ꓔꓲꓺ ꓒ ꓪ ꓔꓲꓸ Francis ꓠꓬ ꓡꓮꓔꓲꓠ ꓮꓟꓰꓣꓲꓚꓮ ꓗꓪ ꓟ ꓡꓳ ꓒꓱ ꓙꓵꓽ ꓢꓲꓽ ꓒ 50 ꓣꓳ ꓔꓯ ꓘꓳꓹ ꓣꓴ ꓢꓲ ꓜꓲꓺ ꓡꓯ ꓘꓳ ꓗꓷꓳ

ꓔꓲꓺ ꓒ ꓪ ꓔꓲꓸ Francis ꓠꓬ ꓡꓮꓔꓲꓠ ꓮꓟꓰꓣꓲꓚꓮ ꓗꓪ ꓟ ꓡꓳ ꓒꓱ ꓙꓵꓽ ꓢꓲꓽ ꓒ 50 ꓣꓳ ꓔꓯ ꓘꓳꓹ ꓣꓴ ꓢꓲ ꓜꓲꓺ ꓡꓯ ꓘꓳ ꓗꓷꓳ

ꓗꓳꓸ ꓗꓷ ꓟ 5 ꓦ 25 ꓠꓬꓲ ꓕꓯ ꓔꓲꓺ ꓒ ꓪ ꓔꓲꓸ Francis ꓠꓬ ꓡꓮꓔꓲꓠ ꓮꓟꓰꓣꓲꓚꓮ ꓗꓪ ꓟ ꓡꓳ ꓒꓱ ꓙꓵꓽ ꓢꓲꓽ ꓒ 50 ꓣꓳ ꓐꓰ ꓜꓲꓺ ꓡꓯ ꓘꓳ ꓗꓷꓳ꓾ ꓐꓰ ꓢꓷꓸ ꓪ ꓡꓳ= ꓬꓲ ꓪ ꓐꓴ ꓠꓬ ꓔꓲꓺ ꓒ ꓪ ꓔꓲ ꓡꓰ ꓧꓳꓽ ꓣꓱꓽ ꓢꓲ ꓬꓰ ꓔꓬ ꓟ ꓢꓷꓸ ꓠꓲꓹ ꓚꓳꓠꓖꓣꓰꓢꓢ ꓗꓪ ꓛꓲꓺ ꓡ ꓟ ꓥ ꓡꓳ= ꓚꓳꓠꓖꓣꓰꓢꓢ ꓖꓳ ꓟ ꓗꓪ ꓔꓲꓺ ꓒ ꓪ ꓔꓲꓸ ꓠꓬ ꓕꓲ ꓟꓲ ꓠꓯ ꓡꓱꓸꓼ ꓗꓪ ꓟ ꓞꓳ ꓡꓱ ꓐꓴ ꓐꓰ ꓫꓸ ꓕꓱ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓔꓲ ꓒ ꓪ ꓔꓲ ꓫꓸ ꓕꓱ ꓗꓷ ꓟ ꓞꓳ ꓡꓱ ꓐꓴ ꓠꓬ ꓞꓲꓼ ꓟꓳꓽ ꓢꓴ ꓐꓴ ꓕꓲ ꓣꓳ ꓔꓵꓸ ꓟꓽ ꓗꓷ ꓡꓰ ꓠꓹ ꓟ ꓬꓰ ꓙ ꓖꓶ ꓔꓬ ꓢꓴ ꓐꓴ ꓥ ꓡꓳ=

ꓚꓳꓠꓖꓣꓰꓢꓢ ꓖꓪ ꓙꓱ ꓜꓲꓼ ꓖꓴ ꓗꓪ ꓛꓲꓺ ꓡ ꓢꓴ ꓐꓴ ꓡꓰ ꓬꓲ ꓪ ꓢꓷꓸ ꓠꓲꓹ ꓫꓵˍ ꓟ ꓔꓯ ꓠꓺ ꓠꓬꓲ ꓝꓲˍ ꓟ ꓗꓪ ꓔꓲꓺ ꓒ ꓪ ꓔꓲ ꓔꓯ꓾ ꓔꓲꓺ ꓒ ꓪ ꓔꓲ ꓡꓯꓸ ꓤꓶꓻ ꓕꓯ ꓞꓳ ꓟꓳꓽ ꓐꓴ ꓐꓰ ꓫꓸ ꓕꓱˍ ꓟ ꓔꓯ ꓠꓺ ꓠꓬꓲ ꓗꓷꓳ= ꓔꓲꓺ ꓒ ꓪ ꓔꓲꓸ ꓥˍ ꓟꓲ ꓬꓲ ꓐꓹ ꓐ ꓕꓲ ꓛꓱꓽ ꓗꓪ ꓟ ꓮ ꓑ ꓮ ꓤꓽ ꓐꓴ ꓐꓰ ꓜꓲ ꓜꓲ ꓟꓵ ꓟꓵ ꓫꓸ ꓕꓱ ꓗꓷ ꓟ ꓚꓱꓹ ꓔꓯ ꓐꓯ ꓟꓳꓸ ꓖꓶ ꓗꓷ ꓢꓲ꓾ ꓖꓳ ꓡꓱ ꓐꓯ ꓟꓳꓸ ꓖꓶ ꓗꓷ ꓗ ꓠꓯꓸ ꓛꓲ ꓡꓹ ꓟ ꓕꓲ ꓘꓳꓼ ꓕꓯ ꓬꓲ ꓠꓬ꓾ ꓬꓲ ꓔꓯ ꓦꓵꓻ ꓖꓴ ꓟꓵꓽ ꓥ ꓟ ꓮꓣꓖꓰꓠꓔꓲꓠꓮ ꓗꓪ ꓙꓰ ꓓꓴ ꓥꓳ꓾ ꓐꓯ ꓟ ꓔꓯˍ ꓟꓲ ꓐꓯ ꓑꓶ ꓗꓷꓳ꓾ ꓐꓰ ꓣꓦꓮ ꓟꓬꓮꓠꓟꓮꓣ ꓓꓳꓽ ꓗꓪ ꓐꓯ ꓔ ꓡꓳ=

Add new comment

5 + 14 =