ꓣꓦꓮ ꓡꓲ‐ꓢꓴ ꓢꓯꓼ ꓔꓯ ꓠ ꓠ, ꓢꓴ ꓐꓴ ꓗꓪ ꓐꓰ ꓫ. ꓕꓱ ꓖꓶ ꓩꓴ ꓡ ꓟ ꓢꓯꓼ (Listener's voice)

ꓣꓦꓮ ꓡꓲ‐ꓢꓴ ꓢꓯꓼ ꓔꓯ ꓠ ꓠ, ꓢꓴ ꓐꓴ ꓗꓪ ꓐꓰ ꓫ. ꓕꓱ ꓖꓶ ꓩꓴ ꓡ ꓟ ꓢꓯꓼ

ꓣꓦꓮ ꓡꓲ‐ꓢꓴ ꓢꓯꓼ ꓔꓯ ꓮ ꓕꓯ ꓟꓲ ꓠ, ꓡꓳꓻ ꓢꓯꓼ ꓖꓶ ꓔꓬ ꓟ ꓞꓳ ꓡꓯ, ꓜꓲ‐ꓡꓴ ꓗꓪ ꓐꓰ ꓫ. ꓕꓱ ꓖꓶ ꓩꓴ ꓡ ꓟ ꓢꓯꓼ ꓥ ꓡꓳ꓿ ꓞꓳ ꓡꓯ, ꓜꓲ‐ꓡꓴ ꓠꓬ  ꓟꓬ‐ꓟ ꓗꓴꓷꓼ ꓑꓶ ꓬꓲ ꓟꓵꓽ ꓫꓴ ꓠ‐ꓟ‐ꓔꓴ ꓘ, ꓗꓪ ꓔꓬ ꓢꓴ ꓕꓲ ꓣꓳ ꓥ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓬꓲ. ꓠꓬ ꓡ‐ꓫꓳ Hotel ꓗꓪ ꓟꓬꓱꓽ ꓬꓰ ꓔꓬ ꓢꓴ ꓕꓲ ꓣꓳ ꓥ ꓡꓳ꓿

ꓞꓳ ꓡꓯ, ꓜꓲ‐ꓡꓴ ꓡꓰ ꓫ. ꓕꓱ ꓖꓶ ꓡ ꓟ ꓠꓬ ꓣꓦꓮ ꓡꓲ‐ꓢꓴ ꓢꓯꓼ ꓔꓯ ꓠꓬ 2019 ꓘꓳꓼ ꓗꓪ ꓐꓰ ꓠ, ꓡꓳꓻ ꓢꓯꓼ ꓖꓶ ꓔꓬ ꓡꓳ ꓐꓰ ꓫ. ꓕꓱ ꓖꓶ ꓡ ꓡꓳ꓿ ꓣꓦꓮ ꓡꓲ‐ꓢꓴ ꓢꓯꓼ ꓔꓯ ꓠ ꓠ, ꓗꓷ ꓗ. ꓠꓯ ꓪꓴ‐ꓢ ꓐꓯ ꓘꓶꓽ ꓥ ꓟꓲ ꓮ ꓟꓬ, ꓢꓷ. ꓡ ꓡꓳ ꓝꓮꓲ ꓟꓲ ꓠꓯ  ꓡ ꓞꓳ ꓞꓳ ꓙꓳ ꓚꓱ, ꓔꓶꓻ ꓜꓽ ꓔꓶꓻ ꓓꓳꓻ ꓚꓱ, ꓮ ꓟꓬ, ꓫꓵꓽ ꓔꓯ ꓢꓷ. ꓪ ꓡꓰꓳ ꓐꓰ ꓐꓯ ꓖꓶ ꓡ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ. ꓠꓯ ꓗꓪ ꓮ ꓘꓶ. ꓛꓲ ꓙꓲꓻ ꓖꓴ ꓙꓳ ꓟ ꓚꓱ, ꓔꓯ ꓫ. ꓕꓱ ꓖꓶ ꓡ ꓡꓳ꓿

ꓬꓲ. ꓡꓰ ꓫ. ꓕꓱ ꓖꓶ ꓔ ꓟ ꓠꓬ ꓣꓦꓮ ꓡꓲ‐ꓢꓴ ꓡꓰ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓔꓬ ꓟ ꓣꓳ ꓡꓲ‐ꓢꓴ ꓫꓵꓽ ꓐꓴ ꓐꓰ ꓡꓲ‐ꓢꓴ ꓥꓳꓽ ꓠ, ꓡꓳꓻ ꓗꓴ ꓢꓴ ꓐꓴ ꓐꓱ ꓶ ꓪꓴ‐ꓢ ꓐꓯ ꓘꓶꓽ ꓐꓰ ꓟꓲ ꓠꓯ ꓞꓳ ꓙꓳ ꓚꓱ, ꓮ ꓟꓬ, ꓫꓵꓽ ꓔꓯ ꓐꓯ ꓟ. ꓖꓶ ꓩꓴ ꓡ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓫ. ꓟꓳ ꓚꓱ, ꓔꓯ ꓐꓯ ꓖꓶ ꓡ ꓡꓳ꓿

ꓝꓮꓲ ꓬꓲ. ꓡꓰ ꓫ. ꓕꓱ ꓟ ꓠꓬ ꓣꓦꓮ ꓡꓲ‐ꓢꓴ ꓢꓯꓼ ꓗꓪ ꓐꓰ ꓐꓯ ꓑꓶꓻ ꓩꓴ ꓡ ꓟ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓓꓳꓽ ꓫꓵꓽ ꓓꓳꓽ ꓙꓵꓽ ꓔꓯ ꓥ ꓟꓲ ꓠ, ꓡꓳ ꓑ ꓙ ꓢꓲ ꓠꓬꓲ ꓮ ꓘꓶ. ꓛꓲ ꓙꓲꓻ ꓖꓴ ꓙꓳ ꓟ ꓚꓱ, ꓔꓯ ꓫ. ꓕꓱ ꓔ ꓡꓳ꓿ ꓮ ꓕꓯ ꓥ ꓟꓲ ꓢꓯꓼ ꓖꓶ ꓢꓲ ꓠꓬꓲ ꓪꓽ ꓘꓴ ꓖꓶ ꓔꓬ ꓟ ꓚꓱ, ꓔꓯ ꓞꓳ ꓡꓯ, ꓜꓲ‐ꓡꓴ ꓡꓰ ꓫ. ꓕꓱ ꓖꓶ ꓡ ꓡꓳ꓿