ꓲ-ꓢ-ꓡꓮꓟ ꓙꓵ ꓠꓲꓹ ꓐꓰ ꓫ-ꓣꓲ-ꓬ ꓛꓳ ꓚꓱꓹ (Dialogue with other Religions)

ꓫ-ꓣꓲ-ꓬ ꓐꓯꓹ ꓟ ꓠꓬ ꓟꓴ-ꓢ-ꓡꓲꓟ ꓐꓴ ꓢꓲꓽ ꓫꓬ ꓕꓳꓽ ꓶ ꓗꓳ-ꓣꓮꓠ ꓐꓰ ꓢꓴꓠ-ꓠ ꓐꓯꓹ ꓟ ꓟꓴ-ꓧ-ꓟꓮꓓ ꓫꓱꓹ ꓐꓯꓹ ꓟ ꓛꓳ ꓚꓱꓹ ꓕꓱ ꓠꓬꓲꓽ ꓟ ꓔꓯ ꓕꓲꓽ ꓪꓼ ꓔ ꓦꓹ ꓟ ꓛꓳꓽ ꓚꓱꓹ ꓥˍ ꓡꓳ= ꓫ-ꓣꓲ-ꓬ ꓐꓯꓹ ꓟ ꓬꓲ ꓟꓸ ꓟꓲ ꓠꓬ ꓟꓴ-ꓢ-ꓡꓲꓟ ꓐꓴ ꓐꓱ ꓶ ꓚꓵꓸ ꓛꓬꓽ ꓞꓲꓼ ꓛꓳ ꓚꓱꓹ ꓐꓰ ꓬꓲ ꓟꓸ ꓟꓲꓽ ꓙꓳꓹ ꓟ ꓥ ꓐꓶ= ꓐꓯ ꓟꓵ ꓫꓱꓹ ꓟ ꓠꓬ ꓚꓵꓸ ꓛꓬꓽ ꓕꓲꓽ ꓞꓲꓼ ꓡꓱꓸꓼ ꓗꓪ ꓠꓲꓹ ꓟ ꓠꓯꓸꓼ ꓗꓪ ꓙꓽ ꓜꓲꓼ ꓠꓲꓹ ꓠꓯꓸꓼ ꓗꓪ ꓕꓱ ꓟ ꓔꓯ ꓟꓯ ꓔ ꓢꓲ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓛꓳ ꓠꓹ ꓚꓱꓹ ꓕꓯ ꓐꓯꓹ ꓟ ꓥ ꓪ= ꓕꓱ ꓟ ꓠꓬ ꓟꓴ-ꓢ-ꓡꓲꓟ ꓐꓴ ꓬꓲ ꓪꓽ ꓕꓲꓽ ꓞꓲꓼ ꓡꓱꓸꓼ ꓗꓪ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓙꓵ ꓠꓲꓹ ꓘꓴ ꓗꓪ ꓙꓵ ꓠꓲꓹ ꓐꓰ ꓛꓳ ꓚꓱꓹ ꓔꓯ ꓐꓱ ꓟꓽ ꓙꓲˍ ꓟ ꓔꓯ ꓐꓯ ꓠꓲꓹ ꓫꓵˍ ꓟ ꓥ ꓪ= ꓟꓴ-ꓢ-ꓡꓲꓟ ꓕꓲꓽ ꓣꓳ ꓠꓬ ꓕꓲꓽ ꓠꓬꓲ ꓡꓱꓸꓼ ꓬꓰ ꓠꓬꓲ ꓔ ꓟ ꓙꓳˍ ꓟ ꓡꓰ ꓐꓰ ꓕꓲꓽ ꓡꓰ ꓙꓵ ꓠꓲꓹ ꓔꓯ ꓠꓬ ꓮ ꓕꓯꓽ ꓥˍ ꓟꓲ ꓒꓯꓽ ꓟꓽ ꓙꓲꓹ ꓟ ꓐꓱ ꓟꓽ ꓙꓲꓹ ꓟ ꓥˍ ꓡꓳ= ꓮ ꓕꓯ ꓥˍ ꓟꓲ ꓕꓲꓽ ꓪꓼ ꓛꓳ ꓠꓬꓲ ꓔ ꓟ ꓥˍ ꓡꓳ= ꓬꓲ ꓪꓽ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓛꓳ ꓠꓬꓲ ꓔ ꓟ ꓞꓳ ꓙꓳ ꓢꓯꓸ ꓔꓬꓹ ꓚꓱꓹ ꓥꓹ ꓠꓬ ꓫꓱꓹ ꓖꓳ ꓟ ꓡꓰ ꓟꓽ ꓞꓲ ꓠꓲꓹ ꓟ ꓓꓵꓽ ꓙˍ ꓟ ꓮꓽ ꓙꓵꓽ ꓠꓬ ꓲ-ꓢ-ꓡꓮꓟ ꓙꓵ ꓠꓲꓹ ꓐꓰ ꓕꓲꓽ ꓟꓼꓹ ꓗꓶ ꓡꓰ ꓠ ꓮ ꓕꓯꓽ ꓥꓹ ꓟꓲ ꓢꓯꓸ ꓕꓵꓼ ꓠ ꓗˍ ꓡꓳ= ꓙ ꓫꓱꓽ ꓠ ꓗˍ ꓡꓳ= ꓾-ꓢ-ꓡꓮꓟ ꓐꓯꓹ ꓟ ꓙꓵ ꓠꓲꓹ ꓐꓰ ꓟꓴ-ꓢ-ꓡꓲꓟ ꓐꓯꓹ ꓟ ꓲ-ꓢ-ꓡꓮꓟ ꓙꓵ ꓠꓲꓹ ꓔꓯ ꓛꓳ ꓔꓬꓹ ꓢꓴ ꓕꓲꓽ ꓣꓳ ꓠꓬ ꓮ ꓕꓯꓽ ꓥˍ ꓟꓲ ꓕꓲꓽ ꓟꓼ ꓥˍ ꓡꓳ= ꓒꓯꓽ ꓟꓽ ꓙꓲ ꓐꓱ ꓟꓽ ꓙꓲˍ ꓟ ꓥˍ ꓡꓳ= 

ꓫ-ꓣꓲ-ꓬ ꓠꓬ ꓟꓴ-ꓢ-ꓡꓲꓟ ꓐꓴ ꓕꓲꓽ ꓤꓶ ꓡꓱꓸꓼ ꓗꓪ ꓮ ꓕꓯꓽ ꓥꓹ ꓟꓲ ꓠꓲꓹ ꓟ ꓠꓯꓸꓼ ꓗꓪ ꓪꓴ ꓔꓬꓹ ꓟ ꓥˍ ꓡꓳ= ꓕꓲꓽ ꓦꓲ ꓘꓴꓽ ꓗꓪ ꓥˍ ꓟꓲ꓾ ꓞꓳ ꓤꓽ ꓐꓰ ꓫꓸ ꓕꓱ ꓡꓯꓽ ꓘꓳꓹ ꓟ ꓠꓯꓸꓼ ꓗꓪ ꓥˍ ꓟꓲ꓾ ꓶ ꓡꓯꓼ ꓟꓴˍ ꓟ ꓠꓯꓸꓼ ꓗꓪ ꓥˍ ꓟꓲ꓾ ꓗꓴꓷꓼ ꓙꓵꓽ ꓚꓱꓹ ꓠꓯꓸꓼ ꓗꓪ ꓥˍ ꓟꓲ ꓮꓕꓯ ꓥˍ ꓟꓲ ꓕꓱ ꓟ ꓛꓳ ꓚꓱꓹ ꓠꓬ ꓪꓴ ꓔꓬꓹ ꓟ ꓥ  ꓪ= ꓚꓵ ꓚꓵ ꓐꓯ ꓥꓳ ꓐꓯꓹ ꓠꓬ ꓫ-ꓣꓲ-ꓬ ꓠꓬ ꓛꓳ ꓠꓬꓲ ꓔ ꓟ ꓛꓳ ꓚꓱꓹ ꓥˍ ꓡꓳ= ꓗꓳ-ꓣꓮꓠ ꓢꓲꓽ ꓫꓬ ꓕꓳꓽ ꓶ ꓗꓪ ꓫ-ꓣꓲ-ꓬ ꓐꓯꓹ ꓟ ꓫꓸ ꓪ ꓘꓶꓽ ꓕꓲꓽ ꓘꓶꓽ ꓦˍ ꓟꓲ ꓟꓽ ꓐ= ꓫ-ꓣꓲ-ꓬ ꓛꓳ ꓚꓱꓹ ꓠꓯꓸꓼ ꓗꓪ ꓠꓬ ꓗꓳ-ꓣꓮꓠ ꓢꓲꓽ ꓫꓬ ꓕꓳꓽ ꓶ ꓐꓹ ꓟ ꓡꓰ ꓕꓲꓽ ꓡꓰ ꓬꓲ ꓜꓴ ꓬꓲ ꓟꓯꓼ ꓕꓯ ꓮ ꓡꓰ ꓙꓵꓽ ꓠꓹ ꓟ ꓫꓵꓽ ꓪꓴ ꓔꓯ ꓮ ꓡꓰ ꓢꓲ ꓫꓬ ꓡꓰ ꓝꓲ ꓠꓹ ꓟ ꓥꓳ ꓡꓰ ꓛꓬ ꓡꓰ ꓢꓴ ꓔꓯ ꓮ ꓡꓰ ꓝꓴꓲꓸ ꓖꓶ ꓠꓹ ꓟ ꓕꓱ ꓡꓲꓳ ꓫꓵꓽ ꓐˍ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓪꓽ ꓘꓴꓹ ꓕꓯ ꓮ ꓡꓰ ꓘꓴ ꓠꓬꓲ ꓔ ꓟ ꓪꓽ ꓘꓴꓹ ꓕꓯ ꓬꓰ ꓠꓬꓲ ꓔ ꓟ ꓮꓽ ꓙꓵꓽ ꓔꓯ ꓜꓲ ꓜꓲ ꓟꓴ ꓟꓴ ꓐꓳ ꓦꓹ ꓟ ꓥˍ ꓡꓳ= ꓠꓬꓲ ꓟ ꓡꓽ ꓞꓳ ꓝꓱꓹ ꓟ꓾ ꓦꓲ ꓕꓴꓽ ꓖꓪ ꓕꓴꓹ ꓟ꓾ ꓕꓲꓽ ꓦꓲ ꓢꓴ ꓠꓲꓹ ꓟ ꓟꓽ ꓪꓽ ꓢꓲ ꓧꓹ ꓡꓯꓽ ꓘꓳˍ ꓟ꓾ ꓖꓳ ꓟ ꓡꓰ ꓟꓽ ꓞꓲ ꓖꓴꓽ ꓙꓴꓽ ꓠꓲꓹ ꓫꓬꓸ ꓔꓯ ꓮ ꓡꓰ ꓢꓲ ꓐꓱ ꓖꓶ ꓠꓹ ꓟ ꓐꓹ ꓖꓶ ꓠꓹ ꓟ ꓕꓱ ꓡꓲꓳ ꓫꓵꓽ ꓐˍ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓶ ꓡꓯꓼ ꓟꓴꓹ ꓕꓯ ꓧꓪꓸ ꓡꓰ ꓠꓹ ꓟ ꓮ ꓡꓰ ꓬꓰ ꓠꓹ ꓟ ꓝꓴꓲꓸ ꓙꓳ ꓢꓴ ꓔꓯ ꓮ ꓡꓰ ꓫꓵꓽ ꓪꓴ ꓘꓶꓽ ꓖꓶ ꓠꓹ ꓟ꓾ ꓮ ꓡꓰ ꓝꓴꓲꓸ ꓖꓶ ꓠꓹ ꓟ ꓮꓽ ꓙꓵꓽ ꓕꓱ ꓡꓰ ꓐꓳ ꓔ ꓟ ꓥˍ ꓡꓳ=

ꓲ-ꓢ-ꓡꓮꓟ ꓙꓵ ꓠꓲꓹ ꓘꓴ ꓗꓪ ꓢꓷꓸ ꓠꓲꓹ ꓙꓳ ꓒꓽ ꓐꓴ ꓟꓴ-ꓢ-ꓡꓲꓟ ꓐꓴ ꓮꓽ ꓟꓬ ꓠꓬ ꓟꓬꓽ ꓠꓬꓲ ꓐꓶꓹ ꓠꓬꓲ ꓟꓬꓱ ꓙꓳˍ ꓟ ꓢꓳ ꓦꓲ ꓖꓳ ꓟ ꓡꓰ ꓟꓽ ꓞꓲ ꓙꓵꓽ ꓢꓴ ꓢꓲꓺ ꓒꓽ ꓐꓴ ꓮ ꓙꓵ ꓠꓬ ꓟꓴ-ꓢ-ꓡꓲꓟ ꓐꓴ ꓛꓳ ꓠꓬꓲ ꓔ ꓟ ꓛꓳ ꓚꓱꓹ ꓔꓯ ꓟꓳꓸ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓐꓯ ꓟꓸ ꓖꓶˍ ꓟ ꓕꓱ ꓡꓰ ꓙꓳˍ ꓡꓳ= ꓖꓳ ꓟ ꓮꓽ ꓙꓵꓽ ꓔꓯ ꓬꓲ ꓧꓶꓹ ꓚ ꓢꓲ ꓟꓮꓐꓧꓮꓐ ꓐꓰ ꓕꓱ ꓡꓰ ꓐꓯꓹ ꓟ ꓥ ꓪ= ꓕꓱ ꓡꓰ ꓮꓽ ꓙꓵꓽ ꓔꓯ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓯ ꓟꓸ ꓔ ꓥˍ ꓟꓲ ꓮꓽ ꓙꓵꓽ ꓔꓯ ꓘꓳꓹ ꓣꓴˍ ꓟ ꓟꓽ ꓥ= ꓟꓲꓸ ꓟꓲ ꓲ-ꓢ-ꓡꓮꓟ ꓙꓵ ꓠꓲꓹ ꓠꓯꓸꓼ ꓗꓪ ꓵ ꓣꓳ ꓟꓬꓹ ꓟ ꓢꓴꓠ-ꓠꓲ ꓐꓴ ꓠꓬ ꓛꓳ ꓚꓱꓹ ꓡꓲꓽ ꓒꓼ 4 ꓫꓵꓽ ꓔꓯ ꓕꓱ ꓡꓰ ꓘꓳꓹ ꓣꓴˍ ꓟ ꓥ ꓪ= ꓖꓳ ꓟ ꓪꓴꓸ ꓠꓬꓲ ꓟꓴ-ꓢ-ꓡꓲꓟ ꓐꓴ ꓥˍ ꓟꓲ ꓕꓲꓽ ꓟꓵꓽ ꓡꓰ ꓕꓲꓽ ꓟꓵꓽ ꓕꓲꓽ ꓗ ꓡꓰ ꓕꓲꓽ ꓗ ꓛꓳꓹ ꓟ ꓛꓳ ꓚꓱꓹ ꓟꓽ ꓪꓽ ꓡꓯꓽ ꓘꓳ ꓐꓶ= ꓖꓳ ꓪꓴꓸ ꓮ-ꓝꓲ-ꓣꓲ-ꓗ ꓐꓰ ꓐꓶꓽ ꓓꓵꓽ ꓮ-ꓝꓲ-ꓣꓲ-ꓗ ꓗꓪ ꓠꓬ ꓟ-ꓡꓲ-ꓗꓲ ꓐꓯꓹ ꓟ ꓛꓳꓹ ꓟ ꓥˍ ꓡꓳ= ꓐꓶꓽ ꓓꓳ ꓮ-ꓢꓲ-ꓬ ꓐꓰ ꓖꓳ ꓟꓶꓸ ꓕꓲꓽ ꓛꓱꓽ ꓖꓳ ꓟ ꓡꓰ ꓟꓽ ꓞꓲ ꓮ-ꓝꓲ-ꓣꓲ-ꓗ ꓐꓶꓽ ꓓꓳ ꓕꓲꓽ ꓛꓱꓽ ꓔꓯ ꓢꓲ ꓖꓳ ꓟ ꓡꓰ ꓟꓽ ꓞꓲ ꓬꓲ-ꓙꓲ ꓗꓴꓷꓼ ꓑ-ꓡ-ꓢ-ꓔꓮꓲ ꓗꓴꓷꓼ ꓟ ꓞꓳ ꓤꓽ ꓟꓬꓽ ꓠꓬꓲ ꓠꓬ ꓫ-ꓝꓲ ꓐꓯꓹ ꓟ ꓛꓳ ꓚꓱꓹ ꓔꓯ ꓛꓳꓹ ꓟ ꓥ ꓐꓶ= ꓢꓮꓴ-ꓓꓲ ꓮ-ꓣꓯ-ꓐꓲ-ꓬ ꓗꓴꓷꓼ ꓗꓪ ꓠꓬ ꓧ-ꓐ-ꓡꓲ ꓐꓯꓹ ꓟ ꓛꓳ ꓚꓱꓹ ꓔꓯ ꓛꓳꓹ ꓟ ꓥ ꓐꓶ= ꓮ-ꓣꓮꓐ ꓞꓳ ꓫꓵꓽ ꓐꓴ ꓔꓬꓹ ꓟ ꓗꓴꓷꓹ ꓮꓽ ꓟꓬꓹ ꓟꓬꓽ ꓠꓬꓲ ꓐꓶꓹ ꓠꓬꓲ ꓔꓴ-ꓣ-ꓗꓲ ꓖꓳ ꓟꓶꓸ ꓮ-ꓫꓼ꓾ ꓧꓶꓽ ꓟꓵꓽ꓾ ꓣ-ꓫ ꓗꓴꓷꓼ ꓴ-ꓣꓳ-ꓑ꓾ ꓮ-ꓟꓰ-ꓣꓲ-ꓗ꓾ ꓮꓴ-ꓢ-ꓔꓣꓯ-ꓡꓲ-ꓬ ꓗꓴꓷꓼ ꓗꓪ ꓠꓬ ꓧ-ꓠ-ꓝꓲ ꓐꓯꓹ ꓟ ꓛꓳ ꓚꓱꓹ ꓔꓯ ꓛꓳˍ ꓐꓶ= ꓵ ꓣꓳ ꓮꓽ ꓘꓶꓸꓟꓽ ꓟꓬꓽ ꓟ ꓫꓲ-ꓬ ꓟꓴ-ꓢ-ꓡꓲꓟ ꓐꓴ ꓠꓬ ꓙ-ꓝ-ꓣꓲ ꓐꓯꓹ ꓟ ꓛꓳ ꓚꓱꓹ ꓔꓯ ꓬꓲ ꓪꓽ ꓠꓬ ꓛꓳˍ ꓟ ꓥ ꓐꓶ=