ꓔꓲ‐ꓣꓲ‐ꓡꓲ‐ꓗ ꓗꓴꓷꓼ ꓗꓪ ꓟꓯꓼ ꓢꓰꓼ ꓡꓯꓼ ꓘꓳ ꓕꓯ ꓒꓬ ꓡꓰ ꓟ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓪꓽ ꓘꓴ ꓦꓲ ꓔꓯ ꓬꓲ ꓫꓵꓼ ꓫꓬ, ꓗꓷ_ ꓟ ꓓꓳꓽ

ꓔꓲ‐ꓣꓲ‐ꓡꓲ‐ꓗ ꓗꓴꓷꓼ ꓗꓪ ꓟꓯꓼ ꓢꓰꓼ ꓡꓯꓼ ꓘꓳ ꓕꓯ ꓒꓬ ꓡꓰ ꓟ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓪꓽ ꓘꓴ ꓦꓲ ꓔꓯ ꓬꓲ ꓫꓵꓼ ꓫꓬ, ꓗꓷ_ ꓟ ꓓꓳꓽ

6 ꓦ 22 ꓠꓬꓲ 2022 ꓘꓳꓼ ꓕꓯ ꓗꓳ. ꓗꓷ ꓟ (13) ꓘꓳꓼ ꓕꓯ ꓔꓲ‐ꓣꓲ‐ꓡꓲ‐ꓗ ꓗꓴꓷꓼ ꓗꓪ ꓟꓯꓼ ꓢꓰꓼ ꓓꓶꓽ ꓡꓯꓼ ꓘꓳ ꓗꓷ ꓟ ꓙꓵ, ꓕꓯ ꓒꓬ ꓡꓰ ꓟ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓪꓽ ꓘꓴ ꓦꓲꓻ ꓔꓯ ꓬꓲ ꓫꓵꓼ ꓫꓬ ꓗꓷ ꓐꓰ ꓢꓷ. ꓪ ꓡꓳ꓿

ꓕꓱ ꓪꓽ ꓘꓴ ꓦꓲꓻ ꓠꓬ Urani Palali ꓡꓳ ꓒꓱ ꓗꓪ ꓫꓬ, ꓦ ꓟ ꓙꓲꓻ ꓫꓬ ꓢꓴ Antony ꓪꓽ ꓘꓴ ꓦꓲꓻ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓪꓽ ꓘꓴ ꓦꓲꓻ ꓔꓯ ꓔꓲꓺ ꓒ ꓓꓽ Justine ꓗꓪ ꓐꓰ ꓶꓽ ꓥꓳ ꓙꓱ ꓖꓶ ꓗꓷ ꓐꓰ ꓐꓯ ꓔ ꓡꓳ꓿ ꓕꓱ ꓪꓽ ꓘꓴ ꓦꓲꓻ ꓗꓳ. ꓗꓷ ꓟ 1848 ꓘꓳꓼ ꓕꓯ ꓫꓬ, ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ

꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓽ ꓟꓶ ꓫꓵꓺ ꓟ ꓙꓵ, ꓕꓯ ꓪꓽ ꓘꓴ ꓦꓲ ꓫꓬ, ꓗꓷ ꓟ (175) ꓘꓳꓼ ꓐꓲ ꓙꓴ‐ꓐꓲ‐ꓡꓲ ꓑꓮꓲ ꓔꓯ ꓬꓰ ꓠ, ꓟ ꓙ ꓖꓶ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿

ꓕꓱ ꓪꓽ ꓘꓴ ꓦꓲ ꓗꓪ ꓪꓽ ꓘꓴ ꓜꓼ_ ꓟ ꓙꓲ‐ꓢꓴ ꓢꓲ ꓤ ꓦꓲꓻ ꓠꓬ (130) ꓦꓲꓻ ꓥ ꓡꓳ ꓐꓰ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ J.A Newman ꓡꓰ ꓐꓯ ꓖꓶ ꓔ ꓡꓳ꓿