ꓔ‐ꓠꓮꓲ ꓟꓵꓽ ꓗꓪ ꓮ ꓘꓶ. ꓪꓴꓽ_ ꓟ ꓪꓽ ꓡꓴ. ꓞꓰ ꓡ ꓢꓲ ꓠꓬꓲ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰ ꓟ ꓐꓰ ꓟꓵꓽ ꓙꓴꓽ ꓙꓵ, ꓗꓷ ꓟ ꓓꓳꓽ (Local news )

ꓔ‐ꓠꓮꓲ ꓟꓵꓽ ꓗꓪ ꓮ ꓘꓶ. ꓪꓴꓽ_ ꓟ ꓪꓽ ꓡꓴ. ꓞꓰ ꓡ ꓢꓲ ꓠꓬꓲ ꓑ ꓫꓬ ꓔꓬ ꓦꓲꓻ ꓮ ꓟꓬ,  ꓐꓬ ꓡꓰ ꓟ ꓐꓰ ꓟꓵꓽ ꓙꓴꓽ ꓙꓵ, ꓗꓷ ꓟ ꓓꓳꓽ (Local news)

4 ꓦ ꓟ 5 ꓠꓬꓲ 2024 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓔ‐ꓠꓮꓲ ꓡꓳ ꓒꓱ ꓗꓪ ꓙꓳˍ ꓟ ꓠ‐ꓑꓬ‐ꓬ ꓞꓳ ꓘ, ꓗꓪ ꓟꓶꓼ ꓘꓶꓼ (7) ꓙꓵ, ꓕꓯ ꓮ ꓘꓶ. ꓪꓴꓽ_ ꓟ ꓪꓽ ꓡꓴ. ꓞꓰ ꓡ ꓢꓲ ꓠꓬꓲ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰꓳ ꓐꓰ ꓐꓯ ꓔ ꓡꓳ꓿

ꓕꓱ ꓐꓬ ꓡꓰ ꓟ ꓗꓪ ꓪꓽ ꓘꓴ ꓦꓲꓻ ꓐꓰ ꓑ ꓫꓬ ꓔꓬ ꓦꓲꓻ ꓐꓬ ꓡꓰ ꓢꓲ ꓠꓬꓲ ꓪꓽ ꓡꓴ. ꓑꓶ. ꓓꓴ ꓮ‐ꓭ ꓮ ꓟꓬ, ꓥ ꓟꓲ ꓫꓵꓻ ꓡꓰ ꓐꓰ ꓐꓯ ꓔ ꓡꓳ꓿ ꓖꓳ ꓡꓰ ꓥ ꓟꓲ ꓠꓻ ꓓꓴ ꓡꓰ ꓢꓴ ꓑ ꓫꓬ ꓟꓽ ꓔꓬ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓔꓬ ꓦꓲꓻ ꓗꓪ ꓡꓯ, ꓒꓰ ꓪꓴ ꓔ ꓟ ꓦꓲꓻ ꓮ ꓟꓬ ꓐꓬ ꓡꓰ ꓟ ꓥ ꓡꓳ ꓿ ꓝꓮꓲ 4 ꓦ ꓟ 5 ꓠꓬꓲ ꓕꓯ ꓔ‐ꓠꓮꓲ ꓡꓳ ꓒꓱ ꓗꓪ ꓟꓵꓽ ꓙꓴꓽ ꓙꓵˍ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓟꓵꓽ ꓙꓴꓽ ꓬꓲ ꓢꓯꓼ ꓠꓬ (5.5) ꓙꓳˍ ꓟ ꓥ ꓡꓳ꓿ ꓕꓱ ꓟꓵꓽ ꓙꓴꓽ ꓙꓵˍ ꓡ ꓟ ꓬꓲ ꓙꓵ, ꓠꓬ ꓟꓶꓼ ꓘꓶꓼ 7 ꓙꓵ, 15 ꓧꓶꓺ ꓕꓯ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓟꓵꓽ ꓙꓴꓽ ꓙꓵ, ꓡ ꓥ ꓟꓲ ꓐꓬ ꓡꓰ ꓟ ꓑ ꓫꓬ ꓦꓲꓻ ꓐꓰ ꓠꓻ ꓓꓴ ꓡꓰ ꓢꓴ ꓑ ꓫꓬ ꓟꓽ ꓔꓬ ꓐꓰ ꓢꓷ. ꓪ ꓡꓳ꓿