ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓴꓗꓣꓮꓲꓠꓰ ꓗꓴꓷꓼ ꓗꓪ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓪꓴ. ꓠꓬꓲ ꓤ ꓠꓱ ꓤ ꓐꓴ ꓮ ꓟꓬ, ꓫꓵꓻ ꓡꓰ ꓠꓲ, ꓫ. ꓟꓬ ꓫ. ꓢꓲ ꓠꓬꓲ ꓪꓽ ꓘꓴ ꓙ ꓡꓳ ꓐꓰ ꓐꓯ ꓔ ꓡꓳ=(War in ukraine more and more children killed in deadly attack)

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓴꓗꓣꓮꓲꓠꓰ ꓗꓴꓷꓼ ꓗꓪ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓪꓴ. ꓠꓬꓲ ꓤ ꓠꓱ ꓤ ꓐꓴ ꓮ ꓟꓬ, ꓫꓵꓻ ꓡꓰ ꓠꓲ, ꓫ. ꓟꓬ ꓫ. ꓢꓲ ꓠꓬꓲ ꓪꓽ ꓘꓴ ꓙ ꓡꓳ ꓐꓰ ꓐꓯ ꓔ ꓡꓳ=

4 ꓦ ꓟ 26 ꓠꓬꓲ 2024 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓴꓗꓣꓮꓲꓠꓰ ꓗꓴꓷꓼ ꓗꓪ ꓟꓯꓼ ꓢꓰꓼ ꓡꓯ ꓘꓳ ꓔꓬ ꓟ ꓪꓴ. ꓠꓬꓲ ꓤ ꓠꓱ ꓤ ꓐꓴ ꓮ ꓟꓬ, ꓫꓵꓻ ꓡꓰ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓠꓲ, ꓫ. ꓟꓬ ꓫ. ꓔꓬ ꓟ ꓐꓰ ꓪꓽ ꓘꓴ ꓙ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓫꓵꓻ ꓡꓰ ꓟ ꓤ ꓠꓱ ꓤ ꓠꓬ ꓦ‐ꓐ ꓠꓬꓲꓽ ꓟ ꓙꓳˍ ꓟ ꓤ ꓠꓱ ꓤ ꓐꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓴꓗꓣꓮꓲꓠꓰ ꓗꓴꓷꓼ ꓔꓯ ꓣ‐ꓫ ꓗꓴꓷꓼ ꓡꓰ ꓢꓰꓼ ꓡ ꓟ ꓪꓴ. ꓠꓬꓲ ꓤ ꓠꓱ ꓤ ꓐꓴ ꓮ ꓟꓬ, ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ 4 ꓦ ꓟ ꓘꓴꓽ ꓗꓪ ꓤ ꓠꓱ ꓤ (9) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓤ ꓠꓱ ꓤ ꓐꓴ ꓮ ꓟꓬ, ꓠꓻ ꓓꓴ ꓡꓰꓳ ꓐꓰ ꓐꓯ ꓔ ꓡꓳ꓿

ꓴꓠꓲꓚꓰꓝʼꓢ ꓡꓰ ꓐꓯ ꓔ ꓟ  ꓠꓬ ꓗꓳ. ꓗꓷ ꓟ ꓘꓳꓼ ꓕꓯ ꓢꓲ ꓠꓬꓲ ꓴꓗꓣꓮꓲꓠꓰ ꓗꓴꓷꓼ ꓔꓯ ꓣ‐ꓫ ꓗꓴꓷꓼ ꓡꓰ ꓢꓰꓼ ꓡ ꓟ ꓪꓴ. ꓠꓬꓲ ꓤ ꓠꓱ ꓤ ꓐꓴ ꓮ ꓟꓬ, ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓴꓗꓣꓮꓲꓠꓰ ꓗꓴꓷꓼ ꓘꓴꓽ ꓗꓪ ꓑ ꓫꓬ ꓔꓬ ꓦꓲꓻ ꓢꓳꓻ ꓦꓲꓻ ꓮ ꓟꓬ, ꓐꓬ ꓡꓰ ꓟ ꓪꓴ. ꓠꓬꓲ ꓤ ꓠꓱ ꓤ ꓐꓴ ꓕꓳ ꓶ ꓢꓳꓻ ꓠ, ꓟ ꓐꓰ ꓠꓻ ꓫꓬ ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

2022 ꓘꓳꓼ ꓕꓯ ꓴꓠ ꓗꓪ ꓐꓰ ꓐꓯ ꓔ ꓟ ꓠꓬ ꓤ ꓠꓱ ꓤ (600) ꓣꓳ ꓫꓵꓻ ꓡꓰ ꓢꓲ ꓠꓬꓲ (1350) ꓣꓳ ꓠꓬ ꓠꓻ ꓓꓴ ꓡꓰꓳ ꓐꓰ ꓐꓯ ꓔ ꓡꓳ꓿

 ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓟꓯꓼ ꓢꓰꓼ ꓡꓯ ꓘꓳ, ꓔꓬ ꓟ ꓪꓴ. ꓠꓬꓲ ꓫꓵꓻ ꓡꓰ ꓢꓴ ꓐꓴ ꓤ ꓠꓱ ꓤ ꓐꓴ ꓐꓰ ꓠꓻ ꓓꓴ ꓡꓰ ꓢꓴ ꓐꓴ ꓮ ꓙꓵꓽ ꓔꓯ ꓪꓽ ꓘꓴ ꓙ ꓔꓬ ꓟ ꓐꓰ ꓪꓽ ꓘꓴ ꓙ ꓔꓬ ꓟ ꓔꓯ ꓐꓯ ꓔ ꓡꓳ꓿ ꓟꓯꓼ ꓢꓰꓼ ꓡꓯꓽ ꓘꓳ ꓔꓬ ꓟ ꓪꓴ. ꓠꓬꓲ ꓫ. ꓔꓬ ꓟ ꓗꓴꓷꓼ ꓮ ꓟꓬ, ꓗꓪ ꓔꓬ ꓟ ꓑ ꓫꓬ ꓐꓴ ꓮ ꓙꓵꓽ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓔꓬ ꓟ ꓐꓰ ꓜ ꓓꓴ ꓓꓳ ꓓꓴ ꓬꓰ ꓙ ꓠ, ꓟ ꓐꓯ ꓔ ꓡꓳ ꓐꓰ (Vatican News) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿