ꓔꓲꓺ ꓒ ꓪ ꓔꓲ Francis ꓠꓬ ꓣꓳ-ꓟ ꓡꓳ ꓒꓱ ꓗꓪ ꓟ ꓫꓸ ꓢꓴ ꓟꓶ ꓢꓴ ꓐꓴ ꓔꓯ ꓠꓽ-ꓦꓬꓼ-ꓠꓬꓲ ꓟꓲ-ꓢ ꓪꓽ ꓘꓴˍ ꓟ ꓗꓪ ꓘꓴ ꓜꓲꓼˍ ꓟ

ꓔꓲꓺ ꓒ ꓪ ꓔꓲ Francis ꓠꓬ ꓣꓳ-ꓟ ꓡꓳ ꓒꓱ ꓗꓪ ꓟ ꓫꓸ ꓢꓴ ꓟꓶ ꓢꓴ ꓐꓴ ꓔꓯ ꓠꓽ-ꓦꓬꓼ-ꓠꓬꓲ ꓟꓲ-ꓢ ꓪꓽ ꓘꓴˍ ꓟ ꓗꓪ ꓘꓴ ꓜꓲꓼˍ ꓟ

ꓔꓲꓺ ꓒ ꓪ ꓔꓲ ꓠꓬ St. Peter Basilica ꓪꓽ ꓘꓴ ꓦꓲ ꓓꓽ ꓟ ꓘꓴꓽ ꓗꓪ ꓾ ꓣꓳ-ꓟ ꓡꓳ ꓒꓱ ꓗꓪ ꓟ ꓫꓸ ꓢꓴ ꓟꓶ ꓢꓴ ꓐꓴ ꓐꓰ ꓕꓲ ꓪꓺꓽ ꓠꓽ-ꓦꓬꓼ-ꓠꓬꓲ ꓗꓪ ꓟꓲ-ꓢ ꓪꓽ ꓘꓴ ꓔꓲꓺ ꓖꓶ ꓗꓷꓳ=

ꓖꓳ ꓡꓱ ꓘꓴ ꓜꓲꓼ ꓢꓲ ꓟꓲ-ꓢ ꓔꓲꓺ ꓖꓶˍ ꓟ ꓠꓬ ꓾ “ꓟꓵꓽ ꓗꓳꓹ ꓓꓵꓺ ꓓꓵꓺ ꓫꓸ ꓙꓵ ꓟꓶ ꓙꓵ ꓢꓴ ꓐꓴ ꓦꓬꓼ ꓠꓬꓲ” ꓑꓮꓲꓽ ꓔꓯ ꓓꓵꓽ ꓙ ꓟꓶ ꓢꓲ ꓬꓰˍ ꓟ ꓥ ꓡꓳ= ꓕꓱ ꓡꓰ ꓓꓵꓽ ꓙ ꓔ ꓟ ꓠꓬ “ ꓫꓱꓸ ꓤˍ ꓟ ꓙꓴ-ꓐ-ꓡꓲ ꓘꓳꓼ” ꓗꓪ ꓪꓴꓸ ꓔꓴ ꓬꓰ ꓗꓷ ꓟ ꓥ ꓢꓲ꓾ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓬꓰ ꓔꓬ ꓟ ꓥ ꓢꓲ꓾ ꓖꓳ ꓗꓪ ꓔꓬ ꓖꓴ ꓦꓲ ꓟꓽ ꓙꓳ ꓟ ꓢꓴ 4000 ꓛꓲ ꓐ ꓗꓷ ꓟ ꓥꓳ=

ꓮ ꓟꓶ ꓕꓲ ꓘꓳꓼ ꓗꓪ ꓑꓮꓲꓽ ꓬꓰ ꓩꓴ ꓡˍ ꓟ 4 ꓘꓳꓼ ꓛꓲꓺ ꓡ ꓗꓷꓳ= ꓕꓱ ꓡꓱ ꓑꓮꓲꓽ ꓬꓰ ꓖꓶˍ ꓟ ꓗꓪ ꓐꓰ ꓫꓸ ꓢꓴ ꓐꓴ ꓔꓯ ꓬꓰ ꓙˍ ꓟ ꓗꓪ ꓐꓰ꓾ ꓙꓲˍ ꓟ ꓙꓲ-ꓢꓴ ꓢꓲ ꓤ ꓐꓴ ꓥ ꓟ ꓔꓯ ꓢꓷꓸ ꓙ ꓟꓳ ꓙ ꓗꓴꓸ ꓡ ꓠꓹ ꓟ ꓥ ꓡꓳ= ꓗꓳꓸ ꓗꓷ ꓟ ꓦꓬꓼ ꓠꓬꓲ ꓗꓪ ꓠꓬ ꓟꓲ-ꓢ ꓪꓽ ꓘꓴ ꓠꓽ ꓗꓷˍ ꓕꓯ ꓟꓳꓼ ꓡꓳ ꓜ ꓜꓽˍ ꓟ ꓬꓰˍ ꓡꓳ= ꓕꓲ ꓘꓳꓼ ꓗꓪ ꓔꓲ ꓒ ꓪ ꓔꓲ ꓠꓬ ꓾ ꓑꓮꓲꓽ ꓦꓬꓼ ꓠꓬꓲ ꓗꓪ ꓫꓸ ꓢꓴ ꓐꓴ ꓔꓯ ꓘꓴ ꓜꓲꓼ ꓢꓲ Pizza ꓜꓽ ꓠꓬꓲ ꓗꓷꓳ=

ꓝꓮꓲꓸ ꓕꓲ ꓘꓳꓼ ꓗꓪ ꓠꓬ ꓣꓳ-ꓟ ꓗꓪ ꓟ Hilton Hotel ꓗꓪ ꓡ ꓞꓳ 1000 ꓐꓱ ꓶ ꓜꓽ ꓓꓴ ꓓꓳ ꓓꓴ ꓫꓬꓹ ꓖꓶ ꓗꓷꓳ= ꓖꓳ ꓡꓱ ꓥˍ ꓟꓲ ꓮ ꓟꓶ ꓕꓲ ꓘꓳꓼ ꓗꓪ ꓠꓬ covid ꓠ ꓑꓶꓸ ꓓꓴ ꓾ ꓑꓮꓲꓽ ꓗꓪ ꓬꓰˍ ꓟ ꓜ ꓙꓵꓽ ꓠꓽ ꓗꓷ ꓪ ꓡꓰꓳ=

ꓖꓳ ꓡꓱ ꓥˍ ꓟꓲ ꓔꓲꓺ ꓑ ꓪ ꓔꓲ ꓠꓬ꓾ ꓞꓳ ꓫꓸ ꓐꓴ ꓔꓯ ꓬꓲꓸ ꓒꓵꓽ ꓟꓽ ꓣꓴ ꓣꓴ ꓐꓰ covid ꓠ ꓙꓳ ꓟꓽ ꓙꓳ ꓡꓳꓸ ꓠꓬꓲ ꓖꓶꓽ ꓗꓷꓳ=

ꓖꓳ ꓡꓱ ꓬꓰ ꓖꓶˍ ꓟ ꓗꓪ ꓐꓰ ꓬꓲ ꓪ ꓐꓴ ꓔꓯ ꓠ ꓟꓽ ꓙꓳ ꓟ ꓢꓷꓸ ꓡꓰ ꓝꓲ ꓢꓲ꓾ ꓠꓲꓹ ꓟ ꓢꓲꓺ ꓡꓲꓺ ꓡꓰ ꓝꓲ ꓠꓹ ꓟ ꓐꓱ ꓶ ꓥ ꓡꓳ=

https://bit.ly/3ltQ14y

Add new comment

1 + 1 =