ꓒꓲ‐ꓡꓲ‐ꓒꓲ ꓗꓴꓷꓼ ꓙꓲꓻ ꓫꓬ ꓢꓴ ꓰꓡꓲꓜꓮꓐꓰꓔꓧ ꓔꓲꓺ ꓟ ꓜꓴꓻ ꓠꓬ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓠꓻ ꓫꓬ, ꓖꓶˍ ꓟ (25) ꓘꓳꓼ ꓐꓲ ꓡꓰ ꓟ ꓓꓳꓽ

ꓒꓲ‐ꓡꓲ‐ꓒꓲ ꓗꓴꓷꓼ  ꓙꓲꓻ ꓫꓬ ꓢꓴ ꓰꓡꓲꓜꓮꓐꓰꓔꓧ ꓔꓲꓺ ꓟ ꓜꓴꓻ ꓠꓬ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓠꓻ ꓫꓬ, ꓖꓶˍ ꓟ (25) ꓘꓳꓼ ꓐꓲ ꓡꓰ ꓟ ꓓꓳꓽ

11 ꓦ 29 ꓠꓬꓲ 2022 ꓘꓳꓼ ꓕꓯ ꓒꓲ‐ꓡꓲ‐ꓒꓲ ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯꓻ ꓔꓬ ꓟ ꓙꓲꓻ ꓫꓬ ꓢꓴ ꓰꓡꓲꓜꓮꓐꓰꓔꓧ ꓔꓲꓺ ꓟ ꓜꓴꓻ ꓐꓴ ꓡꓰ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓠꓻ ꓫꓬ, ꓖꓶ ꓔꓬ ꓟ (25) ꓘꓳꓼ ꓐꓲ ꓡꓰꓳ ꓐꓰ ꓐꓯ ꓔ ꓡꓳ꓿

ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓡꓳ, ꓬꓰ ꓟ CARDINAL JAIME SIN ꓡꓰ ꓓꓰꓽ ꓗꓷ ꓟ ꓪꓴ. ꓠꓬꓲ 1997 ꓘꓳꓼ ꓕꓯ  ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓠꓻ ꓫꓬ, ꓖꓶ ꓠ, ꓟ ꓔꓲꓺ ꓟ ꓜꓴꓻ ꓔꓯ ꓒꓴ ꓗꓷ ꓟ ꓥ ꓡꓳ꓿

ꓔꓲꓺ ꓟ ꓜꓴꓻ ꓠꓬ ꓒꓲ‐ꓡꓲ‐ꓒꓲ ꓗꓴꓷꓼ ꓘꓴꓽ ꓗꓪ ꓔꓬ ꓟ ꓫ. ꓔꓬ ꓢꓴ ꓑ ꓫꓬ ꓐꓴ ꓮ ꓙꓵꓽ ꓔꓯ ꓒꓴ ꓟꓽ ꓣꓴ ꓠꓻ ꓫꓬ, ꓖꓶ ꓗꓷ ꓟ ꓥ ꓡꓳ꓿

ꓔꓲꓺ ꓟ ꓜꓴꓻ ꓠꓬ ꓫ. ꓔꓬ ꓢꓴ ꓑ ꓫꓬ ꓐꓴ ꓔꓯ ꓠꓯꓻ ꓞꓲꓼ ꓐꓰ ꓠꓻ ꓫꓵꓽ ꓮ ꓟꓬ, ꓫꓵꓽ ꓔꓯ ꓠꓻ ꓫꓬ, ꓖꓶ ꓗꓷ ꓟ ꓥ ꓡꓳ꓿ 2003 ꓘꓳꓼ 5 ꓦ 3 ꓠꓬꓲ ꓕꓯ ꓙꓲꓻˍ ꓟ ꓢ‐ꓟ‐ꓡꓲ ꓟꓬꓱꓺ ꓗꓪ ꓐꓰ ꓒꓴ ꓟꓽ ꓣꓴ ꓠꓻ ꓫꓬ, ꓖꓶ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓔꓲꓺ ꓟ ꓜꓴꓻ ꓠꓬ ꓒꓲ‐ꓡꓲ‐ꓒꓲ ꓗꓴꓷꓼ ꓟ‐ꓠꓲ‐ꓡ ꓡꓳ ꓒꓱ ꓗꓪ ꓔꓬ ꓢꓲ ꓠꓬꓲ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓠꓻ ꓫꓬ, ꓖꓶ ꓔꓬ ꓟ ꓥ ꓡꓳ꓿ ꓔꓲꓺ ꓟ ꓜꓴꓻ ꓠꓬ ꓪꓴ‐ꓢ ꓟꓬꓱꓽ ꓗꓪ ꓮ ꓟꓬꓽ ꓛꓲ ꓢꓯꓼ ꓕꓵꓼ ꓐ ꓡ ꓠ, ꓟ ꓪꓴ‐ꓢ ꓠꓯꓸꓼ ꓗꓪ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓪꓽ ꓘꓴ ꓔꓬ ꓡꓳ ꓐꓰ ꓐꓯ ꓔ ꓡꓳ꓿