ꓔꓲꓺ ꓒ ꓪ ꓔꓲ ꓡꓰ ꓟꓵꓽ ꓘꓳꓼ ꓚꓱꓹ ꓔꓯ ꓟꓳꓸ Laudato Si ꓠꓬꓲꓽ ꓕꓱ ꓔꓯ 10 ꓦ ꓟ 4 ꓠꓬꓲ ꓕꓯ ꓐꓯ ꓑꓶ ꓓꓴ ꓥ ꓟ꓾

ꓔꓲꓺ ꓒ ꓪ ꓔꓲ ꓡꓰ ꓟꓵꓽ ꓘꓳꓼ ꓚꓱꓹ ꓔꓯ ꓟꓳꓸ Laudato Si ꓠꓬꓲꓽ ꓕꓱ ꓔꓯ 10 ꓦ ꓟ 4 ꓠꓬꓲ ꓕꓯ ꓐꓯ ꓑꓶ ꓓꓴ ꓥ ꓟ꓾

ꓔꓲꓺ ꓒ ꓪ ꓔꓲ ꓠꓬ ꓟꓵꓽ ꓘꓳꓼ ꓐꓰ ꓦꓬꓼ ꓠꓬꓲ ꓚꓱꓹ ꓔꓯ ꓟꓳꓸ “Laudato Si” ꓠꓬꓲꓽ ꓕꓱ ꓔꓯ 10 ꓦ ꓟ 4 ꓠꓬꓲ St. Francis Assisi ꓑꓮꓲ ꓦꓬꓼ ꓠꓬꓲ ꓕꓯ ꓐꓯ ꓑꓶ ꓓꓴ ꓥꓳ ꓐꓰ ꓢꓷꓸ ꓪ ꓡꓳ=

ꓔꓲꓺ ꓒ ꓪ ꓔꓲ ꓠꓬ “ꓪꓴ-ꓢ ꓡꓰ ꓚꓰꓼ ꓔ ꓟ ꓮ ꓙꓵ ꓔꓯ ꓠꓬꓲ ꓙ ꓡꓳꓸ ꓙ ꓢꓲ꓾ ꓤ ꓟꓳ ꓠꓹ ꓟ ꓐꓱ ꓶ ꓟꓵꓽ ꓗꓳꓸ ꓓꓵ ꓓꓵ ꓪꓽ ꓘꓴ ꓟ ꓦꓬꓼ ꓠꓬꓲ” 9 ꓦ 1 ꓠꓬꓲ ꓗꓪ ꓐꓰ 10 ꓦ 4 ꓠꓬꓲ ꓗꓪ ꓛꓲ “ ꓔꓱ_ ꓟ ꓐꓰ ꓢꓲ ꓡꓲꓹ ꓗꓹ ꓛꓲ ꓓꓴ ꓡꓵꓽ ꓖꓶ ꓡꓯ꓾” ꓐꓰ ꓐꓯ_ ꓟ ꓬꓲꓸ ꓕꓲ ꓟꓴ ꓐꓰ ꓪꓽ ꓘꓴ ꓠꓹ ꓟ ꓥꓳ=

“ꓖꓳ ꓕꓲ ꓠꓬꓲ ꓕꓯ ꓟꓵꓽ ꓘꓳꓼ ꓐꓰ ꓦꓬꓼ ꓠꓬꓲ ꓚꓱꓹ ꓔꓯ ꓟꓳꓸ Laudato Si ꓠꓬꓲꓽ ꓕꓱ ꓔꓯ ꓐꓯ ꓑꓶ ꓓꓴ ꓥꓳ= ꓠꓲꓹ ꓠꓵ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓪꓴ-ꓢ ꓗꓪ ꓐꓰ ꓡꓯꓼ ꓫꓴꓺ ꓖꓶ ꓔ ꓟ ꓪꓴ-ꓢ ꓚꓰꓼ ꓔ ꓟ ꓮ ꓙꓵ ꓔꓯ ꓣꓳ ꓠꓵ ꓠꓲꓹ ꓗꓪ ꓐꓰ ꓣꓳ ꓡꓳꓸ ꓙ ꓠꓬꓲ ꓙ ꓤ ꓟꓳ ꓓꓴ ꓬꓰ ꓡꓯ” ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ=

ꓝꓮꓲ “ꓟꓵꓽ ꓘꓳꓼ ꓒꓳꓹ ꓡꓶꓸ ꓔ ꓟ ꓑꓶ ꓓꓴ ꓫꓸ ꓓꓴ ꓟꓷꓼ ꓓꓴ ꓔꓳꓹ ꓜꓳ ꓔꓬ ꓢꓴ ꓐꓰ ꓕꓲ ꓪꓼ ꓔꓬ ꓢꓲ꓾ ꓢꓰꓼ ꓡꓯꓼ ꓘꓳ ꓓꓴ ꓗꓷ ꓔꓬ ꓟ ꓗꓴꓷꓼ ꓫꓵ ꓪꓴ ꓥ ꓟꓲ ꓫꓬꓹ ꓡꓰ ꓠꓹ ꓟ ꓢꓲ ꓡꓲꓹ ꓠꓹ ꓟ ꓐꓱ ꓶ ꓢꓯꓼ ꓕꓵꓼ ꓠꓹ ꓟ ꓥꓳ= ꓪꓽ ꓘꓴ ꓟ ꓐꓰ ꓟꓬꓱꓽ ꓗꓪ ꓐꓰ ꓢꓯꓼ ꓕꓵꓼ ꓠꓹ ꓟ ꓮ ꓙꓵ ꓔꓯ ꓘꓴ_ ꓥꓳ꓾” ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ=