ꓲ-ꓢ-ꓡꓮꓟ ꓙꓵ ꓠꓲꓹ ꓚꓱꓹ ꓗꓪ ꓟꓽ ꓙꓵ ꓟꓽ ꓓꓹ ꓟ 5 ꓟ (Dialogue with other Religions)

ꓟꓴ-ꓢ-ꓡꓲꓟ ꓙꓵ ꓠꓲꓹ ꓔꓯ ꓙꓵ ꓔꓬ ꓢꓴ ꓐꓴ ꓟꓽ ꓛꓳ ꓟꓽ ꓓꓹ ꓟ 5 ꓫꓵꓽ

1ꓸ ꓫ-ꓦ-ꓓ 

ꓮ-ꓡ ꓪꓴ-ꓢ ꓗꓪ ꓚꓳꓸ ꓡꓳꓹ ꓡꓰ ꓢꓲ ꓠꓱꓸ ꓐꓯꓼ ꓪꓴ-ꓢ ꓟꓽ ꓙꓳ= ꓟꓴ-ꓧ-ꓟꓮꓓ ꓠꓬ ꓪꓴꓽ ꓓꓲ ꓡꓰ ꓟ ꓮ-ꓡ ꓪꓴ-ꓢ ꓝꓲ ꓓꓴ ꓥˍ ꓡꓳ= ꓕꓱ ꓟ ꓠꓬ ꓟꓴ-ꓢ-ꓡꓲꓟ ꓐꓴ ꓟꓽ ꓙꓵ ꓟꓽ ꓓꓹ ꓟ ꓥˍ ꓡꓳ= 

2ꓸ ꓢ-ꓡꓮꓔ 

ꓲ-ꓢ-ꓡꓮꓟ ꓙꓵ ꓠꓲꓹ ꓔꓯ ꓙꓵ ꓔꓬ ꓢꓴ ꓐꓴ ꓠꓬ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓕꓲꓽ ꓠꓬꓲ 5 ꓧꓪꓹ ꓪꓽ ꓘꓴ ꓠ ꓡꓳꓹ ꓥ= ꓟꓴ-ꓢ-ꓡꓲꓟ ꓮꓽ ꓙꓵꓽ ꓟꓽ ꓘꓴ ꓟꓽ ꓓ ꓘꓴ ꓠ ꓡꓳꓹ ꓥ= 5 ꓧꓪꓹ ꓪꓽ ꓗꓴꓹ ꓟ ꓠꓬ ꓮ-ꓡ ꓪꓴ-ꓢ ꓔꓯ ꓕꓲꓽ ꓞꓲꓼ ꓡꓱꓸꓼ ꓡꓯꓼ ꓙꓱ ꓔ ꓟ ꓢꓷꓸ ꓡꓰ ꓓꓴ ꓥꓹ ꓡꓳ= ꓠꓯꓼ ꓠꓯꓼ ꓫꓵ ꓫꓵ ꓟꓶꓽ ꓕꓯꓽ ꓒ ꓡꓯꓽ ꓡ ꓕꓯ ꓕꓲꓽ ꓧꓪꓹ꓾ ꓟꓶꓽ ꓡꓳ ꓔꓯꓹ ꓫꓵ ꓕꓯ ꓕꓲꓽ ꓧꓪꓹ꓾ ꓟꓶꓽ ꓘꓶꓼ ꓝꓲꓸ 3- 4 ꓙꓵ ꓠꓬꓲꓽ ꓗꓴꓸ ꓚꓸ ꓗꓪ ꓕꓲꓽ ꓧꓪꓹ꓾ ꓟꓶꓽ ꓘꓶꓼ ꓟꓶꓽ ꓟꓲ ꓓꓵꓽ ꓡꓰ ꓕꓯ ꓕꓲꓽ ꓧꓪꓹ꓾ ꓢ ꓘꓪ ꓬꓲꓼ ꓔꓸ ꓙꓵꓹ ꓕꓯ ꓕꓲꓽ ꓧꓪꓹ꓾ ꓪꓽ ꓘꓴ ꓠ ꓡꓳꓹ ꓥ= ꓪꓽ ꓘꓴ ꓙꓵ ꓠꓬ ꓗꓴꓷꓼ ꓕꓲꓽ ꓟ ꓐꓰ ꓕꓲꓽ ꓟ ꓟꓽ ꓪꓽ ꓡꓯꓽ ꓘꓳ ꓡꓳ ꓒꓱ ꓕꓲꓽ ꓟ ꓐꓰ ꓕꓲꓽ ꓟ ꓟꓽ ꓪꓽ ꓡꓯ ꓘꓳˍ ꓡꓳ= ꓪꓽ ꓘꓴ ꓙꓵ ꓛꓲ ꓡ ꓕꓯ ꓑꓶ-ꓡꓲ ꓐꓯꓹ ꓟ ꓪꓽ ꓘꓴ ꓦꓲ ꓗꓪ ꓚꓳ ꓓꓽ ꓪꓴꓸ ꓘꓴ ꓖꓶˍ ꓟ ꓥˍ ꓡꓳ= ꓪꓽ ꓘꓴꓹ ꓕꓯ ꓗ-ꓮ-ꓐ ꓐꓯꓹ ꓟ ꓟ-ꓗ ꓡꓳ ꓒꓱ ꓢꓲ ꓒꓳꓹ ꓢꓲ ꓪꓽ ꓘꓴ ꓠ ꓗꓹ ꓡꓳ= 

3ꓸ ꓜ-ꓗꓮꓔ

10 ꓐꓱ ꓥˍ ꓡꓳ= ꓜ_ꓗꓮꓔ ꓐꓯꓹ ꓟ ꓬꓲ ꓟꓸ ꓟꓲꓽ ꓠꓬ ꓢꓲꓺ ꓫꓬ ꓡꓰ ꓝꓲꓹ ꓟ ꓐꓯꓹ ꓟ ꓬꓲ ꓟꓸ ꓟꓲꓽ ꓥˍ ꓡꓳ= 10 ꓐꓱ ꓗꓶ ꓢꓴ ꓮꓽ ꓙꓵꓽ ꓠꓬ ꓝꓴꓲꓸ ꓮꓽ ꓙꓵꓼ ꓞꓲꓽ ꓫꓬ ꓡꓰ ꓓꓴ ꓥꓳ ꓐꓰ ꓥꓳ ꓡꓳꓸ ꓢꓲ 10 ꓐꓱ ꓗꓶꓹ ꓟ ꓥˍ ꓡꓳ= 10 ꓐꓱ ꓠꓬ ꓫꓸ ꓢꓴ ꓟꓶꓽ ꓢꓴ ꓔꓯ ꓬꓰ ꓙ ꓠꓹ ꓟ ꓐꓱ ꓶ ꓥˍ ꓡꓳ= ꓟꓲꓽ ꓬꓰ ꓪꓽ ꓒꓵꓽ ꓐꓯꓹ ꓟꓶ ꓢꓴ ꓠꓬ 100 ꓩꓴꓸ ꓗꓪ ꓚꓳ 2ꓸ5% ꓗꓶ ꓠ ꓡꓳꓹ ꓥꓳ= ꓖꓳ ꓡꓰ ꓥˍ ꓟꓲ ꓠꓱꓸ ꓐꓯꓼ ꓗꓪ ꓚꓳꓸ ꓪꓸ ꓟ ꓒꓵ ꓠꓬ 10 ꓐꓱ ꓘꓶ ꓠ ꓡꓳꓹ ꓥ=

4ꓸ ꓢꓮꓴꓟ 

ꓣ-ꓟ-ꓓꓮꓠ ꓐꓯ ꓖꓳ ꓕꓲꓽ ꓦ ꓗꓪ ꓜ ꓚꓵꓸ ꓚꓵꓸ ꓠ ꓡꓳꓼ ꓥ= ꓜꓽ ꓚꓵꓸ ꓚꓵꓸ ꓔ ꓟ ꓠꓬ ꓪꓴ-ꓢ ꓡꓰ ꓗꓳ-ꓣꓮꓠ ꓐꓯꓹ ꓟ ꓢꓲꓽ ꓫꓬ ꓕꓳꓽ ꓶ ꓖꓶ ꓡꓹ ꓟ ꓔꓯ ꓠꓲꓹ ꓟ ꓠꓯꓸꓼ ꓗꓪ ꓚꓵꓸ ꓟꓶ ꓠꓹ ꓟ ꓐꓱ ꓶ ꓥˍ ꓡꓳ= ꓚꓵꓸ ꓛꓬ ꓞꓲꓼ ꓔꓯ ꓙꓲꓹ ꓟ ꓠꓯꓸꓼ ꓗꓪ ꓛꓲ ꓡꓰ ꓠꓹ ꓟ ꓐꓱ ꓶ ꓥˍ ꓡꓳ= ꓕꓲꓽ ꓠꓲꓹ ꓕꓲꓽ ꓪꓼ ꓕꓲꓽ ꓘꓴꓸꓗꓪ ꓡꓰ ꓜꓲꓼ ꓢꓲ ꓪ ꓘꓴ ꓪ ꓠꓹ ꓟ ꓐꓱ ꓶ ꓥˍ ꓡꓳ= ꓢꓲꓽ ꓫꓬꓹ ꓟ ꓬꓲ ꓙꓵ ꓕꓱ ꓡꓰ ꓔꓶ ꓢꓲ ꓪꓽ ꓘꓴꓹ ꓟ ꓚꓱꓹ ꓥˍ ꓡꓳ= ꓛꓬ ꓗꓶ ꓟ ꓝꓴꓲꓸ ꓔꓯ ꓝꓴꓲꓸ ꓣꓷꓠ ꓔ ꓟ ꓡꓰ ꓟꓽ ꓞꓲ ꓮ-ꓡ ꓪꓴ-ꓢ ꓔꓯ ꓐꓯ ꓘꓶ ꓛꓹ ꓔ ꓟ ꓥˍ ꓡꓳ= ꓟꓲ ꓠꓯ ꓗꓪ ꓫꓹ ꓢꓴ ꓟꓶ ꓢꓴ ꓮꓽ ꓘꓶꓸ ꓔꓬ ꓥ ꓐꓯꓹ ꓟ ꓔꓯ ꓢꓷ ꓡꓰ ꓓꓴ ꓥˍ ꓡꓳ= 

5ꓸ ꓧ-ꓙꓲ

ꓢꓲꓽ ꓫꓬꓹ ꓟ ꓟꓵ ꓐꓯꓹ ꓟ ꓟ-ꓗ ꓡꓳ ꓒꓱ ꓗꓪ ꓚꓵꓸ ꓛꓬ ꓞꓲꓼ ꓕꓲꓽ ꓞꓲ ꓡꓱꓸꓼ ꓗꓪ ꓮꓽ ꓘꓶꓸ ꓟꓽ ꓥ ꓡꓰꓸ ꓕꓲꓽ ꓧꓪ ꓛꓲ ꓠ ꓡꓳꓼ ꓥ= ꓒꓴ ꓤꓼ ꓫꓵ ꓤꓼ ꓙꓳ ꓢꓴ ꓮꓽ ꓙꓵ ꓠꓬ ꓟ-ꓗ ꓡꓳ ꓒꓱ ꓗꓪ ꓛꓲ ꓠꓹ ꓟ ꓐꓱ ꓶ ꓢꓯꓼ ꓕꓵꓼˍ ꓡꓳ=   

Add new comment

1 + 0 =