ꓢꓷꓸ ꓠꓲꓹ ꓬꓲꓸ ꓒꓵꓽ (4) (Dialogue with Culture)

ꓠꓬꓲꓸ ꓠꓬꓲ ꓘꓴ ꓜꓲꓼ ꓞꓳ ꓠꓯꓸꓼ ꓗꓪ ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓔꓯ ꓕꓲꓽ ꓫꓵꓽ ꓡꓰ ꓕꓲꓽ ꓫꓵꓽ ꓮꓽ ꓟꓬꓹ ꓫꓵꓽ ꓗꓪ ꓐꓰ ꓢꓷꓸ ꓠꓲꓹ ꓖꓶ ꓠꓹ ꓟ ꓢꓯꓼ ꓕꓵꓼ ꓔꓬˍ ꓟ ꓥ ꓪ= ꓟꓸ ꓖꓶ ꓔꓬˍ ꓟ ꓥ ꓪ= ꓟꓲ ꓠꓯ ꓢꓷꓸ ꓠꓲꓹ ꓐꓯˍ ꓟ ꓠꓯꓸꓼ ꓗꓪ ꓠꓬ ꓢꓲꓺ ꓒꓽ ꓬꓰ-ꓢꓴ ꓬꓲ ꓶ ꓓꓳꓽ ꓫꓱꓸ ꓓꓳꓽ ꓗꓪ ꓐꓰ ꓟꓽ ꓙꓲˍ ꓟ ꓝꓴꓲꓸ ꓥ ꓕꓯ ꓑꓳꓸ ꓔꓯ ꓤ ꓟꓳ ꓐ ꓡ ꓢꓲ ꓚꓵꓸ ꓛꓬꓽ ꓔꓵꓹ ꓚꓵꓸ ꓛꓬꓽ ꓟꓬꓱ ꓓꓳꓽ ꓙꓳˍ ꓟ ꓞꓳ ꓤꓽ ꓕꓲꓽ ꓣꓳ ꓒꓬꓱꓼ ꓡ ꓠ ꓞꓳ ꓙꓳ ꓢꓯꓸ ꓔꓬꓹ ꓗꓴ ꓔ ꓟ ꓕꓲꓽ ꓣꓳ ꓒꓬꓱꓼ ꓡ ꓠꓹ ꓟ ꓐꓱ ꓶ ꓟꓸ ꓖꓶ ꓠˍ ꓟ ꓥˍ ꓡꓳ=

ꓦꓮꓔꓲꓚꓮꓠ ꓲꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓠꓬ ꓢꓲꓺ ꓒꓽ ꓬꓰ-ꓢꓴ ꓬꓲ ꓶ ꓓꓳꓽ ꓫꓱꓸ ꓓꓳꓽ ꓗꓪ ꓐꓰ ꓠꓲꓽ ꓪꓸ ꓔꓲꓸ ꓢ ꓓꓯꓼ ꓡꓰ ꓤꓹ ꓠꓬꓲ ꓫꓵꓽ ꓠꓬꓲˍ ꓟ ꓑꓶ ꓓꓴ ꓝꓴꓲꓸ ꓠꓯꓸꓼ ꓗꓪ ꓛꓲ ꓡꓰ ꓢꓴ ꓥꓳꓽ ꓡꓰˍ ꓟ ꓠꓯꓸꓼ ꓗꓪ ꓛꓲ ꓡꓰ ꓢꓴ꓾ ꓟꓽ ꓙꓲˍ ꓟ ꓠꓯꓸꓼ ꓗꓪ ꓛꓲ ꓡꓰ ꓢꓴ ꓔꓯ ꓕꓱ ꓡꓲꓳ ꓫꓵꓽ ꓮꓽ ꓙꓲꓽ ꓔꓯ ꓣꓴ ꓓꓳ ꓖꓶꓽ ꓩꓴ ꓢꓲ ꓬꓲ ꓕꓲꓽ ꓞꓲꓼ ꓡꓱꓸꓼ ꓔꓯ ꓟꓬꓽ ꓠꓬꓲ ꓬꓲꓸ ꓫꓵꓼ ꓒꓬꓱꓼ ꓡ ꓠ ꓒꓳꓹ ꓡꓶꓸ ꓔ ꓟ ꓒꓬꓱꓼ ꓡ ꓠˍ ꓟ ꓐꓱ ꓶ ꓥˍ ꓡꓳ= ꓘꓴ ꓜꓲꓼ ꓞꓳ ꓠꓬ ꓟꓲ ꓠꓯ ꓞꓳ ꓤꓽ ꓝꓴꓲꓸ ꓥ ꓕ ꓑꓳꓸ ꓔꓯ ꓫꓬ ꓡꓰ ꓠꓹ ꓟ ꓬꓲ ꓠꓹ ꓟ ꓐꓰ ꓟꓽ ꓦꓽ ꓦꓽ ꓝꓸ ꓢꓲ ꓬꓰ ꓠꓹ ꓟ ꓥ ꓢꓲ ꓠꓬꓲ ꓞꓳ ꓤꓽ ꓟꓬꓱ ꓓꓳꓽ ꓙꓳ ꓠ ꓢꓯꓼ ꓕꓵꓼ ꓠˍ ꓟ ꓐꓰ ꓐꓲ ꓜꓲꓼˍ ꓟ ꓞꓳ ꓤꓽ ꓒꓬꓱꓼ ꓡ ꓠ ꓢꓯꓼ ꓕꓵꓼ ꓠˍ ꓟ ꓐꓱ ꓶ ꓥˍ ꓡꓳ=

 ꓪꓴ-ꓢ ꓣꓱꓽ ꓛꓲꓽ ꓗꓪ ꓐꓰ ꓞꓳ ꓤꓽ ꓦ ꓔꓯ ꓟꓬꓽ ꓠꓬꓲ ꓐꓶꓹ ꓠꓬꓲ ꓐꓲ ꓜꓲꓼ ꓡꓰ ꓠˍ ꓟ ꓐꓱ ꓶ ꓢꓯꓼ ꓕꓵꓼˍ ꓟ ꓚꓱꓹ ꓥˍ ꓡꓳ= ꓘꓴ ꓜꓲꓼ ꓞꓳ ꓠꓬ ꓟꓲ ꓠꓯ ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓔꓯ ꓢꓯꓼ ꓖꓶˍ ꓟ ꓐꓲ ꓜꓲꓼ ꓡꓰ ꓝꓲˍ ꓟ ꓢꓲꓺ ꓒꓽ ꓬꓰ-ꓢꓴ ꓠꓯꓸꓼ ꓗꓪ ꓛꓲꓽ ꓔꓴ ꓖꓶˍ ꓟ ꓒꓳꓹ ꓡꓶꓸ ꓡꓰ ꓝꓲˍ ꓟ ꓝꓮꓲꓹ ꓕꓲꓽ ꓧꓪꓹ ꓫꓬꓹ ꓑꓱˍ ꓟ ꓬꓰ ꓠ ꓗˍ ꓡꓳ= ꓖꓳ ꓟ ꓑꓶꓸ ꓓꓴ ꓠꓲ ꓞꓳ ꓤꓽ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓠꓯꓸꓼ ꓗꓪ ꓙꓵ ꓠꓲꓹ ꓐꓯˍ ꓟ ꓬꓳꓸ ꓚꓵˍ ꓡꓳ= ꓮ ꓡꓲꓳ ꓐꓯ ꓠꓬ ꓙꓵ ꓠꓲꓹ ꓕꓲꓽ ꓟꓹ ꓡꓰ ꓢꓲ ꓠꓬꓲ ꓞꓳ ꓤꓽ ꓞꓳ ꓙꓳ ꓢꓯꓸ ꓔꓬ ꓚꓱꓹ ꓠꓯꓸꓼ ꓗꓪ ꓫꓱꓹ ꓙꓲˍ ꓟ ꓠꓯꓸꓼ ꓗꓪ ꓛꓲ ꓡꓰ ꓝꓲˍ ꓟ ꓔꓯ ꓟꓸ ꓖꓶ ꓐ ꓡˍ ꓡꓳ= ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓞꓳ ꓤꓽ ꓔꓯ ꓟꓸ ꓖꓶˍ ꓟ ꓗꓪ ꓐꓰ ꓢꓷꓸ ꓠꓲꓹ ꓖꓶ ꓔꓬˍ ꓟ ꓥ ꓪ=