ꓔꓲꓺ ꓒ ꓪ ꓔꓲ Francis ꓠꓬ ꓲꓠ‐ꓓꓴ‐ꓠꓲ,‐ꓫ ꓗꓴꓷꓼ ꓙ‐ꓦ ꓟꓵꓽ ꓗꓪ ꓟꓵꓽ ꓙꓴꓽ ꓚꓵ, ꓗꓷ ꓟ ꓪꓴ. ꓠꓬꓲ ꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙˍ ꓟ ꓓꓳꓽ

#creditphoto #The Parish Priest leads the Response Coordination at the Human Services Post, St. Peter's Parish, Cianjur (Photo credit Caritas Indonesia)

ꓔꓲꓺ ꓒ ꓪ ꓔꓲ Francis ꓠꓬ ꓲꓠ‐ꓓꓴ‐ꓠꓲ,‐ꓫ ꓗꓴꓷꓼ ꓙ‐ꓦ ꓟꓵꓽ ꓗꓪ ꓟꓵꓽ ꓙꓴꓽ ꓚꓵ, ꓗꓷ ꓟ ꓪꓴ. ꓠꓬꓲ ꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙˍ ꓟ ꓓꓳꓽ

11 ꓦ 23 ꓠꓬꓲ 2022 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓲꓠ‐ꓓꓴ‐ꓠꓲ,‐ꓫ ꓗꓴꓷꓼ ꓙ‐ꓦ ꓟꓵꓽ ꓗꓪ ꓟꓵꓽ ꓙꓴꓽ ꓚꓵ, ꓗꓷ ꓟ ꓪꓴ. ꓠꓬꓲ ꓫꓵꓻ ꓡꓰ ꓢꓴ ꓐꓴ ꓐꓱ ꓶ ꓐꓰ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓪꓽ ꓘꓴ ꓙ ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿

ꓲꓠ‐ꓓꓴ‐ꓠꓲ,‐ꓫ ꓗꓴꓷꓼ ꓙ‐ꓦ ꓟꓵꓽ ꓗꓪ ꓟꓵꓽ ꓙꓴꓽ ꓚꓵ, ꓗꓷ ꓟ ꓪꓴ. ꓠꓬꓲ ꓑ ꓫꓬ (271) ꓫꓵꓻ ꓡꓰ ꓢꓲ ꓠꓬꓲ (243) ꓣꓳ ꓠꓻ ꓓꓴ ꓡꓰ ꓢꓲ ꓠꓬꓲ (40) ꓧꓪ ꓟꓽ ꓟꓳꓻ ꓢꓰꓽ ꓐꓰ ꓐꓯ ꓔ ꓡꓳ꓿

ꓫꓵꓻ ꓢꓴ ꓮ ꓟꓬ, ꓠꓬ ꓦꓲꓻ ꓘꓴꓽ ꓗꓪ ꓔꓬ ꓟ ꓙꓵ, ꓕꓯ ꓟꓵꓽ ꓙꓴꓽ ꓚꓵ, ꓡ ꓟ ꓪꓴ. ꓠꓬꓲ ꓫꓵꓻ ꓡꓰ ꓟ ꓥ ꓡꓳ꓿ ꓝꓮꓲ ꓟꓵꓽ ꓙꓴꓽ ꓚꓵ, ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰ ꓟ ꓥ ꓡꓳ꓿

ꓟꓵꓽ ꓙꓴꓽ ꓚꓵ, ꓢꓯꓼ ꓠꓬ 6 ꓙꓳˍ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓟꓵꓽ ꓙꓴꓽ ꓚꓵ, ꓗꓷ ꓟ ꓡꓳ ꓒꓱ ꓗꓪ ꓑ ꓫꓬ ꓮ ꓟꓬ, ꓔꓬ ꓟ ꓡꓳ ꓒꓱ ꓕꓲ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓲꓠ‐ꓓꓴ‐ꓠꓲ,‐ꓫ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓥ ꓟꓲ ꓟꓵꓽ ꓙꓴꓽ ꓚꓵ, ꓗꓷ ꓟ ꓪꓴ. ꓠꓬꓲ ꓠꓻ ꓓꓴ ꓡꓰ ꓢꓴ ꓐꓴ ꓔꓯ ꓬꓰ ꓙ ꓔ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓲꓠ‐ꓓꓴ‐ꓠꓲ,‐ꓫ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓡꓰ ꓫ. ꓔꓬ ꓢꓴ ꓐꓴ ꓔꓯ ꓜꓽ ꓓꓴ ꓓꓳ ꓓꓴ ꓣꓱꓽ ꓞ, ꓔꓬ ꓟ ꓮ ꓟꓬ, ꓫꓵꓽ ꓔꓯ ꓬꓰ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

Add new comment

1 + 0 =