ꓰꓚꓚꓡꓰꓚꓲꓮ ꓢꓴꓮꓟ ꓗꓪ ꓫꓸ ꓕꓱ ꓠꓹ ꓟ 3 ꓫꓵ:

ꓔꓲ ꓒꓽ ꓪꓸ ꓔꓲ ꓬꓳ-ꓦ ꓒꓳ-ꓡꓳ ꓦꓲ  ꓡꓰ ꓐꓳ ꓛꓱ ꓩꓴ ꓡꓹ ꓟ ꓰꓚꓚꓡꓰꓚꓲꓮ ꓢꓴꓮꓟ ꓗꓪ ꓠꓬ꓾ ꓞꓲꓼ ꓡꓰ ꓟꓶ ꓡꓰ ꓓꓵꓽ ꓙꓽ ꓗꓴꓸ ꓔꓸ ꓟ ꓢꓲ-ꓒ ꓬꓰ-ꓢꓴ ꓝꓲ ꓓꓴ ꓠꓲꓹ ꓟ ꓗꓪ ꓐꓰ ꓠꓱꓸ ꓐꓯꓼ ꓙꓵ ꓠꓲꓹ ꓐꓰ ꓪꓽ ꓡꓯꓽ ꓘꓳ ꓫꓹ ꓡꓯꓽ ꓘꓳ ꓗꓴꓸ ꓢꓲ ꓫꓸ ꓕꓱ ꓡꓯꓽ ꓘꓳ ꓗꓴꓸ ꓔꓸ ꓟ ꓢꓷꓸ ꓙ ꓟꓴ ꓡꓯꓽ ꓘꓳ ꓗꓴꓸ ꓠꓬꓲ ꓔ ꓥ= ꓠꓱꓸ ꓐꓯꓼ ꓞꓳ ꓤꓽ ꓐꓴ ꓪꓴ-ꓢ ꓡꓯ ꓖꓳꓼ ꓗꓪ ꓛꓲ ꓡ ꓠ ꓮ ꓕꓯꓽ ꓥˍ ꓟꓲ ꓢꓯꓼ ꓕꓵꓼ ꓠ ꓡꓳꓼ ꓥ= ꓢꓳ ꓔꓯ ꓒꓵꓽ ꓗꓹ ꓬꓲ ꓗꓴꓸ ꓔꓸ ꓟ ꓐꓰ ꓬꓲ ꓢꓶꓽ ꓮꓽ ꓟꓬꓹ ꓓꓱꓼ ꓡ ꓠ ꓟꓬ ꓡ ꓐꓶꓹ ꓡ ꓠ ꓚ ꓚꓱꓹ ꓬꓲ ꓫꓵꓼ ꓧꓪ ꓢꓲ ꓪꓽ ꓡꓯꓽ ꓘꓳ ꓫꓱꓹ ꓡꓯꓽ ꓘꓳ  ꓗꓴꓸ ꓠ ꓮ ꓕꓯꓽ ꓥˍ ꓟꓲ ꓢꓯꓼ ꓕꓵꓼ ꓠ ꓡꓳꓼ ꓥ= ꓘꓴ ꓜꓲꓼ ꓞꓳ ꓠꓯꓸꓼ ꓗꓪ ꓥˍ ꓟ ꓠꓱꓸ ꓐꓯꓼ ꓢꓴ ꓐꓰ ꓝꓸ ꓡꓯꓽ ꓘꓳ ꓟ ꓗꓪ ꓥˍ ꓟꓲ ꓪꓴ ꓡ ꓟꓴ ꓡ ꓚꓱꓹ ꓬꓲ ꓫꓵꓼ ꓧꓪ ꓢꓲ ꓫꓯꓹ ꓑꓱ ꓠ ꓡꓳꓼ ꓥ= ꓓꓲꓮꓡꓳꓖꓴꓰ ꓐꓯˍ ꓟ ꓠꓱꓸ ꓐꓯꓼ ꓙꓵ ꓠꓲꓹ ꓐꓰ ꓫꓸ ꓕꓱˍ ꓕꓯ꓾

1ꓸ ꓣꓮꓔꓲꓳꓠꓮꓡꓲꓢꓔꓢ ꓐꓯˍ ꓟ ꓙꓽ ꓟꓶ _ ꓟ ꓔꓯꓸ ꓢꓲ ꓓ ꓒꓹ ꓮꓔꓧꓰꓲꓢꓔꓢ ꓐꓯ ꓟ ꓪꓴ-ꓢ ꓔꓯ ꓟꓽ ꓘꓳꓹ ꓣꓴ ꓢꓴ ꓐꓰ ꓢꓚꓲꓰꓠꓔꓲꓢꓔꓢ ꓐꓯ ꓟ ꓠꓲ ꓠꓯ ꓢꓷꓸ ꓠꓲꓹ ꓓ ꓒ ꓐꓴ ꓐꓰ ꓫꓸ ꓕꓱ ꓠꓬꓲ ꓔ ꓥ= ꓪꓴ-ꓢ ꓚꓱꓹ ꓔꓯ ꓬꓲ ꓓꓴ ꓛꓹ ꓟ ꓛꓲ= ꓪꓴꓽ ꓡ ꓟꓴ ꓡ ꓚꓱꓹ ꓔꓯ ꓕꓲꓽ ꓠꓲꓹ ꓕꓲꓽ ꓪꓼ ꓬꓲ ꓠ ꓡꓳ ꓥ=

2ꓸ ꓠꓱꓸ ꓐꓯꓼ ꓙꓵ ꓠꓲꓹ ꓐꓰ ꓫꓸ ꓕꓱ ꓠ ꓡꓳꓼ ꓥ= ꓪꓴ-ꓢ ꓠꓬ ꓮꓽ ꓙꓵꓽ ꓕꓲ ꓫꓵꓼ ꓥ ꓐꓰ ꓬꓲ ꓓꓴ ꓛꓹ ꓟ ꓛꓲ= ꓬꓲ ꓒꓵꓽ ꓐꓯ ꓞꓲꓹ ꓟꓽ ꓓꓹ ꓟ ꓡꓲꓽ ꓒꓲꓼ ꓐꓰ ꓙꓵ ꓠꓲꓹ ꓔꓯ ꓒꓵꓽ ꓠ ꓡꓳꓼ ꓥ= ꓠꓬꓲꓽ ꓛꓱꓽ ꓠꓬꓲꓽ ꓙ ꓙꓵ ꓠꓲꓹ ꓪꓴꓽ ꓡ ꓟꓴ ꓡ ꓠ ꓬꓰ ꓠ ꓡꓳꓼ ꓥ=

3ꓸ ꓠꓱꓸ ꓐꓯꓼ ꓘꓴ ꓜꓲꓼ ꓞꓳ ꓐꓰ ꓫꓸ ꓕꓱ ꓠꓬꓲ ꓔ ꓥ= ꓢꓲ-ꓒ ꓬꓰ-ꓢꓴ ꓔꓯ ꓙꓵ ꓔꓬ ꓢꓴ ꓐꓴ ꓐꓰ ꓫꓸ ꓕꓱ ꓠ ꓡꓳꓼ ꓥ= ꓪꓽ ꓡꓯꓽ ꓘꓳ ꓫꓱꓹ ꓡꓯꓽ ꓘꓳ ꓠ ꓡꓳ ꓥ=