ꓲꓢꓡꓮꓟ ꓙꓵ ꓠꓲꓹ ꓐꓰ ꓠꓬꓲꓹ ꓠꓬꓲ

ꓲꓢꓡꓮꓟ ꓙꓵ ꓠꓲꓹ ꓐꓰ ꓠꓬꓲ ꓠꓬꓲ

ꓲꓢꓡꓮꓟ ꓙꓵ ꓠꓲꓹ ꓔꓯ ꓙꓵ ꓔꓬ ꓢꓴ ꓗꓴꓷ ꓗꓪ ꓠꓬ ꓬꓲ ꓪꓽ ꓡꓲꓽ ꓒꓲꓼ ꓐꓰ ꓬꓲ ꓪꓽ ꓢꓯ ꓔꓬ ꓟ  ꓥˍ ꓡꓳ= ꓬꓲ ꓪꓽ ꓠꓬ ꓬꓲ ꓪꓽ ꓘꓴ ꓗꓪ ꓮꓣꓮꓐ ꓗꓴꓷꓼ ꓐꓴ ꓐꓰ ꓠꓱꓸ ꓐꓯꓼ ꓮꓝꓣꓲꓚꓮ ꓐꓰ ꓮꓢꓲꓮ ꓟꓵꓽ ꓗꓪ ꓟ ꓟꓴ-ꓢꓡꓲꓟ ꓐꓴ ꓠꓬꓲ ꓗꓴ ꓚꓸ ꓗꓪ ꓟꓽ ꓪꓽ ꓡꓯꓽ ꓘꓳ ꓟꓽ ꓫꓱꓹ ꓡꓯꓽ ꓘꓳˍ ꓟ ꓙꓳ ꓥˍ ꓟꓲ ꓙꓵ ꓠꓲꓹ ꓠꓯꓸꓼ ꓗꓪ ꓠꓬ ꓕꓱ ꓡꓰ ꓕꓲꓽ ꓟꓹ ꓔꓬ ꓟ ꓥˍ ꓡꓳ= ꓾ꓢꓡꓮꓟ ꓙꓵ ꓠꓲꓹ ꓠꓬ ꓙꓵ ꓠꓲ ꓡꓰ ꓟꓽ ꓥ= ꓬꓲ ꓪꓽ ꓠꓬ ꓙꓵꓽ ꓗ ꓙꓳˍ ꓟ ꓬꓲ ꓜꓴ ꓬꓲ ꓟꓯꓼ ꓐꓰ ꓕꓲꓽ ꓤꓶ ꓡꓰ ꓕꓲꓽ ꓤꓶ ꓣꓱꓽ ꓫꓶꓸ ꓡꓹ ꓟ ꓡꓲꓽ ꓒꓲꓼ ꓙꓳꓹꓟ ꓬꓲ ꓜꓴ ꓬꓲ ꓟꓯꓼ ꓥꓳ ꓡꓳ=

ꓬꓲꓸ ꓪꓽ ꓠꓬ ꓮꓽ ꓘꓶꓸ ꓪꓴꓹ ꓟ ꓬꓲ ꓜꓴ ꓬꓲ ꓟꓯꓼ ꓥ ꓢꓲ ꓬꓲ ꓪꓽ ꓬꓲ ꓜꓴ ꓬꓲ ꓟꓯꓼ ꓔꓯ ꓴꓟꓟꓮ ꓥˍ ꓟꓲ ꓕꓱ ꓡꓰ ꓐꓯˍ ꓡꓳ= ꓬꓲ ꓪꓽ ꓬꓲ ꓜꓴ ꓬꓲ ꓟꓯꓼ ꓗꓪ ꓛꓳꓽ ꓠꓬꓲ ꓠꓬ ꓗꓴꓷ ꓠꓯꓸꓼ ꓗꓪ ꓥˍ ꓟꓲ ꓚꓵꓸ ꓛꓬ ꓔꓶ ꓐꓬꓱꓽ ꓐꓰ ꓡꓲꓽ ꓒꓲꓼ ꓙꓳꓹ ꓟ ꓥˍ ꓡꓳ= ꓾ ꓢꓡꓮꓟ ꓙꓵ ꓠꓲꓹ ꓔꓯ ꓙꓵ ꓔꓬ ꓢꓴ ꓐꓴ ꓠꓬ ꓕꓲ ꓟꓴ ꓡꓰ ꓕꓲꓽ ꓟꓵ ꓗꓪ ꓛꓲ ꓡꓰ ꓢꓲ ꓠꓬꓲ ꓬꓲ ꓐꓯꓽ ꓓꓳ ꓠꓱ ꓐꓯꓼ ꓟꓵ ꓗꓪ ꓚꓵꓸ ꓢꓴ ꓥˍ ꓟ ꓪꓴꓸ ꓠꓬꓲ ꓠꓲ ꓠꓱꓸ ꓐꓯꓼ ꓟꓴ ꓗꓪ ꓥˍ ꓟꓲ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓥꓵ ꓣꓳ ꓟꓬ ꓔꓬ ꓟ ꓥˍ ꓡꓳ=

ꓮꓝꓣꓲꓚꓮ ꓟꓵꓽ ꓗꓪ ꓚꓳ ꓙ ꓡꓰ ꓢꓲ ꓕꓲꓽ ꓤꓶ ꓡꓰ ꓕꓲꓽ ꓤꓶ  ꓣꓱ ꓫꓷꓸ ꓡꓹ ꓟ ꓙꓲ-ꓢꓴ ꓢꓲ ꓤꓼ ꓐꓴ ꓡꓲꓽ ꓒꓲꓼ ꓔꓯ ꓣꓱꓽ ꓔꓬ ꓟ ꓗꓴꓷ ꓐꓴ ꓠꓯꓸꓼ ꓗꓪ ꓠꓬ ꓥꓵ ꓣꓳ ꓟꓬꓹ ꓟ ꓟꓽ ꓙꓳ= ꓯꓝꓣꓲꓚꓮ ꓗꓪ ꓡꓰ ꓢꓲ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓥꓵ ꓣꓳ ꓟꓬ ꓔꓬ ꓟ ꓥˍ ꓡꓳ= ꓖꓳ ꓡꓰ ꓥˍ ꓟꓲ ꓾ꓢꓡꓮꓟ ꓙꓵ ꓠꓲꓹ ꓔꓯ ꓙꓵ ꓔꓬ ꓢꓴ ꓟꓴꓢꓡꓲꓟ ꓐꓴ ꓠꓬ ꓕꓲꓽ ꓠꓬꓲ ꓡꓰ ꓕꓲ ꓠꓬꓲ ꓪꓴꓽ ꓡ ꓟꓴ ꓡ ꓔꓬ ꓟ ꓥˍ ꓡꓳ= ꓖꓳ ꓡꓰ ꓪꓴ ꓡ ꓟꓴ ꓡꓮ ꓔꓬ ꓟ ꓪꓴꓸ ꓠꓬꓲ ꓠꓲ ꓙꓵ ꓢꓴ ꓢꓲ ꓤꓼ ꓐꓴ ꓗꓴꓷ ꓘꓴ ꓗꓪ ꓡꓲꓽ ꓒꓲꓼ ꓚꓱꓹ ꓗꓪ ꓥˍ ꓟꓲ ꓞꓳ ꓙꓳ ꓢꓯꓸ ꓔꓬꓹ ꓟ ꓚꓱꓹ ꓗꓪ ꓥˍ ꓟꓲ ꓦ ꓕꓲꓽ ꓒꓳ ꓔꓯ ꓢꓲ ꓗꓪ ꓥˍ ꓟꓲ ꓫꓵꓽ ꓪꓴ ꓮ ꓟꓬ ꓕꓱ ꓡꓱ ꓔꓳꓹ ꓜꓳꓹ ꓟ ꓥˍ ꓡꓳ= ( ꓢꓯꓼ ꓔꓯ ꓝꓸ ꓢꓲ ꓠ  ꓠꓹ ꓡꓯ=)