ꓑꓴꓔꓮꓳ ꓡꓳ ꓒꓱ ꓟꓶ‐ꓡ‐ꓫꓲ‐ꓓꓰ ꓞꓳ ꓘ, ꓗꓪ ꓫꓬ, ꓔ ꓟ ꓟ‐ꓡꓲ‐ꓘ ꓧꓳꓔꓰꓡ ꓮ ꓔꓳ ꓐꓬ ꓡꓰ ꓟ ꓓꓳꓽ (local news)

ꓑꓴꓔꓮꓳ ꓡꓳ  ꓒꓱ ꓟꓶ‐ꓡ‐ꓫꓲ‐ꓓꓰ ꓞꓳ ꓘ, ꓗꓪ ꓫꓬ, ꓔ ꓟ ꓟ‐ꓡꓲ‐ꓘ ꓧꓳꓔꓰꓡ ꓮ ꓔꓳ ꓐꓬ ꓡꓰ ꓟ ꓓꓳꓽ (Local news)

4 ꓦ ꓟ 20 2024 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓑꓴꓔꓮꓳ ꓡꓳ ꓒꓱ ꓟꓶ‐ꓡ‐ꓫꓲ‐ꓓꓰ ꓞꓳ ꓘ, ꓗꓪ ꓫꓬ, ꓔ ꓟ ꓟ‐ꓡꓲ‐ꓘ ꓧꓳꓔꓰꓡ ꓪꓰ ꓤꓼ ꓐꓴ ꓬꓲ ꓔ ꓔꓶ ꓠꓬ ꓮ ꓔꓳ ꓐꓬ ꓡꓰ ꓐꓰ ꓢꓷ. ꓪ ꓡꓳ꓿ ꓕꓱ ꓮ ꓔꓳ. ꓐꓬ ꓡꓰ ꓟ ꓠꓬ 4 ꓦ ꓟ 20 ꓠꓬꓲ ꓠꓯꓼ ꓠꓯꓼ 6 ꓙꓵ, ꓐꓶ ꓛꓲ ꓕꓯ ꓮ. ꓔꓳ ꓐꓬ ꓡꓰ ꓟ ꓥ ꓡꓳ꓿

ꓟ‐ꓡꓲ‐ꓘ ꓧꓳꓔꓰꓡ ꓪꓰ ꓤ ꓬꓲ ꓔ ꓔꓶ ꓮ. ꓔꓳ ꓐꓬ ꓡꓰ ꓟ ꓗꓪ ꓦꓲꓻ ꓠꓬꓲꓽ ꓦꓲꓻ ꓮ ꓔꓳ, ꓐꓬ ꓡꓰ ꓐꓰ ꓐꓯ ꓔ ꓡꓳ꓿ ꓐꓬ ꓡꓰ ꓟ ꓦꓲꓻ ꓠꓬꓲ ꓦꓲꓻ ꓠꓬ ꓫꓲꓺ ꓡꓰ ꓩꓴ ꓔ ꓟ ꓦꓲꓻ ꓥ ꓢꓲ ꓠꓬꓲ ꓐꓬ ꓡꓰ ꓟ ꓦꓲꓻ ꓔꓯ ꓟꓶ‐ꓡ‐ꓫꓲ‐ꓓꓰ ꓞꓳ ꓘ, ꓗꓪ ꓔꓬ ꓟ  ꓑ ꓫꓬ ꓐꓴ ꓡꓰ ꓮ. ꓔꓳ ꓢꓰꓼ ꓙ ꓡ ꓢꓲ ꓠꓬꓲ ꓮ. ꓔꓳ ꓢꓰꓼ ꓓꓽ ꓡꓰ ꓐꓰ ꓐꓯ ꓔ ꓡꓳ꓿

ꓑꓴꓔꓮꓳ ꓡꓳ ꓒꓱ ꓟꓶ‐ꓡ‐ꓫꓲ‐ꓓꓰ ꓞꓳ ꓘ ꓗꓪ ꓫꓬ, ꓔ ꓟ ꓟ‐ꓡꓲ‐ꓘ ꓡꓳꓓꓖꓰ ꓧꓳꓔꓰꓡ ꓠꓬ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓐꓰ ꓖ‐ꓟꓶ‐ꓓꓰ ꓟꓵꓽ ꓗꓪ ꓛꓳꓽ ꓗ ꓡ ꓢꓴ ꓐꓴ ꓮ ꓟꓬ, ꓬꓲ ꓔ ꓟ ꓪꓰ ꓤ ꓐꓴ ꓬꓲ ꓔ ꓔꓶ ꓕꓲ ꓟ ꓥ ꓡꓳ꓿ ꓝꓮꓲ ꓕꓱ ꓧꓳꓰꓡ ꓔꓯ ꓠꓬ ꓡꓳ ꓑ ꓒꓽ ꓓꓯ‐ꓤ ꓡꓰ ꓫꓬ, ꓔ ꓟ ꓥ ꓡꓳ ꓐꓰ (Myitkyina News journal) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿