ꓒꓲ‐ꓡꓲ‐ꓒꓲ ꓗꓴꓷꓼ ꓗꓪ ꓟꓵꓽ ꓙꓴꓽ ꓙꓵ ꓡ ꓟ ꓪꓴ. ꓠꓬꓲ ꓑ ꓫꓬ 6 ꓣꓳ ꓫꓵꓻ ꓡꓰ ꓢꓲ ꓠꓬꓲ 2 ꓣꓳ ꓟꓶ ꓔꓬ ꓟ ꓓꓳꓽ

#creditphoto #Philippine earthquke killed 6 men

Monday, November 20, 2023

ꓒꓲ‐ꓡꓲ‐ꓒꓲ ꓗꓴꓷꓼ ꓗꓪ ꓟꓵꓽ ꓙꓴꓽ ꓙꓵ ꓡ ꓟ ꓪꓴ. ꓠꓬꓲ ꓑ ꓫꓬ 6 ꓣꓳ ꓫꓵꓻ ꓡꓰ ꓢꓲ ꓠꓬꓲ 2 ꓣꓳ ꓟꓶ ꓔꓬ ꓟ ꓓꓳꓽ

11 ꓦ ꓟ 18 ꓠꓬ 2023 ꓘꓳꓼ ꓠꓽ ꓛꓳꓽ ꓠꓬꓲ ꓕꓯ ꓒꓲ‐ꓡꓲ‐ꓒꓲ ꓗꓴꓷꓼ ꓗꓪ ꓟꓵꓽ ꓙꓴꓽ ꓙꓵ ꓡ ꓟ ꓪꓴ. ꓠꓬꓲ ꓑ ꓫꓬ 6 ꓣꓳ ꓫꓵꓻ ꓡꓰ ꓢꓲ ꓠꓬꓲ 2 ꓣꓳ ꓟꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ꓕꓱ ꓟꓵꓽ ꓙꓴꓽ ꓬꓲ ꓢꓯꓼ ꓠꓬ (6) ꓙꓳ ꓟ ꓟꓵꓽ ꓙꓴꓽ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓟꓵꓽ ꓙꓴꓽ ꓬꓲ ꓢꓯꓼ ꓠꓬ ꓮ ꓟꓬ, ꓙꓳ ꓟ ꓪꓴ. ꓠꓬꓲ ꓫꓵꓻ ꓡꓰ ꓢꓴ ꓫꓬ ꓙꓳ ꓡꓰ ꓥ ꓡꓳ꓿

ꓗꓳ. ꓗꓷ ꓟ 17 ꓠꓬꓲ ꓕꓯ ꓟꓲ‐ꓓ‐ꓠ‐ꓳ ꓟꓵꓽ ꓗꓪ ꓟꓵꓽ ꓙꓴꓽ ꓙꓵ ꓗꓷ ꓥ ꓢꓲ ꓠꓬꓲ ꓕꓱ ꓟꓵꓽ ꓙꓴꓽ ꓠꓬ ꓟꓲ ꓠꓯ ꓘꓴꓽ ꓗꓪ (60) ꓗꓡ ꓟꓰꓔꓰꓣ ꓗꓪ ꓟꓵꓽ ꓙꓴꓽ ꓙꓵ ꓗꓷ ꓟ ꓥ ꓡꓳ꓿

ꓝꓮꓲ ꓕꓱ ꓟꓵꓽ ꓙꓴꓽ ꓙꓵ ꓡ ꓟ ꓑꓶ. ꓓꓴ (Cotabato) ꓡꓳ ꓒꓱ ꓥ ꓟꓲ ꓑ ꓫꓬ 3 ꓣꓳ ꓫꓵꓻ ꓡꓰ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓔꓳ ꓙꓵꓼ ꓐꓰ ꓜꓽ ꓓꓴ ꓓꓳꓻ ꓓꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓐꓬ ꓡꓰ ꓟ ꓑ ꓫꓬ ꓔꓬ ꓦꓲꓻ ꓐꓰ ꓥ ꓟꓲ ꓙꓳˍ ꓡꓳ ꓐꓰ ꓝꓮꓲ ꓐꓯ ꓔ ꓡꓳ꓿ ꓫ ꓔꓬ ꓟ ꓑ ꓫꓬ ꓐꓴ ꓔꓯ ꓜ ꓓꓴ ꓓꓳꓻ ꓓꓴ ꓬꓰ ꓙ ꓔꓬ ꓡꓳ ꓐꓰ (MyanmarPlatform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿