ꓔꓲꓺ ꓒ ꓪ ꓔꓲ ꓶꓼ ꓓꓳ ꓫꓱꓸ ꓓꓳ ꓙꓰ ꓚꓳ ꓡ ꓟ ꓠꓬ ꓢꓲ ꓡꓲꓹ ꓗꓹ ꓛꓲ ꓟ ꓐꓰ ꓕꓲ ꓠꓲꓹ ꓕꓲ ꓪꓼ ꓗꓷ ꓡꓰ ꓠꓹ ꓟ ꓐꓱ ꓶ Kazakhstan ꓔꓲꓺ ꓒ ꓓꓽ ꓡꓰ ꓓꓵꓽ ꓙ ꓥꓳ ꓡꓳꓸ ꓔꓬ ꓟ ꓓꓳꓽ

ꓔꓲꓺ ꓒ ꓓꓽ Adelio Dell’Oro ꓡꓰ Kazakhstan ꓗꓴꓷꓼ ꓗꓪ ꓔꓲꓺ ꓒ ꓪ ꓔꓲ ꓶꓼ ꓓꓳ ꓫꓱꓸ ꓓꓳ ꓙꓰ ꓚꓳ ꓡ ꓟ ꓠꓬ Kazakhstan ꓗꓴꓷꓼ ꓐꓱ ꓶ ꓥꓳ ꓡꓳꓸ ꓢꓲ꓾ ꓕꓱ ꓟ ꓠꓬ ꓮ ꓙꓵ ꓐꓱ ꓶ ꓗꓹ ꓛꓲ ꓟ ꓶ ꓤ ꓫꓱꓸ ꓤ ꓥ ꓡꓳ ꓐꓰ ꓐꓯ_ ꓡꓳ=

  ꓔꓲꓺ ꓒ ꓪ ꓔꓲ ꓠꓬ 9 ꓦ 13 ꓠꓬꓲ ꓗꓪ ꓐꓰ 9 ꓦ 15 ꓠꓬꓲ ꓗꓪ ꓛꓲ ꓶ ꓓꓳ ꓫꓱꓸ ꓓꓳ ꓙꓰ ꓚꓳ ꓠꓹ ꓟ ꓥꓳ ꓐꓰ ꓦꓮꓔꓲꓚꓮꓠ ꓗꓪ ꓐꓰ ꓐꓯ ꓑꓶ ꓔ ꓟ ꓥꓳ= ꓕꓱ ꓙꓰ ꓚꓳ ꓠꓹ ꓟ ꓠꓬ Kazakhstan ꓗꓴꓷꓼ  Nu-Sultan ꓗꓪ ꓫꓵꓽ ꓧꓪꓹ ꓕꓲ ꓧꓪꓹ ꓬꓰ ꓠꓹ ꓟ ꓟꓵꓽ ꓗꓳꓸ ꓓꓵ ꓓꓵ ꓘꓴ ꓜꓲꓼ ꓞꓳ ꓪꓴꓸ ꓓꓵ ꓣꓱꓽ ꓢꓴ ꓐꓴ ꓐꓰ ꓘꓴ ꓜꓲꓼ ꓞꓳ ꓪꓴꓸ ꓓꓵ ꓣꓱꓽ ꓢꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓐ ꓠꓹ ꓟ ꓥ ꓡꓳ=

 ꓔꓲꓺ ꓒ ꓓꓽ ꓥ ꓟꓲ ꓥꓪ ꓠꓴ ꓠꓬ ꓔꓲꓺ ꓒ ꓪ ꓔꓲ ꓐꓰ ꓕꓲ ꓪꓼ ꓟꓲ ꓠꓯ ꓔꓯ ꓢꓲ ꓡꓲꓹ ꓗꓹ ꓛꓲ ꓟ ꓐꓰ ꓕꓲ ꓠꓲꓹ ꓕꓲ ꓪꓼ ꓗꓷ ꓡꓰ ꓠꓹ ꓟ ꓐꓱ ꓶ ꓖꓶ ꓐ ꓡ ꓠꓹ ꓟ ꓥꓳ ꓡꓳꓸ ꓓꓴ ꓐꓰ ꓔꓲꓺ ꓒ ꓪ ꓔꓲ ꓔꓯ ꓠꓲꓹ ꓡꓱ ꓡꓱ ꓐꓰ ꓓꓵꓽ ꓙ ꓥꓳ ꓡꓳ ꓔꓬ ꓟ ꓥꓳ ꓐꓰ ꓐꓯ_ ꓡꓳ=

Kazakhstan ꓗꓴꓷꓼ ꓠꓬ ꓞꓳ ꓫꓵꓽ 130 ꓛꓲ ꓐꓰ ꓘꓴ ꓜꓲꓼ ꓞꓳ ꓮ ꓟꓬꓹ ꓔꓬ ꓟ ꓗꓴꓷꓼ ꓥ ꓡꓳ ꓐꓰ ꓔꓲꓺ ꓒ ꓓꓽ ꓡꓰ ꓐꓯ_ ꓡꓳ=