ꓔꓲꓺ ꓒ ꓪ ꓔꓲ Francis ꓠꓬ ꓢꓲ ꓡꓲ ꓟ ꓟꓶ ꓠ, ꓟ ꓐꓱ ꓶ Congo ꓗꓴꓷꓼ ꓐꓰ ꓖꓴ ꓟꓶ. Sudan ꓗꓴꓷꓼ ꓗꓪ ꓙꓰ ꓠ, ꓟ ꓙꓽ ꓖꓶ ꓔꓬ ꓟ

ꓔꓲꓺ ꓒ ꓪ ꓔꓲ Francis ꓠꓬ ꓢꓲ ꓡꓲ ꓟ ꓟꓶ ꓠ, ꓟ ꓐꓱ ꓶ Congo ꓗꓴꓷꓼ ꓐꓰ ꓖꓴ ꓟꓶ. Sudan ꓗꓴꓷꓼ ꓗꓪ ꓙꓰ ꓠ, ꓟ ꓙꓽ ꓖꓶ ꓔꓬ ꓟ

1 ꓦ ꓟ 31 ꓠꓬꓲ 2023 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓗꓴꓷꓼ ꓠꓬꓲꓽ ꓗꓴꓷꓼ ꓢꓲ ꓡꓲ ꓟ ꓟꓶ ꓠ, ꓟ ꓐꓱ ꓶ Congo ꓗꓴꓷꓼ ꓐꓰ ꓖꓴ ꓟꓶ. Sudan ꓗꓴꓷꓼ ꓗꓪ ꓙꓰ ꓠ, ꓟ ꓙꓽ ꓖꓶ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ 1 ꓦ 31 ꓠꓬꓲ ꓗꓪ ꓐꓰ 2 ꓦ ꓟ 5 ꓠꓬꓲ ꓗꓪ ꓛꓲ 6 ꓠꓬꓲ ꓟꓶ ꓫꓵꓺ ꓠ, ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓬ ꓗꓪ ꓙꓰ ꓠ, ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓮꓝꓣꓲꓚꓮꓠ ꓗꓴꓷꓼ ꓗꓪ ꓙꓰˍ ꓟ ꓬꓲ. ꓔꓶ ꓙꓱꓼ ꓠꓬ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓐꓱ ꓶ ꓪꓽ ꓘꓴˍ ꓟ ꓐꓰ ꓟꓬꓱꓺ ꓔ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ Congo ꓗꓴꓷꓼ ꓙꓵꓽ ꓢꓲꓽ ꓒꓽ ꓐꓰ ꓖꓴ ꓟꓶ. Sudan ꓙꓵꓽ ꓢꓲꓽ ꓒꓽ ꓐꓴ ꓐꓰ ꓟꓳꓻ ꓡꓯ ꓘꓳ ꓠ, ꓟ ꓙꓳˍ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓗꓴꓷꓼ ꓠꓬꓲꓽ ꓗꓴꓷꓼ ꓢꓰꓼ ꓡꓯ ꓘꓳ ꓓꓴ ꓓꓶꓽ ꓡꓯ ꓘꓳ ꓓꓴ ꓮ ꓟꓬ, ꓙꓳˍ ꓟ ꓔꓯ ꓠꓽ ꓡꓰ ꓝꓲ ꓠ, ꓟ ꓖꓪ ꓙꓱꓻ ꓖꓶ ꓠ, ꓟ ꓙꓰˍ ꓟ ꓟꓲ ꓥ ꓡꓳ꓿

ꓝꓮꓲ ꓮꓝꓣꓲꓚꓮꓠ ꓗꓴꓷꓼ ꓮ ꓟꓬ, ꓗꓪ ꓝꓴꓲ. ꓟꓽ ꓙꓳ ꓟ ꓑ ꓫꓬ ꓐꓴ ꓔꓯ ꓢꓰꓼ ꓗꓷ ꓟ ꓔꓯ ꓠꓽ ꓡꓰ ꓝꓲ ꓠ, ꓟ ꓐꓰ ꓓꓶꓽ ꓡꓯ ꓘꓳ ꓓꓴ ꓮ ꓟꓬ, ꓔꓯ ꓠꓽ ꓡꓰ ꓝꓲ ꓠ, ꓟ ꓔꓲꓺ ꓒ ꓪ ꓔꓲ ꓠꓬ ꓢꓯꓼ ꓕꓵꓼ ꓢꓲ ꓠꓬꓲ ꓟꓬꓱꓽ ꓬꓰ ꓓꓴ ꓥꓳ ꓐꓰ ꓐꓯ ꓔ ꓡꓳ꓿

Congo ꓗꓴꓷꓼ ꓐꓰ ꓖꓴ ꓟꓶ. Sudan ꓗꓴꓷꓼ ꓗꓪ ꓔꓲꓺ ꓒ ꓪ ꓔꓲ ꓒꓳ‐ꓡꓳ (2) ꓥ ꓟꓲ ꓙꓰ ꓗꓷ ꓟ ꓥ ꓡꓳ꓿ Congo ꓗꓴꓷꓼ ꓠꓬ ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓔꓬ ꓟ ꓗꓴꓷꓼ ꓕꓲ ꓗꓴꓷꓼ ꓟꓲ ꓥ ꓡꓳ꓿ 

Congo ꓗꓴꓷꓼ ꓐꓰ ꓖꓴ ꓟꓶ. Sudan ꓗꓴꓷꓼ ꓗꓪ ꓗ‐ꓕꓳ‐ꓡꓲ ꓢꓲꓺ ꓤ ꓐꓴ ꓮ ꓟꓬ, ꓔꓬ ꓟ ꓗꓴꓷꓼ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓗꓴꓷꓼ ꓘꓴꓽ ꓗꓪ ꓟꓲ ꓠꓯ ꓢꓷ. ꓠꓲ, ꓚꓱ, ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ, ꓮ ꓟꓬ, ꓫꓵꓽ ꓔꓯ ꓬꓰ ꓙ ꓠ, ꓟ ꓙꓳˍ ꓡꓳ ꓐꓰ ꓣꓦꓮ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿