ꓒ-ꓗ ꓡꓳ ꓒꓱ ꓓꓴ-ꓑꓮꓠ ꓞꓳ ꓘꓹ ꓗꓪ ꓠꓻ ꓫꓵ: ꓑꓶ. ꓓꓴ ꓮ: ꓡꓴ: ꓮ. ꓥꓼ ꓮ ꓟꓬꓹ ꓫꓵꓻ ꓡꓰ ꓟ (local news)

#rvalisu #creditphoto #Death buffalo #Diseased
Thursday, April 25, 2024

ꓒ-ꓗ ꓡꓳ ꓒꓱ ꓓꓴ-ꓑꓮꓠ ꓞꓳ ꓘꓹ ꓗꓪ ꓠꓻ ꓫꓵ: ꓑꓶ. ꓓꓴ ꓮ: ꓡꓴ: ꓮ. ꓥꓼ ꓮ ꓟꓬꓹ ꓫꓵꓻ ꓡꓰ ꓟ

4 ꓦ 25 ꓠꓬꓲ 2024 ꓘꓳꓼ ꓕꓯ ꓗ-ꓛꓲ ꓗꓴꓷꓼ ꓫꓴꓻ ꓒ-ꓗ ꓡꓳ ꓒꓱ ꓓꓴ-ꓑꓮꓠ ꓞꓳ ꓘꓹ ꓗꓪ ꓠꓻ ꓫꓵ: ꓑꓶ. ꓓꓴ ꓮ:ꓡꓴ: ꓮ.ꓥꓼ (20) ꓘꓹ ꓟꓽ ꓞꓲ ꓫꓵꓻ ꓡꓰ ꓐꓰ ꓢꓷ. ꓪ ꓡꓳ= ꓕꓱ ꓫꓵꓻ ꓡꓰ ꓟ ꓮ: ꓡꓴ: ꓮ. ꓥꓼ ꓠꓬ ꓓꓴ-ꓑꓮꓠ ꓞꓳ ꓘꓹ ꓗꓪ ꓐꓰ ꓡꓳ-ꓔ (ꓟꓲ) 2 ꓕꓷꓹ ꓶꓽˍ ꓟ ꓑꓶ. ꓫꓴ ꓟꓲ ꓓꓰ ꓟꓲ ꓗꓪ ꓫꓵꓻ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ=

ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓕꓱ ꓫꓵꓻ ꓡꓰ ꓟ ꓙꓱ ꓤ ꓐꓴ ꓠꓬ ꓠꓬꓲ: ꓠꓬꓲ ꓗꓪ ꓐꓰ ꓢ ꓠꓬꓲ ꓛꓲ ꓙꓳ ꓡꓰ ꓢꓲ ꓠꓬꓲ꓾ ꓟꓵ: ꓘꓳꓼ ꓒꓳꓹ ꓡ ꓢꓲ ꓠꓬꓲ ꓟꓶꓽ ꓞ ꓮ ꓟꓬꓹ ꓞ ꓡ ꓟ ꓪꓴ. ꓠꓬꓲ ꓠꓻ ꓫꓵ: ꓒꓬꓱꓼ ꓡ ꓢꓲ ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ=

ꓒ-ꓗ ꓡꓳ ꓒꓱ ꓓꓴ-ꓑꓮꓠ ꓞꓳ ꓘꓹ ꓠꓬ ꓑ ꓫꓬ ꓔꓬ ꓦꓲꓻ (700) ꓦꓲꓻ ꓔꓬ ꓟ ꓞꓳ ꓘꓹ ꓒ ꓥ ꓢꓲ ꓠꓬꓲ ꓮ. ꓠꓬꓲ: ꓮ: ꓡꓴ: ꓮ. ꓥꓼ ꓠꓬ (1000) ꓘꓹ ꓟꓽ ꓞꓲ ꓔꓬ ꓟ ꓥ ꓡꓳ= ꓗꓳ. ꓗꓷ ꓟ ꓘꓳꓼ ꓕꓯ ꓥ ꓟꓲ ꓗ-ꓛꓲ ꓗꓴꓷꓼ ꓫꓴ ꓗꓪ ꓙꓱꓽ ꓤ ꓫꓵꓻ ꓡꓰ ꓟ ꓙꓳˍ ꓡꓳ ꓐꓰ (Myitkyina News Journal) DOꓽ ꓗꓪ ꓐꓰ ꓢꓷꓸ ꓪ ꓡꓳ=

Add new comment

1 + 13 =

Quick Links