ꓔꓱ ꓚꓵꓹ ꓟ ꓐꓰ ꓢꓲ ꓡꓲ ꓟ ꓠꓬ ꓞꓳ ꓙꓵꓽ ꓪ ꓙꓵꓽ ꓚꓱ ꓐꓰ ꓒꓴ ꓫꓵꓺ ꓧꓪ ꓚꓱꓹ ꓗꓪ ꓙꓳ ꓠꓹ ꓟ ꓔꓲꓺ ꓒ ꓪ ꓔꓲꓸ ꓐꓯˍ ꓡꓳ

ꓔꓱ ꓚꓵꓹ ꓟ ꓐꓰ ꓢꓲ ꓡꓲ ꓟ ꓠꓬ ꓞꓳ ꓙꓵꓽ ꓪ ꓙꓵꓽ ꓚꓱ ꓐꓰ ꓒꓴ ꓫꓵꓺ ꓧꓪ ꓚꓱꓹ ꓗꓪ ꓙꓳ ꓠꓹ ꓟ ꓔꓲꓺ ꓒ ꓪ ꓔꓲꓸ ꓐꓯˍ ꓡꓳ

ꓔꓲ ꓺ ꓒ ꓪ ꓔꓲꓸ ꓡꓰ ꓔꓱ ꓚꓵ ꓟ ꓐꓰ ꓢꓲ ꓡꓲ ꓟ ꓗꓳ-ꓟꓲ-ꓫꓲ ꓗꓪ ꓐꓰ ꓬꓰˍ ꓟ ꓳꓠꓡꓲꓠꓖ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓹ ꓢꓴ ꓮ ꓙꓵꓽ ꓔꓯ ꓢꓯꓼ ꓖꓶꓽ ꓘꓶꓽ ꓫ ꓕꓱ ꓗꓷꓳ=

ꓬꓲꓸ ꓡꓰ ꓣꓳꓽ ꓬꓰ ꓟ ꓮ ꓙꓵꓽ ꓗꓪ ꓔꓱꓹ ꓚꓵꓹˍ ꓟ ꓐꓰ ꓢꓲ ꓡꓲ ꓟ ꓟꓽ ꓙꓳ ꓕꓯ ꓠ ꓮ ꓫꓵꓽˍ ꓟꓲ ꓬꓰ ꓟꓽ ꓠ-ꓳ ꓐꓰ ꓐꓯˍ ꓡꓳ= ꓢꓲ ꓡꓲ ꓟ ꓙꓳ ꓠ ꓟ ꓠꓬ ꓔꓱꓹ ꓚꓵ ꓟ ꓙꓳ ꓪ ꓡꓳ= ꓞꓳ ꓙꓵꓽ ꓪ ꓙꓵꓽ ꓚꓱꓹ ꓗꓪ ꓥˍ ꓟꓲ ꓒꓴ ꓫꓵꓺ ꓧꓪꓹ ꓙꓵ ꓗꓪ ꓥˍ ꓟꓲ꓾ ꓔꓱꓹ ꓚꓱ ꓟ (ꓙꓴꓢꓔꓲꓚꓰ) ꓟꓽ ꓙꓳ ꓠꓬ ꓢꓲ ꓡꓰ ꓟ ꓙꓳ ꓟꓽ ꓓ꓾ ꓢꓲ ꓡꓲ ꓟ ꓟꓽ ꓙꓳ ꓠꓬ ꓮ ꓡꓰ ꓗꓪ ˍ ꓟꓲ ꓙꓳ ꓜꓽ ꓡ ꓟꓽ ꓓ=

ꓖꓪ ꓙꓱ ꓜꓲꓼ ꓓꓴ ꓔꓯ ꓠꓬ 11 ꓦ ꓟ 17 ꓠꓬꓲ ꓗꓪ ꓐꓰ18 ꓗꓪ ꓛꓲ ꓬꓰ ꓗꓷ ꓢꓲ ꓚꓳꓦꓲꓓ ꓠ ꓫꓵꓽ ꓑꓶꓸ ꓓꓴ ꓓꓳꓺ ꓡˍ ꓟ ꓚꓰꓽ ꓓꓴ ꓮ ꓔꓯ ꓮ ꓡꓰ ꓐꓰ ꓧꓪꓸ ꓡꓰ ꓠꓹ ꓟ ꓖꓪ ꓙꓱꓼ ꓡꓯ ꓘꓳ ꓓꓴ ꓥꓳ=

ꓙꓴꓢꓔꓲꓚꓰ ꓮꓠꓓ ꓑꓰꓮꓚꓰ ꓐꓯ ꓟ ꓔꓱꓹ ꓚꓵ ꓟ ꓐꓰ ꓢꓲ ꓡꓲ ꓟ ꓗꓳ-ꓟ-ꓫꓲ ꓔꓯ ꓠꓬ ꓔꓲꓺ ꓒ ꓪ ꓔꓲꓸ ꓒꓳ-ꓡꓳ (ꓦꓲ) ꓡꓰ 1967 ꓘꓳꓼ ꓕꓯ ꓫꓬꓹ ꓔꓶꓺ ꓔ ꓟ ꓥꓳ=

ꓔꓲꓺ ꓒ ꓪ ꓔꓲꓸ ꓡꓰ “ꓮ ꓡꓰ ꓗꓪ ꓥˍ ꓟꓲ ꓘꓴ ꓜꓲꓼ ꓞꓳ ꓡꓰ ꓟꓸ ꓖꓶꓽ ꓔ ꓟ ꓚꓰꓺ ꓖꓶꓽ ꓔ ꓟ ꓞꓳ ꓤ ꓔꓯ ꓒꓵꓽ ꓗꓴꓸ ꓠꓹˍ ꓟ ꓐꓰ ꓠꓲꓹ ꓠꓵ ꓗꓴꓸ ꓠꓹ ꓟ ꓞꓳ ꓫꓵꓽ ꓞꓳ ꓙꓰ ꓐꓴ ꓢꓷꓸ ꓡꓰ ꓠꓹ ꓟ ꓟꓸ ꓖꓶꓽ” ꓐꓰ ꓐꓯ ꓖꓶꓽ ꓗꓷꓳ ꓐꓰ ꓢꓷꓸ ꓪ ꓡꓳ=