Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓔꓲꓺ ꓒ ꓪ ꓔꓲ Francis ꓗꓪ ꓐꓰ ꓟꓬ-ꓟ ꓗꓴꓷꓼ ꓢꓲꓺ ꓡꓲꓺ ꓟ ꓐꓱ ꓶ ꓪꓽ ꓘꓴ ꓖꓶˍ ꓟ
ꓔꓲꓺ ꓒ ꓪ ꓔꓲ Francis ꓗꓪ ꓐꓰ ꓟꓬ-ꓟ ꓗꓴꓷꓼ ꓢꓲꓺ ꓡꓲꓺ ꓟ ꓐꓱ ꓶ ꓪꓽ ꓘꓴ ꓖꓶˍ ꓟMonday, May 17, 2021
ꓔꓲꓺ ꓒ ꓪ ꓔꓲ Francis ꓗꓪ ꓐꓰ ꓢꓲꓺ ꓒ ꓬꓰ-ꓢꓴ ꓟꓴꓽ ꓗꓪ ꓗꓪ ꓓꓯ ꓙꓰˍ ꓟ ꓑꓮꓲꓽ ꓦꓬꓼ ꓠꓬꓲ ꓥ ꓟ꓾ ꓥꓪꓽ ꓦ (16) ꓠꓬꓲ꓾ ꓟꓬ-ꓟ ꓫꓵꓽ ꓫꓵ ꓟꓳꓼ ꓡꓳ (2ꓽ30)ꓙꓵꓹ ꓕꓯ ꓟꓬ-ꓟ ꓗꓴꓷꓼ ꓐꓱ ꓶ ꓟꓲ-ꓢ ꓔꓲꓺ ꓖꓶ ꓪꓽ ꓘꓴ ꓙ ꓗꓷꓳ=
ꓟꓲ-ꓢ ꓔꓲꓺ ꓖꓶ ꓪꓽ ꓘꓴˍ ꓟ ꓘꓴꓽ ꓗꓪ ꓣꓳ-ꓟ ꓗꓪ ꓛꓲꓺ ꓬꓰ ꓟ ꓟꓬ-ꓟ ꓗꓴꓷꓼ ꓢꓴ ꓔꓲꓺ ꓒ꓾ ꓔꓲ ꓟ꓾ ꓐ-ꓣ-ꓓ ꓐꓴ ꓐꓰ ꓢꓲꓺ ꓤ ꓐꓴˍ ꓟꓲ ꓪꓽ ꓘꓴˍ ꓟ ꓗꓪ ꓔꓹ ꓗꓷꓳ=
ꓟꓬ-ꓟ ꓗꓴꓷꓼ ꓗꓪ ꓮ ꓟꓶ ꓒꓬꓱꓼ ꓔꓬ ꓟ ꓗꓴꓷꓼ ꓫꓵꓽ ꓪꓴꓽ ꓪꓴꓸ ꓠꓬꓲ ꓣꓳ-ꓟ ꓗꓪ ꓛꓲꓺ ꓬꓰ ꓟ ꓟꓬ-ꓟ ꓗ-ꓔꓳ-ꓡꓲꓗ ꓢꓲꓺ ꓤ ꓐꓴ ꓠꓬ ꓮ ꓟꓶ ꓟ ꓡꓰ ꓐꓰ ꓟꓲ-ꓢ ꓪꓽ ꓘꓴˍ ꓟ ꓗꓪ ꓔꓹ ꓪ ꓠꓹ ꓟ ꓐꓱ ꓶ꓾ ꓔꓲꓺ ꓒ ꓪ ꓔꓲ ꓔꓬ ꓗꓪ ꓓꓰꓽ ꓗꓷ ꓟ ꓥ ꓢꓲ꓾ ꓔꓲꓺ ꓒ ꓪ ꓔꓲ ꓠꓬ ꓮꓽ ꓟꓰꓻ ꓥꓪꓽ ꓦ (16) ꓠꓬꓲ ꓕꓯ ꓟꓬ-ꓟ ꓗꓴꓷꓼ ꓐꓱ ꓶ ꓪꓽ ꓘꓴ ꓖꓶꓽˍ ꓟ ꓟꓲ-ꓢ ꓪꓽ ꓘꓴˍ ꓟ ꓔꓯ ꓔꓲꓺ ꓖꓶ ꓗꓷ ꓟ ꓥꓳ=
ꓟꓲ-ꓢ ꓪꓽ ꓘꓴˍ ꓟ ꓗꓪ ꓔꓲꓺ ꓒ ꓪ ꓔꓲ ꓗꓪ ꓐꓰ꓾ ꓮ ꓟꓶ ꓟꓬ-ꓟ ꓗꓴꓷꓼ ꓗꓪ ꓟꓽ ꓓ ꓟꓽ ꓞꓽ ꓙꓵꓽ ꓪꓽ ꓦꓴꓻˍ ꓟ꓾ ꓠꓬꓲꓸ ꓤꓲˍ ꓟ꓾ ꓞꓳ ꓤ ꓢꓰꓼˍ ꓟ ꓘꓴꓽ ꓗꓪ ꓙꓵꓻ ꓠꓲꓹ ꓕꓶ ꓞꓹ ꓠꓹ ꓟ꓾ ꓥꓳ ꓡꓳꓸ ꓓꓴ ꓟꓽ ꓒꓲꓼ ꓬꓰ ꓠꓹ ꓟ꓾ ꓪꓽ ꓡꓯ ꓘꓳꓹ ꓟ ꓗꓪ ꓕꓶ ꓞꓹ ꓠꓹ ꓟ ꓢꓯꓼ ꓖꓶ ꓗꓷꓳ=
ꓪꓽ ꓡꓯꓽ ꓘꓳꓹ ꓟ ꓔꓯ ꓐꓬ ꓡꓰ ꓠ ꓬꓰ ꓔꓬ ꓟ ꓪꓴꓽ ꓓꓰˍ ꓟ ꓙꓳꓺ ꓗꓽ ꓓꓴ ꓘꓴꓽ ꓗꓪ ꓕꓲ ꓦꓲꓻ ꓡ ꓞꓳˍ ꓡꓰ ꓐꓰ ꓠꓲꓹ ꓠꓵ ꓠꓹ ꓟ꓾ ꓪꓽ ꓡꓯꓽ ꓘꓳꓹ ꓟ ꓐꓰ ꓔꓱꓹ ꓚꓵˍ ꓟ ꓐꓱ ꓶ ꓕꓲ ꓠꓲꓹ ꓕꓲ ꓪ ꓦꓰꓼ ꓔꓴ ꓠꓹ ꓟˍ ꓟꓲ ꓕꓵꓼ ꓪ ꓖꓶ ꓗꓷꓳ=
ꓖꓳ ꓟ ꓡꓰꓽ ꓟꓽ ꓞꓲ ꓟꓽ ꓔꓱꓹ ꓚꓵˍ ꓟ꓾ ꓥꓶˍ ꓟ ꓗꓪ ꓐꓰ ꓟꓽ ꓪꓳꓹ ꓟꓽ ꓔꓬ ꓠꓹ ꓟ꓾ ꓟꓶꓽ ꓠꓷꓹ ꓚꓵꓸ ꓔ ꓢꓲ ꓟꓽ ꓔꓬ ꓠꓹ ꓟ ꓐꓱ ꓶ ꓢꓲꓺ ꓡꓲꓺ ꓟ ꓐꓰ ꓶꓼ ꓓꓳ ꓫꓱ ꓓꓳ ꓟꓬꓱꓽ ꓗꓪ ꓚꓲ ꓛꓬ ꓤꓶꓻ ꓔꓯ ꓡꓯꓼ ꓙꓱꓻ ꓠꓹ ꓟ꓾ ꓪꓽ ꓘꓴˍ ꓟ ꓟꓬꓱꓽ ꓗꓪ ꓮ ꓕꓯˍ ꓟꓲ ꓢꓯꓼ ꓕꓵꓼ ꓠꓹ ꓟˍ ꓟꓲ꓾ ꓐꓯ ꓖꓶ ꓗꓷꓳ=
ꓢꓲꓺ ꓒ ꓬꓰ-ꓢꓴ ꓠꓬ ꓣꓳ ꓐꓴ ꓐꓱ ꓶ ꓙꓳꓺ ꓓꓴ ꓘꓴꓽ ꓗꓪ꓾ ꓠꓲꓹ ꓟ ꓙꓬꓻ ꓡꓰ ꓓꓴ ꓘꓴꓽ ꓗꓪ ꓪꓴ-ꓢ ꓔꓬ ꓗꓪ ꓮ ꓕꓯˍ ꓟꓲ ꓪꓽ ꓘꓴ ꓙ ꓖꓶ ꓔꓬ ꓟ ꓔꓯ ꓶꓼ ꓓꓳ ꓫꓱꓹ ꓓꓳ ꓚˍ ꓟ ꓗꓪ꓾ ꓐꓯ ꓗꓷꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment