ꓔꓲꓸꓸ ꓒ ꓪ ꓔꓲ ꓡꓰ ꓑꓳ-ꓡꓮꓠ ꓗꓪ ꓢꓷꓸ ꓠꓲꓹ ꓙ ꓜꓲꓼ ꓔꓬ ꓢꓴ ꓙꓳ ꓟ ꓐꓴ ꓔꓯ ꓠꓲꓹ ꓡꓱ ꓡꓱ ꓫꓸ ꓕꓱ_ ꓟ ꓔꓯ ꓠꓲꓹ ꓡꓱ ꓗꓹ ꓛꓲ_ ꓟ ꓓꓳꓽ

ꓔꓲꓸꓸ ꓒ ꓪ ꓔꓲ ꓡꓰ ꓑꓳ-ꓡꓮꓠ ꓗꓪ ꓢꓷꓸ ꓠꓲꓹ ꓙ ꓜꓲꓼ ꓔꓬ ꓢꓴ ꓙꓳ ꓟ ꓐꓴ ꓔꓯ ꓠꓲꓹ ꓡꓱ ꓡꓱ ꓫꓸ ꓕꓱ_ ꓟ ꓔꓯ ꓠꓲꓹ ꓡꓱ ꓗꓹ ꓛꓲ_ ꓟ ꓓꓳꓽ

ꓕꓱ ꓕꓲ ꓫꓵꓽ ꓠ ꓔꓲꓸꓸ ꓒ ꓪ ꓔꓲ ꓡꓰ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓜꓲ ꓡꓯꓼ ꓘꓳ_ ꓟ ꓙꓵꓹ ꓗꓪ ꓠꓬ ꓑꓳ-ꓡꓮꓠ ꓗꓪ ꓢꓷꓸ ꓠꓲꓹ ꓙ ꓜꓲꓼ ꓔꓬ ꓢꓴ ꓙꓳ ꓟ ꓐꓴ ꓥ ꓟꓲ ꓐ_ ꓟ ꓥꓳ= ꓑꓳ-ꓡꓮꓠ ꓙꓳ ꓟ ꓐꓴ ꓐꓰ ꓣꓳ-ꓟ ꓗꓪ ꓔꓬ ꓟ ꓑꓳ-ꓡꓮꓠ ꓞꓳ ꓫꓵꓽ ꓐꓴ ꓬꓲ ꓪ ꓠꓬ ꓣꓳ-ꓟ ꓗꓪ ꓔꓬ ꓟ St. Stanislaus ꓪꓽ ꓘꓴ ꓦꓲ ꓗꓪ ꓕꓲꓽ ꓫꓵꓽ ꓠ ꓕꓲꓽ ꓧꓪꓹ ꓜꓲꓼ ꓡꓯꓼ ꓘꓳ_ ꓟ ꓥꓳ= ꓜꓲꓼ ꓡꓯꓼ ꓘꓳ_ ꓟ ꓙꓵꓹ ꓗꓪ ꓥ ꓟꓲ ꓪꓽ ꓘꓴ_ ꓟ ꓬꓲ ꓪ ꓔꓳꓹ ꓜꓳ_ ꓟ ꓚꓱꓹ ꓔꓯ ꓙ ꓡꓯꓼ ꓘꓳ ꓢꓲ-ꓸ ꓢꓯꓼ ꓖꓶ ꓪ ꓖꓶ_ ꓟ ꓙꓵꓸꓹ ꓠꓲꓹ ꓚꓱꓹ ꓕꓱ ꓡꓱ ꓫꓸ ꓕꓱ ꓡꓯꓼ ꓘꓳ_ ꓟ ꓥꓳ=

St. Peter Square ꓗꓪ ꓐꓰ ꓢꓷꓸ ꓠꓲꓹ ꓙ ꓜꓲꓼ ꓔꓬ ꓢꓴ ꓑꓳ-ꓡꓮꓠ ꓙꓳ ꓟ ꓐꓴ ꓔꓯ ꓔꓲꓸꓸ ꓒ ꓪ ꓔꓲ ꓡꓰ ꓠꓲꓹ ꓡꓱ ꓡꓱ ꓐꓰ ꓫꓸ ꓕꓱ_ ꓟ ꓔꓯ ꓑ ꓙ ꓠꓬ ꓮ ꓘꓶꓸ ꓗꓹ ꓛꓲ_ ꓟ ꓔꓲꓸꓸ ꓒ ꓪ ꓔꓲ ꓡꓰ ꓕꓱ ꓡꓱ ꓢꓯꓼ ꓖꓶ_ ꓟ ꓠꓬ ꓑꓳ-ꓡꓮꓠ ꓗ-ꓕꓳ-ꓡꓲ ꓞꓳ ꓡꓱ ꓐꓴ ꓠꓬ ꓣꓳ-ꓟ ꓗꓪ ꓟꓬ ꓠꓬꓲ ꓢꓷꓸ ꓠꓲꓹ ꓢꓯꓼ ꓕꓵꓼ ꓠꓲꓹ ꓟ-ꓸ ꓔꓬ ꓠꓲꓹ ꓫꓵ_ ꓟ ꓟꓬꓱꓽ ꓬꓰ ꓢꓯꓼ ꓕꓵꓼ ꓠꓲꓹ ꓫꓵ_ ꓟ ꓠꓲꓹ ꓟ ꓕꓱ ꓡꓱ ꓙꓳ ꓡ ꓝꓲ_ ꓡꓳ ꓐꓰ  ꓔꓲꓸꓸ ꓒ Thomas Podlewski ꓡꓰ ꓐꓯ ꓔ ꓡꓳ= ꓬꓲ ꓠꓬ ꓣꓳ-ꓟ ꓗꓪ ꓔꓬ ꓟ Angelisum ꓗꓪ ꓢꓷꓸ ꓠꓲꓹ ꓙ ꓜꓲꓼ ꓔꓬ ꓟ ꓔꓲꓸꓸ ꓒ ꓕꓲꓽ ꓣꓳ ꓥ ꓡꓳ=

ꓕꓱ ꓡꓱ ꓜꓲ ꓡꓯꓼ ꓘꓳ ꓠꓹ ꓟ ꓙ ꓖꓶ ꓢꓴ ꓠꓬ ꓔꓲꓸꓸ ꓒ Pawel Ptasznik ꓥ ꓢꓲ-ꓸ ꓬꓲ ꓠꓬ ꓔꓲꓸꓸ ꓒ ꓪ ꓔꓲ ꓫꓸ ꓪ ꓒꓳꓹ ꓖꓶ ꓢꓴ ꓕꓲꓽ ꓣꓳ ꓥ ꓡꓳ=