ꓔꓲꓺ ꓒ ꓪ ꓔꓲ ꓡꓰ ꓢꓯ. ꓬꓲꓼ ꓡ ꓟ ꓑꓮꓲꓽ ꓗꓪ ꓟꓬ‐ꓟ ꓗꓴꓷꓼ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓖꓶ ꓗꓷ ꓟ ꓓꓳꓽ (Church news)

#creditphoto #Easter Sunday #St. Peter #Pope Francis

ꓔꓲꓺ ꓒ ꓪ ꓔꓲ ꓡꓰ ꓢꓯ. ꓬꓲꓼ ꓡ ꓟ ꓑꓮꓲꓽ ꓗꓪ ꓟꓬ‐ꓟ ꓗꓴꓷꓼ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓖꓶ ꓗꓷ ꓟ ꓓꓳꓽ (Pope Francis at Easter Urbi et Orbi: Christ is risen! All begins anew!)

3 ꓦ ꓟ 31 ꓠ ꓬꓲ 2024 ꓘꓳꓼ ꓕꓯ ꓦꓮꓔꓲꓚꓮꓠ ꓗꓪ ꓬꓰ ꓟ ꓚꓬꓴ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓢꓯ. ꓬꓲꓼ ꓡ ꓟ ꓑꓮꓲꓽ ꓗꓪ ꓟꓲ ꓠꓯ ꓗꓪ ꓢꓰꓼ ꓡꓯꓽ ꓘꓳ ꓔꓬ ꓟ ꓔꓯ ꓠꓽ ꓗꓷ ꓠ, ꓟ ꓐꓰ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓐꓯ ꓐꓱ ꓶ ꓐꓯ ꓗꓷ ꓟ ꓙꓵ, ꓕꓯ ꓟꓬ‐ꓟ ꓗꓴꓷꓼ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓖꓶ ꓗꓷ ꓟ ꓟꓲ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓦꓮꓔꓲꓚꓮꓠ ꓗꓴꓷꓼ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓓꓽ ꓗꓪ ꓟꓵꓽ ꓘꓳ ꓓꓵ ꓓꓵ ꓗꓪ ꓐꓰ ꓛꓳ ꓡ ꓢꓴ ꓙꓙꓲ‐ꓢꓴ ꓢꓲꓺ ꓤ (6000) ꓣꓳ ꓕꓯ ꓝꓲ ꓜꓲꓼ ꓟ ꓙꓵ, ꓗꓪ ꓢꓯ. ꓬꓲꓼ ꓡ ꓟ ꓑꓮꓲꓽ ꓔꓯ ꓬꓰ ꓗꓷ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓖ‐ꓜ ꓟꓵꓽ ꓗꓪ ꓢꓰꓼ ꓡꓯꓽ ꓘꓳ, ꓔꓬ ꓟ ꓔꓯ ꓠꓽ ꓗꓷ ꓟ ꓔꓯ ꓓꓰꓽ ꓗꓷꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓮ ꓟꓶ ꓟ ꓙꓵ, ꓗꓪ ꓢꓰꓼ ꓡꓯꓽ ꓘꓳ, ꓔꓬ ꓟ ꓟꓵꓽ ꓥ ꓟꓲ  ꓴꓗꓣꓮꓲꓠꓰ꓾ ꓖ‐ꓜ꓾ ꓢꓴ‐ꓓ꓾ ꓟꓬ‐ꓟ꓾ ꓐꓰ ꓠꓱ. ꓐꓯꓼ ꓗꓴꓷꓼ ꓮ ꓟꓬ, ꓗꓴꓷꓼ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓫꓵꓽ ꓪꓴꓽ ꓔꓳ, ꓜꓳ ꓔꓬ ꓟ ꓔꓯ ꓠꓽ ꓗꓷ ꓠ, ꓟ ꓓꓰꓽ ꓔ ꓟ ꓥ ꓡꓳ꓿ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓑꓶ. ꓓꓴ ꓫ. ꓓꓴ ꓟꓷꓽ ꓓꓴ ꓔꓳ ꓜꓳ, ꓔꓬ ꓟ ꓢꓴ ꓑ ꓫꓬ ꓐꓴ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓟ ꓐꓰ ꓝꓮꓲ ꓚꓬꓴ ꓢꓲꓺ ꓒ ꓬꓰ‐ꓢꓴ ꓙꓲ‐ꓴ ꓢꓯ. ꓬꓲꓼ ꓡ ꓟ ꓗꓷ ꓪꓴ. ꓠꓬꓲ ꓣꓳ ꓮ ꓙꓵꓽ ꓐꓱ ꓶ ꓥꓳꓽ ꓡꓳ ꓓꓴ ꓙꓳˍ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓮ ꓟꓬ, ꓛꓲ ꓪꓽ ꓘꓴ ꓠ, ꓟ ꓐꓯ ꓔ ꓟ ꓐꓰ ꓟꓵꓽ ꓗꓳ ꓓꓵ ꓓꓵ ꓗꓪ ꓗꓴꓷꓼ ꓘꓴꓽ ꓗꓪ ꓫꓵꓽ ꓪꓴꓽ ꓔꓳ, ꓜꓳ ꓔꓬ ꓟ ꓗꓴꓷꓼ ꓐꓱ ꓶ ꓥ ꓟꓲ ꓢꓲ ꓡꓲ ꓟꓶ ꓠ, ꓟ ꓮ ꓘꓶ. ꓛꓲ ꓪꓽ ꓘꓴ ꓙ ꓠ, ꓟ ꓶꓻ ꓓꓰꓽ ꓔ ꓡꓳ ꓐꓰ (Vatican News) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿

Add new comment

3 + 1 =