ꓲ-ꓢ-ꓡꓮꓟ ꓙꓵ ꓠꓲꓹ ꓚ ꓟꓸ ꓟꓲꓽ (Dialogue with other Religions)

ꓲ-ꓢ-ꓡꓮꓟ ꓙꓵ ꓠꓲꓹ ꓠꓬ ꓮꓓ- 750 ꓘꓳꓼ ꓖꓼ ꓡꓯꓼ ꓖꓼ ꓙꓵ ꓗꓪ ꓟꓴ-ꓧꓮꓓ-ꓟꓮꓓ ꓐꓯꓹ ꓢꓴ ꓟ ꓡꓰ ꓔꓶ ꓔ ꓟ ꓙꓵ ꓠꓲꓹ ꓥˍ ꓡꓳ= ꓟꓴ-ꓧꓮꓓ-ꓟꓮꓓ ꓫꓵꓽ ꓤꓼ ꓧꓪꓽ ꓤꓼ ꓐꓴ ꓐꓹ ꓐ ꓟꓹ ꓟ ꓐꓴ ꓠꓬ ꓠꓬ ꓙꓵꓹ ꓢꓴ ꓙꓳ ꓢ ꓔꓬꓹ ꓢ ꓢꓴ ꓥˍ ꓡꓳ= ꓡꓳ ꓑ ꓢ ꓕꓯꓸ ꓥˍ ꓡꓳ= ꓬꓲ ꓘꓳꓼ 25 ꓘꓳꓼ ꓡꓳꓼ ꓡ ꓕꓯ ꓗ-ꓓꓲ-ꓙ ꓐꓯꓹ ꓟ ꓙꓳ ꓢ ꓔꓬꓹ ꓢ ꓢꓴ ꓟꓶꓽ ꓛꓵ ꓟ ꓕꓲꓽ ꓣꓳ ꓐꓰ ꓬꓲ ꓠꓬ ꓡꓯꓽ ꓒꓯꓹ ꓝ ꓗꓷꓳ=  ꓬꓲ ꓪꓽ ꓕꓲꓽ ꓦꓲ ꓢꓴ ꓠꓬ ꓙꓳ ꓢ ꓔꓬ ꓢ ꓥˍ ꓟꓲ ꓤꓼ ꓠꓵ ꓮꓸ ꓟꓲ ꓤꓽ ꓟꓶꓼ ꓤꓼ ꓕꓲ ꓣꓳꓹ ꓡꓰ ꓟꓶˍ ꓡꓳ= ꓬꓲ ꓟꓬꓱ ꓠꓬ ꓩ-ꓔꓲ-ꓟ ꓥˍ ꓡꓳ= ꓟꓴ-ꓧꓮꓓ-ꓟꓮꓓ ꓠꓬ ꓢꓲꓺ ꓡꓲ ꓐꓰ ꓔꓬ ꓢꓲ ꓪꓽ ꓘꓴꓹ ꓟ ꓔꓯ ꓬꓲ ꓙꓵꓹ ꓮ ꓟꓬ ꓣꓴ ꓢꓲ ꓢꓯꓼ ꓕꓵˍ ꓡꓳ= ꓖꓳ ꓡꓰ ꓢꓲꓺ ꓡꓲ ꓐꓰ ꓔꓬ ꓢꓲ ꓪꓽ ꓘꓴꓹ ꓟ ꓙꓵ ꓗꓪ ꓠꓬ ꓦ ꓐꓱꓽ ꓮ ꓟꓬꓹ ꓟꓳꓹ ꓟ ꓙꓳ ꓟ ꓡꓰ ꓟ ꓞꓲ꓾ ꓑ ꓙꓹ ꓟ ꓥˍ ꓟꓲ ꓮ ꓟꓬꓹ ꓙꓳˍ ꓡꓳ= ꓕꓲ ꓠꓬꓲ ꓙꓳꓹ ꓕꓯ ꓟꓴꓽ ꓗꓪ ꓝꓲ ꓓꓴ ꓚ-ꓑꓶ_ ꓡꓲ ꓠꓬ ꓬꓲ ꓕꓯ ꓡ ꓢꓲ ꓟꓳꓸ ꓖꓶ ꓡꓹ ꓡꓳ= ꓟꓴꓽ ꓗꓪ ꓝꓲ ꓓꓴ ꓚ-ꓑꓶ_ ꓡꓲ ꓠꓬ  ꓚꓰꓼ ꓢꓴ ꓢꓲ ꓒꓽ ꓔꓯ ꓮ ꓕꓯꓽ ꓥˍ ꓟꓲ ꓫꓱꓸ ꓖꓶ ꓠꓹ ꓟ꓾ ꓪꓴꓸ ꓓꓵ ꓕꓵꓼ ꓠꓹ ꓟ꓾ ꓖꓳ ꓟ ꓡꓰ ꓟꓽ ꓞꓲ ꓪꓴ-ꓢ ꓡꓰ ꓟꓳꓸ ꓖꓶ ꓡꓹ ꓟ ꓚꓱꓹ ꓔꓯ ꓞꓳ ꓤꓽ ꓮꓽ ꓙꓵꓽ ꓔꓯ ꓐꓯ ꓟꓸ ꓖꓶ ꓠꓹ ꓟ ꓐꓶ ꓶ ꓟꓴꓽ ꓗꓪ ꓝꓲ ꓓꓴ ꓚ-ꓑꓶ_ ꓡꓲ ꓠꓬ ꓬꓲ ꓔꓯ ꓐꓯˍ ꓡꓳ= ꓖꓳ ꓡꓰ ꓬꓲ ꓦ ꓐꓱꓽ ꓟꓳꓹ ꓟ ꓔꓯ ꓐꓳ ꓔ ꓟ ꓔꓯ Qꓴꓣꓮꓠ (ꓗꓳ-ꓣꓮꓠ)  ꓢꓲꓽ ꓫꓬ ꓕꓳꓽ ꓐꓰ ꓐꓯꓹ ꓟ ꓥ ꓪ= 

ꓗꓳ-ꓣꓮꓠ ꓐꓯꓹ ꓟ ꓠꓬ ꓥꓵꓹ ꓟ꓾ ꓐꓯ ꓟꓸ ꓖꓶꓹ ꓟ꓾ ꓫꓱꓸ ꓖꓶꓹ ꓟ ꓐꓯꓹ ꓟ ꓬꓲ ꓟꓸ ꓟꓲꓽ ꓥˍ ꓡꓳ= ꓖꓳ ꓟ ꓠꓬ ꓠꓬꓲꓹ ꓠꓬꓲ ꓟꓴ-ꓢ-ꓡꓲꓟ ꓙꓵ ꓠꓲꓹ ꓔꓯ ꓙꓵ ꓔꓬ ꓢꓴ ꓐꓱ ꓶ ꓢꓲ ꓫꓬ ꓕꓳꓽ ꓶ ꓗꓶ ꓡꓰꓹ ꓓꓴ ꓟ ꓥ ꓪ= ꓟꓴ-ꓧꓮꓓ-ꓟꓮꓓ ꓠꓬ 22 ꓘꓳꓼ ꓠꓬꓲꓽ ꓗꓴꓸ ꓚꓸ ꓗꓪ ꓦ ꓐꓱꓽ ꓮꓽ ꓟꓬꓹ ꓟꓳ ꓗꓷꓳ= ꓬꓲ ꓦꓲ ꓢꓲ ꓟ ꓗ-ꓓꓲ-ꓙ ꓥˍ ꓟꓲ  ꓬꓲ ꓔꓯ ꓢꓯꓼ ꓮ ꓘꓶꓸ ꓖꓶˍ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓬꓲ ꓔꓯ ꓮ ꓡꓰ ꓬꓰ ꓠꓹ ꓟ ꓳꓸ ꓖꓶꓹ ꓟ ꓗꓪ ꓐꓰ ꓟꓮꓓ-ꓗ ꓡꓳ ꓒꓱ ꓚ ꓚꓱꓹ ꓚ ꓐꓽ ꓗꓪ ꓙꓵ ꓘꓴꓽ ꓗꓪ ꓬꓲ ꓟꓳꓹ ꓟ ꓦ ꓐꓱꓽ ꓔꓯ ꓐꓯ ꓟꓸ ꓖꓶˍ ꓡꓳ= ꓟꓴ-ꓧꓮꓓ-ꓟꓮꓓ ꓠꓬ ꓪꓴ-ꓢ ꓥꓹ ꓡꓳ ꓐꓰ ꓮ ꓕꓯꓽ ꓥˍ ꓟꓲ ꓟꓽ ꓐꓯ ꓠꓬꓲ= ꓖꓳ ꓡꓰ ꓥˍ ꓟꓲ ꓬꓲ ꓠꓬ ꓮ-ꓡ ꓪꓴ-ꓢ ꓝꓲ ꓓꓴ ꓟꓶꓽ ꓠꓶꓹ ꓝꓸ ꓒꓽ ꓥˍ ꓡꓳ ꓐꓰ ꓮ ꓕꓯ ꓥˍ ꓟꓲ ꓐꓯˍ ꓡꓳ= ꓟꓴ-ꓧꓮꓓ-ꓟꓮꓓ ꓠꓬ ꓮ-ꓣꓮꓑ ꓞꓳ ꓫꓵꓽ ꓐꓴ ꓟꓮꓓ-ꓗ ꓡꓳ ꓒꓱ ꓗꓪ ꓠꓲꓽ ꓖꓴꓹ ꓟ꓾ ꓖꓳ ꓟ ꓡꓰ ꓟꓽ ꓞꓲ ꓪꓴ-ꓢ ꓠꓲꓹ ꓡꓶꓽ ꓔꓯ ꓟꓽ ꓤꓰꓼ ꓟ ꓞꓳ ꓙꓳ ꓢꓯꓸ ꓔꓬ ꓚꓱꓹ ꓥ ꓕ ꓑꓳ ꓔꓯ ꓟꓽ ꓠꓲꓹ ꓫꓵˍ ꓟ ꓪꓴꓸ ꓠꓬꓲ ꓠꓲ ꓮ ꓕꓯ ꓥˍ ꓟꓲ ꓠꓲꓹ ꓫꓵˍ ꓡꓳ= ꓖꓳ ꓟ ꓑꓶ ꓓꓴ ꓮ-ꓣꓮꓑ ꓞꓳ ꓫꓵꓽ ꓐꓴ ꓠꓬ ꓟꓴ-ꓧꓮꓓ-ꓟꓮꓓ ꓔꓯ ꓟꓽ ꓠꓲꓹ ꓫꓵ= ꓬꓲ ꓔꓯ ꓠꓲꓹ ꓜꓳˍ ꓡꓳ= ꓢꓰꓼ ꓠꓹ ꓟ ꓢꓯꓼ ꓕꓵꓼ