ꓔꓲꓺ ꓒ ꓪ ꓔꓲ Francis ꓠꓬ Serbia ꓗꓴꓷꓼ ꓗꓪ ꓡꓽ ꓛꓴ. ꓐꓶ ꓗꓷ ꓟ ꓫꓵꓻ ꓡꓰ ꓢꓴ ꓐꓴ ꓐꓱ ꓶ ꓠꓲ, ꓟ ꓫ. ꓢꓲ ꓠꓬꓲ ꓪꓽ ꓘꓴ ꓙ ꓔꓬ ꓡꓳ ꓐꓰ ꓐꓯ ꓟ ꓓꓳꓽ 1‐‐‐

#creditphoto #Aftermath of school mass shooting in Belgrade

Monday, May 08, 2023

ꓔꓲꓺ ꓒ ꓪ ꓔꓲ Francis ꓠꓬ Serbia ꓗꓴꓷꓼ ꓗꓪ ꓡꓽ ꓛꓴ. ꓐꓶ ꓗꓷ ꓟ ꓫꓵꓻ ꓡꓰ ꓢꓴ ꓐꓴ ꓐꓱ ꓶ ꓠꓲ, ꓟ ꓫ. ꓢꓲ ꓠꓬꓲ ꓪꓽ ꓘꓴ ꓙ ꓔꓬ ꓡꓳ ꓐꓰ ꓐꓯ ꓟ ꓓꓳꓽ

5 ꓦ ꓟ 5 ꓠꓬꓲ 2023 ꓘꓳꓼ ꓕꓯ Serbia ꓗꓴꓷꓼ ꓗꓪ ꓟꓽ ꓙꓲꓻ ꓢꓴ ꓕꓲ ꓣꓳ ꓡꓰ ꓡꓽ ꓛꓴ. ꓐꓶ ꓗꓷ ꓟ ꓪꓴ. ꓠꓬꓲ ꓑ ꓫꓬ ꓮ ꓟꓬ, ꓫꓵꓻ ꓡꓰꓳ꓿ ꓕꓱ ꓫꓵꓻ ꓡꓰ ꓟ ꓗꓪ ꓤ ꓠꓱ ꓤ ꓢꓳꓻ ꓤ (8) ꓣꓳ ꓐꓰ ꓕꓲ ꓪ ꓑ ꓫꓬ (18) ꓣꓳ ꓫꓵꓻ ꓡꓰ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓠꓬ ꓠꓲ, ꓟ ꓫ. ꓢꓲ ꓠꓬꓲ ꓪꓽ ꓘꓴ ꓙ ꓖꓶ ꓔꓬ ꓡꓳ ꓐꓰ ꓐꓯ ꓟ ꓕꓳ ꓶ ꓔꓯ ꓐꓳ ꓢꓲ ꓠꓬꓲ Serbia ꓔꓲꓺ ꓒ ꓓꓽ ꓠꓯꓸꓼ ꓗꓪ ꓕꓳ ꓶ ꓗꓪ ꓐꓰ ꓐꓳ ꓖꓶ ꓗꓷ ꓟ ꓥ ꓡꓳ꓿

ꓕꓱ ꓡꓽ ꓛꓴ. ꓐꓶ ꓟ ꓠꓬ ꓢꓳꓺ ꓤ ꓬꓲ. ꓞꓲꓼ (13) ꓘꓳꓼ ꓙꓳ ꓢꓴ ꓕꓲ ꓣꓳ ꓡꓰ ꓗꓳ. ꓗꓷ ꓟ ꓠꓽ ꓢꓽ ꓠꓬꓲ ꓕꓯ ꓢꓳꓻ ꓦꓲꓻ ꓗꓪ ꓡꓽ ꓛꓴ. ꓐꓶ ꓗꓷ ꓟ ꓪꓴ ꓠꓬꓲ ꓢꓳꓻ ꓦꓲꓻ ꓡꓳ. ꓢꓴ ꓐꓰ ꓢꓳꓻ ꓤ (8) ꓣꓳ ꓫꓵꓻ ꓡꓰꓳ꓿

ꓝꓮꓲ ꓠꓽ ꓡꓲ. ꓠꓬꓲ ꓕꓯ ꓥ ꓟꓲ ꓞꓳ ꓡꓯ. ꓕꓲ ꓣꓳ ꓐꓰ ꓟꓯꓼ ꓒ ꓕꓲ ꓣꓳ ꓫ. ꓪ ꓟꓬꓽ ꓡꓯ ꓘꓳ, ꓟ ꓪꓴ. ꓠꓬꓲ ꓞꓳ ꓡꓯ. ꓠꓬ ꓒ ꓕꓲ ꓗꓪ ꓙꓰ ꓔꓬ ꓟ ꓟꓳ‐ꓓꓳ ꓕꓲ ꓢꓶꓽ ꓔꓯ ꓡꓽ ꓛꓴ. ꓗꓪ ꓐꓰ ꓐꓶ ꓗꓷ ꓟ ꓪꓴ. ꓠꓬꓲ ꓑ ꓫꓬ (14) ꓣꓳ ꓫꓵꓻ ꓡꓰꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓠꓬ ꓫꓵꓻ ꓡꓰ ꓢꓴ ꓐꓴ ꓦꓻ ꓐꓱ ꓶ ꓪꓽ ꓘꓴ ꓙ ꓖꓶ ꓢꓲ ꓠꓬꓲ ꓤꓰꓻ ꓞ, ꓢꓴ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓙꓵꓽ ꓐꓱ ꓶ ꓥ ꓟꓲ ꓪꓽ ꓘꓴ ꓖꓶ ꓗꓷꓳ ꓐꓰ (Vatican News) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿