ꓔꓲꓺ ꓒ ꓪ ꓔꓲ Francis ꓠꓬ ꓣ‐ꓫ ꓗꓴꓷꓼ ꓔꓯ Ukraine ꓗꓴꓷꓼ ꓗꓪ ꓜ ꓓꓴ ꓜ ꓒꓴ ꓪꓴꓽ ꓖꓶ ꓟ ꓚꓱ, ꓗꓪ ꓟꓽ ꓖꓽ ꓠ, ꓟ ꓐꓯ ꓟ

Ukraine-Russia grain crisis (AFP or licensors) #creditphoto to owner
Monday, July 31, 2023

ꓔꓲꓺ ꓒ ꓪ ꓔꓲ Francis ꓠꓬ ꓣ‐ꓫ ꓗꓴꓷꓼ ꓔꓯ Ukraine ꓗꓴꓷꓼ ꓗꓪ ꓜ ꓓꓴ ꓜ ꓒꓴ ꓪꓴꓽ ꓖꓶ ꓟ ꓚꓱ, ꓗꓪ ꓟꓽ ꓖꓽ  ꓠ, ꓟ ꓐꓯ ꓟ

7 ꓦ ꓟ 30 ꓠꓬꓲ 2023 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓠꓬ ꓮ‐ꓫ ꓟꓵꓽ ꓐꓰ Ukraine ꓗꓴꓷꓼ ꓗꓪ ꓜ ꓓꓴ ꓜ ꓒꓴ ꓪꓴꓽ ꓟ ꓙꓰ ꓖꓴ ꓗꓪ ꓟꓽ ꓘꓶꓻ ꓡꓶꓽ ꓠ, ꓟ  ꓣ‐ꓫ ꓗꓴꓷꓼ ꓔꓯ ꓐꓯ ꓘꓶ ꓟ ꓥ ꓡꓳ꓿ ꓝꓮꓲ ꓫ. ꓔꓬ ꓢꓴ ꓑ ꓫꓬ ꓐꓴ ꓔꓯ ꓜ ꓓꓴ ꓜ ꓫꓵꓽ ꓓꓳꓻ ꓫꓵꓽ ꓪꓴꓽ ꓟ ꓙ ꓖꓴ ꓗꓪ ꓫꓵꓽ ꓪꓴꓽ ꓟꓽ ꓖꓶ ꓠ, ꓟ ꓣ‐ꓫ ꓗꓴꓷꓼ ꓔꓯ ꓓꓰꓽ ꓗꓷꓳ ꓐꓰ ꓐꓯ ꓔ ꓡꓳ꓿

ꓣ‐ꓫ ꓗꓴꓷꓼ ꓗꓪ ꓠꓬ  7 ꓦ ꓟ 17 ꓠꓬꓲ ꓕꓯ ꓟꓯꓼ ꓢꓰꓼ ꓡꓯ ꓘꓳ, ꓟ ꓙꓵ. ꓔꓯ Ukraine ꓗꓴꓷꓼ ꓐꓰ ꓪꓽ ꓡꓯ ꓘꓳ ꓗꓷ ꓟ ꓜ ꓒꓴ ꓪꓴꓽ ꓖꓶ ꓢꓴ ꓐꓴ ꓔꓯ ꓫꓵꓽ ꓪꓴꓽ ꓟꓽ ꓖꓶ ꓟ ꓐꓯ ꓘꓶꓽ ꓔꓯ ꓟꓽ ꓞꓳ ꓐꓰ ꓐꓯ ꓔ  ꓟ ꓥ ꓡꓳ꓿ ꓕꓱ ꓡꓰ ꓐꓰ ꓣ‐ꓫ ꓗꓴꓷꓼ ꓠꓬ Ukraine ꓡꓳ ꓒꓱ ꓓꓽ ꓮ ꓟꓬ, ꓔꓯ ꓟꓯꓼ ꓢꓰꓼ ꓟ ꓪꓴ. ꓠꓬꓲ ꓪꓽ ꓡꓯ ꓘꓳ ꓟ ꓚꓱ, ꓐꓬ ꓡꓰ ꓟ ꓥ ꓡꓳ꓿

ꓣ‐ꓫ ꓡꓰ ꓟꓯꓼ ꓢꓰꓼ ꓗꓷ ꓟ ꓪꓴ. ꓠꓬꓲ ꓴꓗꓣꓮꓲꓠꓰ ꓗꓴꓷꓼ  ꓗꓪ ꓜ  ꓓꓴ ꓓꓳꓻ ꓓꓴ ꓮ ꓟꓬ, ꓫ. ꓡꓰ ꓟ  ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓠꓬ ꓜ ꓓꓴ ꓜ ꓒꓴ ꓪꓴꓽ ꓟ ꓙꓽ ꓖꓴ ꓔꓯ ꓫꓵꓽ ꓪꓴꓽ ꓟꓽ ꓖꓶ ꓠ, ꓟ ꓣ‐ꓫ ꓗꓴꓷꓼ ꓔꓯ ꓮ ꓟꓬ, ꓧꓪ, ꓓꓰꓽ ꓗꓷ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓣ‐ꓫ ꓗꓴꓷꓼ ꓐꓰ ꓴꓗꓣꓮꓲꓠꓰ ꓢꓲ ꓡꓰ ꓟꓶ ꓠ, ꓟ ꓢꓲꓽ ꓒ ꓦꓬꓼ ꓠꓬ ꓕꓯ ꓪꓽ ꓘꓴ ꓙ ꓖꓶ ꓗꓷꓳ ꓐꓰ (Catholic News Agency) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿                                                                                                                                                                                                                

Add new comment

11 + 0 =

Quick Links