ꓫ. ꓕꓱˍ ꓟ (Interview)

ꓟ. ꓒ ꓮ‐ꓞꓲ ꓐꓰ ꓫ. ꓕꓱ ꓟ

ꓟ. ꓒ ꓮ‐ꓞꓲ ꓠꓬ ꓣꓳ ꓡꓲ‐ꓢꓴ ꓫꓵꓽ ꓗꓪ ꓐꓰ ꓓꓻ ꓒꓽ ꓕꓲ ꓣꓳ ꓥ ꓡꓳ꓿ ꓬꓲ. ꓠꓬ ꓡꓲ‐ꓢꓴ ꓟꓴ ꓖꓪ ꓝꓮꓲ ꓟꓬ‐ꓟ ꓟꓴ ꓖꓪ ꓮ ꓟꓬ, ꓔꓯ ꓐꓳ ꓖꓶ ꓢꓴ ꓕꓲ ꓣꓳ ꓥ ꓡꓳ꓿ ꓟ. ꓒ ꓗꓪ ꓐꓰ ꓪꓴ‐ꓢ ꓔꓯ ꓫꓱ, ꓖꓶ ꓟꓴ ꓖꓪ ꓐꓰ ꓠꓵꓻ ꓠꓲ, ꓟꓴ ꓖꓪ ꓮ ꓟꓬ, ꓐꓳ ꓢꓴ ꓖꓪ ꓢꓴ ꓕꓲ ꓣꓳ ꓥ ꓡꓳ꓿ ꓟ. ꓒ ꓗꓪ ꓐꓰ ꓟꓴ ꓖꓪ ꓐꓳ/ ꓜꓯ  ꓖꓪ ꓗꓷ ꓟ ꓟꓴ ꓖꓪ ꓠꓬ (700) ꓑꓬ ꓛꓲ ꓙꓳˍ ꓡꓳ ꓐꓰ ꓐꓯ ꓟ. ꓖꓶ ꓡ ꓡꓳ꓿ ꓟ. ꓒ ꓮ‐ꓞꓲ ꓔꓯ ꓖ‐ꓟꓶ‐ꓓꓲ ꓟꓵꓽ ꓗꓪ ꓦꓵꓻ ꓗꓷ ꓟ ꓥ ꓡꓳ꓿ ꓟ. ꓒ ꓟꓲ ꓠꓯ ꓢꓷ. ꓠꓲ ꓢꓳꓻ ꓗꓷ ꓟ ꓠꓬ ꓟꓶ‐ꓚꓲ‐ꓠ ꓡꓳ ꓒꓱ ꓗꓪ ꓥ ꓡꓳ꓿

ꓟ. ꓒ ꓮ‐ꓞꓲ ꓠꓬ ꓮ ꓟꓶ ꓟ ꓙꓵ, ꓗꓪ ꓬ‐ꓖꓳꓥ ꓡꓳ ꓒꓱ ꓗꓪ ꓔꓬ ꓢꓲ ꓠꓬꓲ ꓟꓴ ꓖꓪ ꓐꓳ/ ꓖꓪ ꓐꓰ ꓮ ꓘꓶ. ꓢꓯꓼ ꓕꓵꓼ ꓔꓬ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ. ꓡꓰ ꓐꓯ ꓟ. ꓖꓶ ꓡ ꓟ ꓠꓬ ꓣꓳ ꓡꓲ‐ꓢꓴ ꓫꓵꓽ ꓔꓯ ꓮ ꓡꓰ ꓐꓰ ꓠꓲ, ꓠꓴ ꓠ, ꓟ ꓗꓳ. ꓗꓷ ꓟ ꓙꓵ, ꓔꓯ ꓟꓴ ꓖꓪ ꓮ ꓟꓬ, ꓐꓳ ꓗꓷ ꓐꓰ ꓐꓯ ꓔ ꓡꓳ꓿ ꓮ ꓟꓶ ꓟ ꓙꓵ, ꓕꓯ ꓠꓬ ꓶꓽ ꓡꓯꓼ ꓮ ꓡꓰ ꓐꓰ ꓬꓰ ꓠ, ꓟ ꓐꓰ ꓮ ꓡꓰ ꓐꓰ ꓞꓳ ꓙꓳ ꓢꓯ. ꓔꓬ ꓟ ꓚꓱ, ꓔꓯ ꓐꓯ ꓟ. ꓖꓶ ꓡ ꓡꓳ꓿

ꓟ. ꓒ ꓮ‐ꓞꓲ ꓗꓪ ꓐꓰ ꓢꓯ. ꓖꓶ ꓡ ꓟ ꓠꓬ ꓣꓳ ꓡꓲ‐ꓢꓴ ꓐꓴ ꓬꓲ. ꓒꓳ, ꓒꓳ, ꓗꓪ ꓮ ꓟꓬ, ꓪꓴꓽ ꓟꓴ ꓡ ꓡꓳ꓿ ꓝꓮꓲ ꓡꓯ ꓫꓵˍ ꓥ ꓟꓲ ꓝ. ꓢꓲ ꓠꓬꓲ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓮ‐ꓐ ꓮ‐ꓟ ꓣꓱ ꓢꓴ ꓐꓴ ꓣꓳ ꓡꓲ‐ꓢꓴ ꓞꓳ ꓡꓱ ꓞꓳ ꓡꓯ. ꓐꓴ ꓢꓯꓼ ꓕꓵꓼ ꓔꓬ ꓟ ꓚꓱ, ꓔꓯ ꓢꓯꓼ ꓖꓶ ꓓꓴ ꓬꓰ ꓡꓯ꓿ ꓡꓲ‐ꓢꓴ ꓞꓳ ꓡꓯ. ꓞꓳ ꓡꓱ ꓢꓴ ꓟꓴ ꓖꓪ ꓥ ꓟꓲ ꓐꓳ ꓢꓳꓻ ꓓꓴ ꓬꓰ ꓡꓯ ꓝꓮꓲ ꓟꓴ ꓖꓪ ꓥ ꓟꓲ ꓖꓪ ꓢꓳꓻ ꓓꓴ ꓬꓰ ꓡꓯ꓿ ꓠꓴ ꓮ ꓫꓵꓽ ꓠꓲ, ꓟ ꓒ ꓠꓬ ꓕꓱ ꓟ ꓔꓯ ꓓꓻ ꓒ ꓕꓲ ꓣꓳ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ ꓐꓰ ꓟ. ꓒ ꓗꓪ ꓐꓰ ꓢꓯꓼ ꓖꓶ ꓔ ꓡꓳ꓿