ꓫꓸ ꓪ ꓐꓰ ꓕꓳꓽ ꓶ ꓡꓰ ꓫꓸ ꓕꓱˍ ꓟ (Dialogue with Culture)

ꓡꓲꓽ ꓒꓲꓼ ꓐꓰ ꓫꓸ ꓕꓱˍ ꓟ ꓠꓯꓸꓼ ꓗꓪ ꓫꓸ ꓪ ꓐꓰ ꓕꓳꓽ ꓶ ꓠꓬ ꓮꓽ ꓘꓶꓸ ꓬꓳꓸ ꓚꓵˍ ꓟ ꓥˍ ꓡꓳ= ꓟꓬꓽ ꓠꓬꓲ ꓐꓶꓹ ꓠꓬꓲ ꓪꓴ-ꓢ ꓗꓴꓷꓼ ꓪꓴꓽ ꓡ ꓟꓴ ꓡ ꓠˍ ꓟ ꓐꓱ ꓶ ꓫꓸ ꓪ ꓐꓰ ꓕꓳꓽ ꓶ ꓟꓽ ꓙꓳ ꓟꓽ ꓓˍ ꓟ ꓥˍ ꓡꓳ= ꓞꓳ ꓤꓽ ꓕꓲ ꓣꓳ ꓣꓳꓽ ꓫꓵꓽ ꓫꓸ ꓪ ꓥꓳ ꓔꓯ ꓕꓱ ꓡꓹ ꓠꓬ ꓣꓳ ꓬꓲ ꓔꓯ ꓠꓹ ꓟ ꓥꓳ ꓓꓴ ꓦ ꓡꓱ ꓐꓳ ꓓꓴ ꓗꓶ ꓡꓰˍ ꓥꓳ= ꓕꓲꓽ ꓦꓲ ꓡꓽ ꓞꓳ ꓡꓰ ꓐꓰ ꓗꓶ ꓡꓰˍ ꓥꓳ= ꓐꓶꓽ ꓓꓵꓽ ꓗꓪ ꓚꓳꓸ ꓶꓽ ꓓꓳꓽ ꓫꓱꓸ ꓓꓳꓽ ꓚ ꓢꓴ ꓐꓴ ꓠꓬ ꓚꓵꓸ ꓛꓬꓽ ꓙꓰ ꓠꓹ ꓟ ꓟꓵꓽ ꓗꓪ ꓟ ꓫꓸ ꓪ ꓥꓳ ꓔꓯ ꓢꓳ ꓢꓲ ꓡˍ ꓟ ꓥˍ ꓡꓳ= 

ꓖꓳ ꓟ ꓡꓰ ꓐꓰ ꓕꓲꓽ ꓡꓰꓹ ꓞꓳ ꓫꓵꓽ ꓕꓲꓽ ꓫꓵꓽ ꓐꓱ ꓶ ꓕꓳꓽ ꓶ ꓥˍ ꓟꓲ ꓬꓳꓸ ꓚꓵˍ ꓡꓳ= ꓶꓽ ꓓꓳꓽ ꓫꓱꓸ ꓓꓳꓽ ꓚ ꓢꓴ ꓐꓴ ꓠꓬ ꓚꓵꓸ ꓛꓬ ꓙꓰ ꓠꓹ ꓟꓵꓽ ꓗꓪ ꓟ ꓫꓸ ꓪ ꓥꓳꓽ ꓔꓯˍ ꓟꓲ ꓢꓳ ꓢꓲ ꓕꓳꓽ ꓶ ꓙꓳ ꓠꓬ ꓕꓳꓽ ꓶˍ ꓟꓲ ꓢꓳˍ ꓡꓳ= ꓟꓽ ꓙꓳ ꓠꓬ ꓕꓳꓽ ꓶ ꓬꓲ ꓫꓵꓼ ꓒꓳꓼ ꓖꓶˍ ꓡꓳ= ꓢꓲꓽ ꓫꓬ ꓕꓳꓽ ꓶ ꓥˍ ꓟꓲ ꓬꓲ ꓪꓽ ꓥꓳꓽ ꓗꓪ ꓐꓰ ꓐꓳ ꓖꓶ ꓡꓳ= 

ꓣꓳꓽ ꓥˍ ꓟꓲ ꓣꓳꓽ ꓫꓸ ꓪ ꓥꓳꓽ ꓔꓯ ꓒꓵꓽ ꓡ= ꓕꓳꓽ ꓶ ꓔꓯ ꓥˍ ꓟꓲ ꓒꓵꓽ ꓡ= ꓢꓳ ꓫꓵꓽ ꓫꓸ ꓪ ꓐꓰ ꓕꓳꓽ ꓶ ꓔꓯ ꓥˍ ꓟꓲ ꓒꓵꓽ ꓠ ꓗˍ ꓡꓳ=