ꓐꓣꓮꓜꓲꓡ ꓗꓴꓷꓼ ꓖꓴꓸꓟꓶ ꓗꓪ ꓬꓲꓸꓹ ꓙꓬ ꓙꓵꓽ ꓡ ꓟ ꓑꓶꓸ ꓓꓴ 78 ꓣꓳ ꓫꓵꓸꓹ ꓡꓰ ꓢꓲ꓾105 ꓣꓳ ꓟꓶ ꓡꓰ ꓔꓬꓟ ꓓꓳꓽ

ꓐꓣꓮꓜꓲꓡ ꓗꓴꓷꓼ ꓖꓴꓸꓟꓶ Rio Grand do Sul ꓗꓴꓓꓼ ꓫꓴꓸꓸ ꓗꓪ ꓟꓶꓽ ꓦ ꓜꓯꓼ ꓬꓲꓸꓹ ꓙꓬ ꓙꓵꓽ ꓡ ꓟ ꓑꓶꓸ ꓓꓴ 78 ꓣꓳ ꓟꓽ ꓞꓲꓼ ꓫꓵꓸꓹ ꓡꓰ ꓢꓲ꓾ 105 ꓣꓳ ꓟꓽ ꓞꓲ ꓟꓶ ꓡꓰ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=ꓖꓳ ꓟ ꓡꓰ ꓐꓰ ꓟꓽ ꓞꓲ ꓞꓳ ꓣꓳ 11500 ꓣꓳ ꓔꓯ ꓠꓱꓸ ꓐꓯ ꓕꓲ ꓖ ꓗꓪ ꓛꓲꓽ ꓩꓴ ꓗꓷꓳꓽ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓡꓳꓹ ꓬꓰ ꓟ ꓕꓲ ꓙꓵꓽ ꓗꓪ ꓟꓶꓽ ꓡꓰ ꓢꓴ 70 ꓣꓳ ꓡꓰ ꓔꓬ ꓐꓰ ꓙ ꓟꓶ ꓦ ꓥ ꓟꓲ ꓟꓶꓽꓡꓰ ꓢꓴ 105 ꓣꓳ ꓟꓽ ꓞꓲꓼ ꓙꓳ ꓔꓬ ꓐꓭ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓡꓳꓹ ꓬꓰ ꓟ ꓕꓲ ꓙꓵꓽ ꓕꓯ ꓟꓶꓽ ꓦꓲꓸꓹ ꓕꓳꓸ ꓜꓳ ꓙꓰꓼ ꓡ ꓟ ꓑꓶꓸ ꓓꓴ ꓡꓳ ꓒꓱ 500 ꓡꓳ ꓒꓱ ꓗꓪ ꓟ ꓟꓬ ꓠꓬꓲ ꓡꓳ ꓒꓱ ꓗꓪ ꓬꓲꓸꓹ ꓙꓬ ꓙꓵꓽ ꓡ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=ꓕꓱ ꓡꓱ ꓟꓶꓽ ꓦ ꓜꓯꓼ ꓬꓲꓸꓹ ꓙꓬ ꓙꓵꓽ ꓡ ꓟ ꓑꓶꓸ ꓓꓴ ꓡꓳ ꓒꓱ ꓐꓰ ꓞꓳ ꓘꓹ ꓙ ꓖꓴ ꓓꓽ ꓖꓴ ꓮ ꓘꓶꓸ ꓐꓬ ꓡꓰ ꓟ ꓥ ꓢꓲ꓾ ꓟꓶꓽ ꓦ ꓜꓯꓼ ꓡ ꓟ ꓪꓴꓸ ꓠꓬꓲ ꓧꓳꓽꓡꓳꓽꓧꓳ ꓡ ꓢꓲ꓾ ꓮ ꓕꓳꓸ ꓞꓸꓸ ꓦꓲꓸꓹ ꓥ ꓟꓲ ꓐꓬ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=