ꓒ‐ꓗ ꓡꓳ ꓒꓱ ꓗꓪ ꓪꓰ. ꓑꓳꓼ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓪꓰ. ꓧꓪ ꓢꓴ 30 ꓣꓳ ꓟꓽ ꓛꓲ ꓫꓵꓻ ꓡꓰ ꓟ ꓓꓳꓽ

ꓒ‐ꓗ ꓡꓳ ꓒꓱ ꓗꓪ ꓪꓰ. ꓑꓳꓼ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓪꓰ. ꓧꓪ ꓢꓴ 30 ꓣꓳ ꓟꓽ ꓛꓲ ꓫꓵꓻ ꓡꓰ ꓟ ꓓꓳꓽ

8 ꓦ ꓟ 13 ꓠꓬꓲ 2023 ꓘꓳꓼ ꓟꓶꓽ ꓘꓶꓼ 3 ꓙꓵ, ꓕꓯ ꓗ‐ꓛꓲ ꓗꓴꓷꓼ ꓫꓴ ꓒ‐ꓗ ꓡꓳ ꓒꓱ ꓪꓰ. ꓑꓳꓼ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓢꓲ ꓪꓰ. ꓑꓳꓼ ꓧꓪ ꓢꓴ ꓑ ꓫꓬ (30) ꓣꓳ ꓟꓽ ꓛꓲ ꓫꓵꓻ ꓡꓰꓳ ꓐꓰ ꓐꓯ ꓔ ꓡꓳ꓿ ꓒ‐ꓗ ꓡꓳ ꓒꓱ ꓟ‐ꓠ ꓞꓳ ꓘ, ꓗꓪ ꓪꓰ. ꓑꓳꓼ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓪꓰ. ꓑꓳ ꓧꓪ ꓢꓴ ꓮ ꓟꓬ, ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓫꓵꓻ ꓡꓰ ꓟ ꓪꓰ. ꓑꓳꓼ ꓧꓪ ꓢꓴ ꓐꓴ ꓠꓬ ꓪꓰ. ꓑꓳꓼ ꓚꓴ. ꓔꓬ ꓟ ꓙꓵ, ꓕꓯ ꓟꓵꓽ ꓡꓶꓽ ꓡ ꓢꓲ ꓠꓬꓲ ꓬꓲꓻ ꓙꓬ ꓠꓬ ꓬꓲ ꓪ ꓟꓬꓱꓽ ꓬꓰ ꓔꓬ ꓟ ꓔꓶ. ꓗꓪ ꓛꓲ ꓛꓲ ꓡ ꓟ ꓪꓴ. ꓠꓬꓲ ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓪꓰ. ꓑꓳꓼ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓠꓻ ꓓꓴ ꓡꓰ ꓢꓴ ꓐꓴ ꓔꓯ  ꓒ‐ꓗ ꓠꓯꓻ ꓞꓲꓼ ꓦꓲꓻ ꓗꓪ ꓠꓻ ꓫꓬ, ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓗꓳ. ꓗꓷ ꓟ 2020 ꓘꓳꓼ ꓕꓯ ꓥ ꓟꓲ ꓪꓰ‐ꓘ ꓪꓰ. ꓑꓳꓼ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓫꓵꓻ ꓡꓰ ꓢꓴ ꓑ ꓫꓬ (170) ꓣꓳ ꓙꓳ ꓡꓰ ꓟ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿