓟ ꓪ ꓙꓵꓽ ꓪꓽ ꓙꓳ ꓠꓬꓲ ꓔ ꓥ= ꓚꓵꓸ ꓛꓬ ꓕꓲꓽ ꓞꓲꓼ ꓗꓪ ꓟꓽ ꓢꓳ ꓟꓽ ꓓˍ ꓟ ꓢꓷꓸ ꓠꓲꓹ ꓔꓯ ꓢꓳ ꓪ ꓠ ꓜ ꓫꓸ ꓟ ꓡꓰ ꓐꓰ ꓫ ꓟꓶ ꓡꓰ ꓠ ꓢꓯꓼ ꓕꓵꓼ ꓠꓬꓲ ꓔ ꓡꓳ= ꓠꓬꓲꓸ ꓠꓬꓲ ꓕꓲꓽ ꓞꓲꓼ ꓗꓪ ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓐꓱ ꓶ ꓟꓽ ꓓ ꓬꓳ ꓚꓵˍ ꓟ 3 ꓫꓵꓽ ꓙꓳˍ ꓡꓳ=

1ꓸ ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓠꓬ ꓡꓲꓽ ꓒꓲꓼ ꓑꓶ ꓓꓴ ꓪ ꓠꓬꓲ ꓔ ꓟ ꓪ ꓙꓵꓽ ꓪꓽ ꓔꓯ ꓠꓴ ꓢꓲ ꓟꓬ ꓠꓬꓲ ꓥꓪ ꓢꓲ ꓟꓬ ꓠꓬꓲ ꓐꓯˍ ꓟ ꓟꓽ ꓙꓳ ꓕꓲꓽ ꓡꓲꓸꓼ ꓪ ꓠꓹ ꓟ ꓪ ꓙꓵꓽ ꓪꓽ ꓙꓳ ꓥ ꓐꓯˍ ꓟ ꓕꓱ ꓟ ꓔꓯ ꓠꓲꓹ ꓟ ꓠꓯꓸꓼ ꓗꓪ ꓟꓯ ꓠꓬꓲ ꓔ ꓥ=

2ꓸ ꓕꓱ ꓟ ꓪ ꓙꓵꓽ ꓪꓽ ꓔꓯ ꓢꓷꓸ ꓠꓹ ꓟ ꓓꓵꓽ ꓙꓽ ꓗꓴꓸ ꓠˍ ꓟ ꓠꓲꓹ ꓟ ꓠꓯꓸꓼ ꓗꓪ ꓟꓯ ꓐ ꓡ ꓠ< ꓟ ꓐꓱ ꓶ ꓟꓸ ꓖꓶ ꓠꓹ ꓟ ꓙꓵꓽ ꓪꓽ ꓐꓰ ꓢꓳ ꓣꓴ ꓠˍ ꓟ ꓙꓵꓽ ꓪꓽ ꓙꓳˍ ꓡꓳ=

3ꓸ ꓡꓲꓽ ꓒꓲꓼ ꓠꓯꓸꓼ ꓗꓪ ꓟꓽ ꓓ ꓬꓲꓸ ꓒꓵꓽ ꓒꓵꓽˍ ꓟ ꓬꓳꓸ ꓚꓵˍ ꓟ ꓔꓯ ꓟꓸ ꓖꓶ ꓠꓹ ꓟ ꓟꓬꓱꓽ ꓟꓸ ꓖꓶ ꓠꓹ ꓟ ꓶ ꓓꓽ ꓟ ꓟꓯ ꓠ ꓗˍ ꓡꓳ= ꓖꓳ ꓟ ꓪꓴꓸ ꓠꓬꓲ ꓢꓷꓸ ꓠꓲꓹ ꓢꓳˍ ꓕꓯ ꓞꓳ ꓤꓽ ꓕꓲꓽ ꓬꓲ ꓢꓯꓼ ꓟꓬ ꓬꓲꓸ ꓒꓵꓽ ꓔꓯ ꓒꓵꓽ ꓠ ꓗˍ ꓡꓳ ꓐꓯˍ ꓟ ꓠꓬ ꓟꓽ ꓓ ꓬꓲꓸ ꓝꓳ ꓟꓶ ꓥˍ ꓡꓳ=

ꓟꓲ ꓠꓯ ꓢꓷꓸ ꓠꓲꓹ ꓐꓯˍ ꓟ ꓠꓯꓸꓼ ꓗꓪ ꓓꓽ ꓪꓴꓸ ꓠꓬ ꓕꓲꓽ ꓦꓲ ꓡꓰ ꓕꓲꓽ ꓦꓲ ꓢꓴ ꓠꓬ ꓟꓽ ꓓ ꓬꓳ ꓚꓵˍ ꓟ ꓥ ꓪ= ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓠꓬ ꓬꓲ ꓗꓳꓸ ꓬꓲ ꓡꓽ ꓟꓽ ꓥ ꓘꓶꓽ ꓠꓴꓽ ꓠꓲꓹ ꓠꓴ ꓡꓰ ꓫꓱ ꓙꓵˍ ꓟ ꓞꓳ ꓤꓽ ꓕꓲꓽ ꓣꓳ ꓒꓬꓱꓼ ꓡ ꓠˍ ꓟ ꓐꓱ ꓶ ꓢꓷꓸ ꓠꓲꓹ ꓢꓳ ꓣꓴ ꓠꓹ ꓟ ꓓꓽ ꓪꓴꓸ ꓢꓳ ꓦꓲꓺ ꓠꓬ ꓕꓲꓽ ꓦꓲꓺ ꓡꓽ ꓞꓳ ꓘꓴꓽ ꓗꓪ ꓥˍ ꓡꓳ=