ꓑꓴꓔꓮꓳ ꓡꓳ ꓒꓱ ꓗꓪ ꓟꓳ ꓓꓳ ꓧꓪꓽ ꓞꓶ ꓟꓽ ꓙꓳˍ ꓟꓽ ꓙꓳˍ ꓗꓷ ꓡꓰ ꓟ ꓪꓴ. ꓠꓬꓲ ꓑꓲ. ꓫꓴ ꓟꓲ ꓓꓰ ꓟꓲ ꓬꓰ ꓢꓴ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ (Local news)

ꓑꓴꓔꓮꓳ ꓡꓳ ꓒꓱ ꓗꓪ ꓟꓳ ꓓꓳ ꓧꓪꓽ ꓞꓶ ꓟꓽ ꓙꓳˍ ꓟꓽ ꓙꓳˍ ꓗꓷ ꓡꓰ ꓟ ꓪꓴ. ꓠꓬꓲ ꓑꓲ. ꓫꓴ ꓟꓲ ꓓꓰ ꓟꓲ ꓬꓰ ꓢꓴ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ

4 ꓦ ꓟ 27 ꓠꓬꓲ 2024 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴ ꓑꓴꓔꓮꓳ ꓡꓳ ꓒꓱ ꓗꓪ ꓙ ꓖꓴ ꓑꓲ. ꓔ ꓟ ꓟꓶ ꓤ ꓟ ꓪꓴ. ꓠꓬꓲ ꓟꓳ ꓓꓳ ꓧꓪꓽ ꓞꓶ ꓟꓽ ꓙꓳˍ ꓗꓷ ꓡꓰ ꓟ ꓪꓴ. ꓠꓬꓲ ꓑꓲ ꓫꓴ ꓟꓲ꓾ꓓꓰ ꓟꓲ ꓬꓰ ꓜ ꓢꓴ ꓐꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓓꓰ‐ꓢꓯ 1 ꓖ‐ꓡ ꓠꓬ (75000) ꓙꓳˍ ꓡꓰ ꓟ ꓪꓴ. ꓠꓲꓬꓲ ꓟꓬꓱ ꓬꓰ ꓢꓴ ꓐꓴ ꓮ ꓘꓶ. ꓠꓲ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓟꓲ‐ꓚꓲ‐ꓠ ꓑꓴꓔꓮꓳ ꓙ ꓖꓴ ꓑꓲ. ꓔ ꓟ ꓦ ꓐ (2) ꓟ ꓙꓳˍ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓗꓳ. ꓗꓷ ꓟ ꓙꓵ, ꓕꓯ ꓑꓲ ꓫꓴ ꓟꓲ ꓓꓰ ꓟꓲ ꓬꓰˍ ꓕꓯ ꓮ‐ꓠꓬꓲ ꓮꓽ‐ꓡꓴ ꓣꓱ ꓥ ꓟꓲ ꓪꓴꓽ ꓜ ꓖꓴ ꓡꓰ ꓢꓲ ꓧꓶꓽ ꓟꓬꓱꓽ ꓬꓰ ꓙꓼ ꓡꓰ ꓣꓱ ꓟ ꓥ ꓡꓳ꓿ ꓓ‐ꓞꓰ ꓕꓲ ꓪꓰ ꓗꓽ ꓠꓬ (15000) ꓒꓯ ꓙꓳˍ ꓡꓰ ꓟ ꓥ ꓡꓳ꓿ ꓝꓮꓲ ꓜ ꓒꓴ ꓥ ꓟꓲ ꓮ ꓘꓶ. ꓠꓯˍ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓕꓲ ꓡꓰ ꓕꓲ ꓡꓰ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓐꓬꓱ ꓦꓲ ꓤꓶ ꓒꓵꓽ ꓮ ꓟꓲ ꓮ ꓘꓶ. ꓠꓯˍ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓠꓻ ꓫꓬ, ꓢꓴ ꓐꓴ ꓮ ꓘꓶ. ꓫ. ꓟ ꓐꓰ ꓑ ꓫꓬ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓔꓬ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓡꓰ ꓙ ꓖꓴ ꓔꓯ ꓠꓲ, ꓞ ꓞꓼ ꓞꓼ ꓒꓴ ꓖꓶ ꓠ, ꓟ ꓒꓴ ꓖꓶ ꓠ, ꓟ ꓠꓲ, ꓫꓵˍ ꓡꓳ ꓐꓰ (Voice of Myanmar) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿