ꓔꓲꓺ ꓒ ꓪ ꓔꓲ Francis ꓠꓬ Turkey ꓗꓴꓷꓼ ꓗꓪ ꓗ‐ꓔꓳ‐ꓡꓲ ꓪꓽ ꓘꓴ ꓦꓲꓻ ꓗꓪ ꓟꓽ ꓙꓲ ꓢꓴ ꓐꓴ ꓡꓰ ꓑꓳ ꓡ ꓚꓴ. ꓗꓪ ꓐꓰ ꓡ ꓞꓳ ꓫꓵꓻ ꓟ ꓔꓯ ꓠꓲ, ꓟ ꓫ. ꓔꓬ ꓟ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓚꓲ. ꓚꓺ ꓠ, ꓟ ꓓꓰꓽ ꓔ ꓟ

ꓔꓲꓺ ꓒ ꓪ ꓔꓲ Francis ꓠꓬ Turkey ꓗꓴꓷꓼ ꓗꓪ ꓗ‐ꓔꓳ‐ꓡꓲ ꓪꓽ ꓘꓴ ꓦꓲꓻ ꓗꓪ ꓟꓽ ꓙꓲ ꓢꓴ ꓐꓴ ꓡꓰ ꓑꓳ ꓡ ꓚꓴ. ꓗꓪ ꓐꓰ ꓡ ꓞꓳ ꓫꓵꓻ ꓟ ꓔꓯ ꓠꓲ, ꓟ ꓫ. ꓔꓬ ꓟ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓚꓲ. ꓚꓺ ꓠ, ꓟ ꓓꓰꓽ ꓔ ꓟ

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ 1 ꓦ ꓟ 29 ꓠꓬꓲ 2024 ꓘꓳꓼ ꓢꓲꓺ ꓒ ꓦꓬꓼ ꓠꓬꓲ ꓕꓯ ꓔꓴ ꓣꓗꓰꓬ ꓗꓴꓷꓼ ꓗꓪ ꓙꓳ ꓟ ꓗ‐ꓔꓳ‐ꓡꓲ ꓪꓽ ꓘꓴ ꓦꓲꓻ ꓕꓲ ꓦꓲꓻ ꓗꓪ ꓪꓽ ꓘꓴ ꓤ ꓔꓬ ꓟ ꓙꓵ, ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓡ ꓚꓴ. ꓑꓳ ꓗꓪ ꓐꓰ ꓑꓶ ꓗꓷ ꓟ ꓪꓴ. ꓠꓬꓲ ꓪꓽ ꓘꓴ ꓤ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓔꓲ ꓣꓳ ꓫꓵꓻ ꓡꓰ ꓢꓲ ꓠꓬ ꓮ ꓟꓬ, ꓠꓻ ꓓꓴ ꓡꓰ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓠꓲ, ꓟ ꓟꓽ ꓢ ꓔꓬ ꓟ ꓔꓯ ꓐꓯ ꓔ ꓟ ꓥ ꓡꓳ꓿

ꓕꓱ ꓡꓰ ꓐꓰ ꓔꓲꓺ ꓒ ꓪ ꓔꓲ ꓠꓬ ꓦꓮꓔꓲꓚꓮꓠ ꓗꓴꓷꓼ ꓗꓪ ꓐꓰ ꓔꓴꓣꓗꓰꓬ ꓔꓲꓺ ꓒ ꓓꓽ ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓙꓲ‐ꓢꓴ ꓢꓲꓺ  ꓤ ꓐꓴ ꓪꓽ ꓘꓴ ꓔꓬ ꓟ ꓙꓵ, ꓕꓯ ꓢꓰꓼ ꓡ ꓟ ꓪꓴ. ꓠꓬꓲ ꓫꓵꓻ ꓡꓰ ꓟ ꓙꓲ‐ꓢꓴ ꓢꓲꓺ ꓤ ꓙꓳ ꓟ ꓪꓴ. ꓠꓬꓲ ꓮ ꓘꓶ. ꓙꓲ ꓠꓲ, ꓟ ꓫ. ꓔꓬ ꓟ  ꓐꓰ ꓟꓽ ꓙꓲ ꓢꓴ ꓐꓴ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓚꓲ. ꓚꓺ ꓢꓲ ꓠꓬꓲ ꓣꓴ ꓠ, ꓟ ꓓꓰꓽ ꓔ ꓟ ꓥ ꓡꓳ꓿

ꓕꓱ ꓡꓰ ꓗꓷ ꓟ ꓡꓰ ꓟ ꓢꓲꓺ ꓤ ꓦꓬꓼ ꓠꓬꓲ ꓕꓯ ꓔꓴꓣꓗꓰꓬ ꓗꓴꓷꓼ ꓡꓳ ꓒꓱ ꓤ  ꓕꓲ ꓟ ꓗꓪ ꓪꓽ ꓘꓴ ꓦꓲꓻ ꓗꓪ ꓪꓽ ꓘꓴ ꓔꓬ ꓟ ꓙꓵ, ꓕꓯ ꓟꓽ ꓙꓲ ꓢꓴ ꓠꓬꓲ ꓣꓳ ꓡꓰ ꓡ ꓚꓴ. ꓑꓶ ꓡ ꓟ ꓥ ꓡꓳ꓿ ꓕꓱ ꓡ ꓚꓴ. (ꓑꓳ) ꓑꓶ. ꓩꓴ ꓡ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ  ꓤ ꓕꓲ ꓣꓳ ꓫꓵꓻ ꓡꓰ ꓟ ꓥ ꓡꓳ ꓐꓰ ꓪꓽ ꓘꓴ ꓦꓲꓻ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓡꓰ ꓐꓯ ꓔ ꓟ ꓥ ꓡꓳ꓿ ꓝꓮꓲ ꓕꓱ ꓡꓰ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓰꓼ ꓟ ꓠꓬ ꓮ ꓘꓶ. ꓛꓲ ꓟꓽ ꓙꓲ ꓟ ꓟꓬꓱꓽ ꓥ ꓟ ꓪꓴ. ꓠꓬꓲ ꓙꓵꓻ ꓠꓲ, ꓚꓱ, ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓔꓯ ꓠꓱ. ꓐꓯ ꓙꓵꓻ ꓠꓲ, ꓔꓯ ꓟꓽ ꓠꓲ, ꓜꓳ ꓠ, ꓟ ꓟ. ꓖꓶ ꓠ, ꓟ ꓐꓯ ꓔ ꓟ ꓥ ꓡꓳ꓿

ꓝꓮꓲ ꓙꓲ‐ꓢꓴ ꓢꓲꓺ ꓤ ꓐꓴ ꓢꓲꓺ ꓒ ꓦꓬꓼ ꓠꓬꓲ ꓪꓽ ꓘꓴ ꓙꓵ, ꓗꓪ ꓟꓽ ꓙꓲ ꓢꓴ ꓐꓴ ꓡꓰ ꓪꓽ ꓘꓴ ꓦꓲꓻ ꓘꓴꓽ ꓗꓪ ꓓꓵ ꓡ ꓢꓲ ꓠꓬꓲ ꓡ ꓚꓴ. (ꓑꓳ) ꓡꓰ ꓑꓶ ꓢꓰꓼ ꓡ ꓟ ꓪꓴ. ꓠꓬꓲ ꓮ ꓘꓶ. ꓙꓲ ꓙꓳꓺ ꓡꓰ ꓟ ꓐꓰ ꓔꓴꓣꓗꓰꓬ ꓗꓴꓷꓼ ꓗꓪ ꓔꓬ ꓟ ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓐꓴ ꓐꓱ ꓶ ꓮ ꓘꓶ. ꓛꓲ ꓠꓲ, ꓟ ꓟꓽ ꓢꓽ ꓓꓴ ꓓꓽ ꓟ ꓒꓬꓱꓼ ꓬꓰ ꓟ ꓥ ꓡꓳ

꓿ ꓗꓴꓷꓼ ꓙꓵꓽ ꓢꓴ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓟꓽ ꓙꓲ ꓟ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓔꓯ ꓞꓽ ꓞꓽ ꓣꓴ ꓖꓶ ꓠ, ꓟ ꓐꓰ ꓗ‐ꓔꓳ‐ꓡꓲ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓫ. ꓓꓴ ꓟꓽ ꓖꓶ ꓠ, ꓟ ꓔꓴꓣꓗꓰꓬ ꓔꓲꓺ ꓒ ꓓꓽ Palinuro ꓡꓰ ꓐꓯ ꓔ ꓟ ꓥ ꓡꓳ꓿ ꓝꓮꓲ  ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓙꓵꓻ ꓠꓲ, ꓙꓳ ꓙꓳ ꓑꓶ ꓑꓶ ꓪꓴ‐ꓢ ꓐꓯ ꓘꓶꓽ ꓔꓯ ꓛꓳ ꓫꓱ, ꓠ, ꓟ ꓐꓯ ꓔ ꓡꓳ ꓐꓰ (Vatican News) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿