ꓔꓲꓺ ꓒ ꓪ ꓔꓲ Francis ꓠꓬ ꓡ ꓠ, ꓟ 5 ꓦ ꓟ 15 ꓠꓬꓲ ꓕꓯ ꓙꓲꓻ ꓫꓬ ꓢꓴ (10) ꓣꓳ ꓢꓲꓻ ꓠ, ꓟ ꓬꓰ ꓔꓬ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis ꓠꓬ ꓡ ꓠ, ꓟ 5 ꓦ ꓟ 15 ꓠꓬꓲ ꓕꓯ ꓙꓲꓻ ꓫꓬ ꓢꓴ  (10) ꓣꓳ ꓢꓲꓻ ꓠ, ꓟ ꓬꓰ ꓔꓬ ꓟ ꓓꓳꓽ

ꓡ ꓠ, ꓟ 5 ꓦ ꓟ 15 ꓠꓬꓲ  2022 ꓘꓳꓼ ꓕꓯ ꓔꓲ ꓺ ꓒ ꓪ ꓔꓲ Francis ꓠꓬ ꓙꓲꓻ ꓫꓬ ꓢꓴ (10) ꓣꓳ ꓔꓯ ꓢꓲꓻ ꓠ, ꓟ ꓬꓰ ꓗꓷ ꓐꓰ ꓢꓷ. ꓪ ꓡꓳ꓿ ꓙꓲꓻ ꓫꓬ ꓢꓴ ꓡ ꓞꓳ ꓢꓲꓻ ꓟ ꓑꓮꓲ ꓔꓯ 2019 ꓘꓳꓼ ꓕꓯ ꓬꓲ. ꓟꓶꓽ ꓬꓰ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓡ ꓠ, ꓟ 5 ꓦ ꓟ 15 ꓠꓬꓲ 2022 ꓘꓳꓼ ꓕꓯ ꓣꓳ‐ꓟ ꓡꓳ ꓒꓱ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓓꓽ ꓟ ꓗꓪ ꓙꓲꓻ ꓫꓬ ꓢꓴ ꓢꓲꓻ ꓟ ꓑꓮꓲ ꓔꓯ ꓮ ꓟꓬ, ꓛꓲ ꓪꓴꓽ ꓟ ꓑꓮꓲ ꓔꓯ ꓬꓰ ꓓꓴ ꓙ ꓖꓶ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓐꓯ ꓖꓶ ꓟ ꓫ. ꓕꓱ ꓘꓶꓽ ꓠꓬ ꓙꓲꓻ ꓫꓬ ꓢꓴ ꓬꓲ. ꓫꓵꓼ ꓐꓴ ꓐꓱ ꓶ ꓪꓴ‐ꓢ ꓔꓯ ꓫ. ꓟꓳ ꓡꓳ꓿ ꓙꓲꓻ ꓫꓬ ꓢꓴ ꓐꓴ ꓠꓬ ꓟꓲ ꓠꓯ ꓗꓪ ꓞꓳ ꓙꓳ ꓢꓯ. ꓔꓬ ꓕꓯ ꓪꓴ‐ꓢ ꓔꓯ ꓠꓲ, ꓠꓵ ꓢꓲ ꓠꓬꓲ ꓙꓵ., ꓠꓲ, ꓚꓱ, ꓗꓪ ꓢꓯꓼ ꓕꓵꓼ ꓢꓴ ꓐꓴ ꓥ ꓡꓳ꓿ ꓙꓲꓻ ꓢꓴ ꓐꓴ ꓠꓬ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓵ, ꓗꓪ ꓪꓴ‐ꓢ ꓟꓬꓱꓽ ꓬꓰ ꓢꓴ ꓐꓴ ꓥ ꓡꓳ꓿ ꓬꓲ ꓪ ꓠꓬ ꓫ. ꓓꓴ ꓟꓷꓽ ꓓꓴ ꓮ ꓟꓬ, ꓔꓳ, ꓜꓳ ꓥ ꓟꓲ ꓪꓴ‐ꓢ ꓟꓬꓱꓽ ꓔꓯ ꓢꓯꓼ ꓕꓵꓼ ꓢꓴ ꓐꓴ ꓥ ꓡꓳ꓿ ꓙꓲꓻ ꓫꓬ ꓢꓴ (10) ꓐꓴ ꓠꓬ ꓫ. ꓢꓴ ꓟꓶꓽ ꓢꓴ ꓔꓬ ꓟꓵꓽ ꓗꓪ ꓪꓴ‐ꓢ ꓟꓬꓱꓽ ꓬꓰ ꓢꓴ ꓔꓲꓺ ꓒ ꓐꓴ ꓐꓰ India ꓗꓴꓷꓼ ꓗꓪ ꓐꓰ ꓙꓲ‐ꓢꓴ ꓢꓲ ꓤꓼ꓾ ꓠ‐ꓜꓲ ꓟꓯꓼ ꓐꓴ ꓡꓰ ꓢꓰꓼ ꓗꓷ ꓢꓴ Camelite ꓔꓲꓺ ꓒ ꓜꓴꓻ ꓗꓪ ꓔꓲꓺ ꓒ Tito Bradsma ꓐꓴ ꓥ ꓡꓳ ꓐꓰ ꓣꓦꓮ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿